معنى السعاده2

7

-"ايوة اولادي احسن بالف مره منك على فكره انت اكعب واحد فيهم واكتر واحد ما عندو ادب واحترام ومشوه صوره العيله "
كلامو حسيتهو سكين انغرست في قلبي
حسنه:"سامي ابوك ما قاصد...."
جريت وطلعت برا البيت للحديقه المكان ظلام بقيت في الزاويه ابكي لانني ما عاوز زول يشوفني وانا ابكي لانو اخواني المتخلفين حيمسكوني تاني كان الوقت تقريبا بعد المغرب بشويه فجأه زول دق الباب وحديقتنا مقفوله فما شافني اكيد مشيت لزقاق ورا البيت وقعدت زعلان ومنفوخ وجا سمير فتح الباب كان راجل اعتقد اني شفتو قبل كدا بس لما شفت مرتو وولدوا اتذكرتو دا قريبهم من جهه امهم وولدوا اصلا واضح هو وسمير اصحاب فشفتو كتير بقيت عاوز افهم في شنو دخلوا وجلسوا وانا ما اتحركت من مكاني واصلا قاعد تحت الشباك الفي صاله ابوي وماف زول بيدخل القسم دا كما اسلفت فسمعت صوتهم وهم جايين على هنا وقعدوا وسمعت صوتهم بينقنقوا بس ما انتبهت لشي وفي النهايه قمت ودخلت جوا لقيت مرتو قاعده مع الحريم وبيتونسوا وبقوا بيعاينو لي ...
حسنه باهتمام:"سامي مشيت وين "
رديت بعناد:"ما عارف"
-"سامي !!"
-"......."
-"سلم على ضيفتنا"
اترددت استمر اعاند ولا اتأدب بس اذا اتأدبت حيرجعوا يعاملوني بنفس الطريقه لا حاستمر عشان اثبت ليهم اني قوي صرخت:
-"ما عاوز!! تصدقي يا ضيفتنا البيت مليان مجانين انت متعوده تزوري مستشفى المجانين !!"
اتصدموا مني ومصيبتي لما اتلفت ولقيت عواد وراي قال لي:
-"مجانين ؟؟"
لا ما وقت التراجع فقلت:
-"ايوة كلهم مجانيين "
-"سامي احترم نفسك"
-"ما حاحترمها "
مسكني من قميصي وقال لي:
-"اتأدب مع خالتي يا حيوان "
-"ما هو انا حيوان كيف اتأدب "
ضربني على بطني قربت وانا انحيت من قوه الضربه قال لي:
-"كمل كلامك "
-".....ما على كيفيك ولا حاكون على كيفيك "
جراني لجوا وانا الصراحه ضعيف شديد ما زول ضرب بس حاستمر في عنادي وحاعمل العاوزو دخلني لغرفتناوقال لي :
-"أخير تحترم نفسك "
-"ابيت "
سميربلا مباله :"عواد خليهو"
-"ابيت "
-"عاملين ازعاج اسكتوا"
وائل جا وقال ليهو:
-"ما تجرو كدا هو ما كلب"
-"كلامك صح الكلب احسن منو "
-"خليك في حالك "
-"انت الدخلك شنو "
-"ما ممكن تتعامل كدا مع اخوك "
-"وقت هو اخوي اخير ءأدبو"
-"بس ما بالطريقه دي"
-"طريقتي الحتمشي"
ما مصدق عواد ووائل ديل اكتى اتنين اصحاب فينا لانو عمرهم زي بعض وانا فرقتهم بعنادي انا ما عاوز افرقهم عاوزهم يعاملوني باحترام بس لكن اذا استسلمت هسه حيفضلوا يصالحوني ويخالفوني على راحتهم وانا ما لعبه سمير جا ومسك عواد وقال :
-"انا قلت ليك عندي صداع ما بتفهم وانت بتزيدو بكواريكك دي عشان كدا احسن توقف البتسوي فيه"
-"هو ما براحتك !!"
-"لأ براحتي وبوريك كيف"
بدأ يضربوا ويتخانقو وعواد بيقاوم بلا فائده جا خالد من بره ولما شافهم دخل ضد سمير احمد وآدم حاولوا يفكوهم وعبدالله في عالم تاني 😂حسان بحمر لي قال لي :
-"عاجبك كدا "
-"......."
-"اتكلم عاجبك انك تعمل حاجه زي دي "
-"انا ما السبب"
-"لأ انت السبب"
-" اوريك حاجه ؟؟ كلامك صح انا عاجبني الموضوع عندك اعتراض "
-"سامي..."
