معنى السعاده2

17

نرجع لحمزه وسامي :
حمزه :"وكدا اتزوجوا ودي علاقه امك بابوك "
رديت:"انا زعلان شديد عشان امي"
-"وانا زاتي لكن...زعلان ليي ولدونا وهم بيكرهونا"
-"امي مستحيل تكرههم "
-"ايوة بس كانت مهتمه بينا بس كنت بحس انو في حاجز بيناتنا وكنت قايل انو ابوك هو دا الحاجز كنت بجي وبدق سمير وبشتم ابوك وبمشي كنت بجي بحجه اني عاوز اشوف امي لكن ما كنت بشتاق ليها حتى كشخصيه ما كنت عارف عنها حاجه ومما اتزوجت حازم يادوب ابوي اتمكن فينا "
-"بالمناسبه مشكله ابوك شنو مع ابوي"
-"طيب ...ياااخ انت ما زهجت من الحكاوي"
-"حمزه!!"
-"خلاص خلاص يلا نحكيها ليك امي وحازم عملو حفله صغيره كدا وخلاص تم العقد واحنا المساكين رمونا لجدي كنا صغيرين شديد كان عمري سته سنه وليلى كان عمرها اربعه وبعدها غاده كان عمرها تلاته سنه ومحمد صغيرنا وعمرو سنتين جدي كان كاره مصعب شديد فكرهنا احنا كمان والعيله كلها ما بتطيق شوفتنا بقينا معاهم وهنا جا مصعب لحازم وقال ليه انو احنا قاصرين لسه ولازم تربينا حازم كان عارف انو دا واجبها وطلب منها تربيهم وترجع ليهم لانو ما بمانع بس مصعب رجع يضايقها تاني وشكتو لحازم وهنا حازم قال ليها ما يستحقو اولادو تربيهم وخلتنا كنا بنمشي ليها زيارات ودي المشكله "
-"اها طيب "
-"ممكن امشي"
-"ما حتقعد "
-"لازم امشي"
قالها بتوتر وهو بيعاين لتلفونو وطلع سرعه من غير ما يودع زول وانا رجعت لابوي سالني :
-"اها عندك سؤال"
-"ايوة ليي بعدت ناس حمزه عن امهم "
-"ابدا ما بعدتها هي براها قالت لي كدا شاكلتها وقلت ليها ترعى اولادها بس هي حتى ما حنينه عليهم عشان كدا ماف فايده ثم اني مالي دخل "
حسيت بزعل ما طبيعي ومشيت تجاه غرفتي سمعت صوت انين كانو زول بيبكي وبيكتم بكاو دقيت باب غرفه البنات وبعد دقايق جا صوت لمياء المهزوز :
-"ادخل "
دخلت وانا بعاين ليها كانت بتتظاهر انها ما بتبكي سالتها :
-"ليمو؟؟"
-"خير؟؟"
-"ليي بتبكي "
-"ما ببكي "
مشيت عليها وانا اقول :
-"احكي لي وانا ما حاكلم زول وريني المزعلك شنو يا اختي"
رجعت تبكي تاني قربت منها وسالتها :
-"ما عاوزا توريني"
-"ايوة ما عاوزة "
-"اسف "
-"دا كلو من الزفتين ديل"
-"منو "
-"كلو من حامد وحازم دا وبالاخص مجاهد "
-"لحظه احكي ليك قصدك منو "
-"انا ما عاوزة اتزوج الزفت دا حياتي انتهت "
-"استني كلميني وانا بحل الموضوع "
-"طيب ساعدني الولد دا انا بكرهو وما عاوزاه نهائي"
-"والغيب فيهو شنو "
-"عيب بس ؟؟ عيوب ...ماعندو اخلاق ...جنو يشاغل بنات الناس ...قله ادب فايته الحد "
-"طيب وهو بيعرفك كيف "
-"دا ود خالي "
-"اهاا"
-"جنو مشاغلات وفارغه ما عارفه سمير مصاحبو كيف"
-"طيب وابوي دخلو شنو "
-"ابوي وافق دون ما يستشرني "
-"ما مشكله لو هي حياتك انت امشي وصلحيها واتكلمي مع ابوي بالهداوة اكيد حيفهم ابوي ما زول اكراه وانا بعرفوا "
هزت راسها بهدوء ومشت ليه وانا رجعت لغرفتي واخدت نومه صحتني