قاطعتو:"(انت سبب المشاكل )حتقول كدا صح ايوة انا السبب ودامو ابوي يقول اني اسوأ واحد فيكم حاكون اسوأ واحد واثبت ليه كلامو "
-"سامي انت اتغيرت بشكل "
-"لا انا ابدا ما اتغيرت انتو اجبرتووني اتعامل معاكم كدا"
وطلعت ببرود ناسي انهم كلهم سمعوني جراني سمير لجوا وقال لي:
-"يعني انت شايف روحك شنو "
قلت بابتسامه ألم:"سامي...الحيوان ود الحيوانه..... ....اسوأ واحد فيكم...سبب المشاكل....الكلب ...نسيت حاجه تاني لأ استنى ...عديم الأدب والاحترام ...الزفت ..المتخلف ..المنفسن وصلت الفكره ولا أكمل"
-"سامي الحصل ليك شنو "
-"يادوب تسأل الحصل لي شنو ؟ ما حصلت حاجه بس كل ما في الموضوع انو اخواني حيوانات زييكم "
رامي:"مالك كنت بخير الصباح "
-"شكرا يا رامي ممكن تسكت انت "
-"انا سويت ليك شنو... انت عارف كلامهم صح انت عندك نفسيات "
-"عارف انا عندي نفسيات منكم ومن خلقتكم "
تراهم كرهوني من كلامي وزعلوا من لساني سمير قال لي:
-"قول كلمه واحده تاني عشان اكسرك"
-"حاقول الف كلمه....كسرني"
عبدالله قام :"انت زعلان من قبيل لما شديت ليك يدك"
-"لأ قبلها بكتير ممكن تتفضل تكسرني استاذ سمير"
قلتها باستفزاز شديد وهو دمو حار ونزل فيني ضرب ما وجعتني ولا ضربه لانو قلبي واجعني الف ضعف بس ضربني لما بقيت بكورك وجات لما وهي تقول:
-"ما تكوركو فضحتو......وااااي دا شنو السويتو سمير خليهو"
-"اطلعي بره "
-"خليوه اول"
اداها كف وقال ليها :
-"اطلعي بره"
وضعت يدها على خدها ومشت بتبكي رماني على الارض ومشا واخواني ولا واحد فكر يشوفني قمت براي وجسمي واجعني من الضرب مشيت وغسلت وشي وطلعت من الغرفه وانا حاهلك من التعب لقيت الضيفه لسه قاعده مشيت وشربت مويه في اللحظه دي حسيت نفسي تعبان تعب ونفسي قام بقيت ما قادر اتنفس اتخنقت عديل وما قادر اكورك لزول اتخنقت خلاص ورأسي لفا ووقعت على الارض ولسه بحاول استنجد بزول بس حاسي انو صوتي راح جات لما وشافتني وصرخت وصرخت وبقت بتكورك :
-"سامي سامي مالك"
جا ابوي والراجل داك ابوي خاف علي واخذني للحوش ولسه نفسي قايم ما قادر اتنفس اخذني هو وداك الراجل للعربيه بسرعه وابوي شايليني على الشباك وحسيت انو خلاص ما حاقدر اتحمل وغمضت عيوني كنت متيقن انها نهايتي بعد ما اخذت نفس شويه قلت :
-"ابو...ابوي..."
-"لا ماف داعي تتكلم اهدأ "
من سوء حظي انو الجو كاتم وصلنا المستشفي وابوي شالني اول ما دخل من الباب فقدت الوعي صحيت والحمدلله لحقوني سريع لقيت ابوي واقف راجيني عاين لي لما صحيت وبدا عليو انو ارتاح قال ودموعو في عينو:
-"الحمدلله ...الحمدلله ...انت كويس يا ولدي"
اديتو اشاره بعيوني ابتسم وقال :
-"ارتاح وبعد شويه حنمشي "
جا الدكتور ورفع قناع الاوكسجين عني وقال لي:
-"حمدلله على السلامه يا سامي بس ممكن توريني حصل شنو "
-"ما حاوريك اصلا عاوز اموت"
لسه كنت مصر اكتر من اي مره تانيه قال لي:
-"سامي ولدي كلمني خير مالك عاوز تموت 💔"
-"لاني بكره حياتي"
عاين لابوي وهز كتوفه ابوي اكتفى بانو يأشر ليهو يطلعو برا اتكلمو وجا الدكتور وخلا ابوي برا سألني:
-"سامي ابوك بيضربك "
-"لأ"
-"طيب في زول بيضربك "
-"ما عاوز اوريك ما مهمتك تحقق معاي يا متطفل "
-"خلاص براحتك "
طلعنا وفي العربيه ابوي يسأل وانا بردح بس في النهايه قنع مني تماما وخلاني وصلنا البيت ودخلت لقيت لمياء بتصرخ:
-"ما عاوزة اعرس هسه"
وامها:"خير يا بتي ما تكوركي وكدي نتكلم في الموضوع"
-"لا ما حنتكلم في اي شي سواء كدا او كدا انا ما هاميني اصلا اتزوج وما حاتزوج ابدا"
-"لمياء!!"
-"ابيت"
ابوي:"في شنو"
لمياء:"ابوي حانتحر اذا وافقت "
-"سامي ادخل جوا وارتاح "
مشيت بهدوء لغرفتنا ولقيتهم ...........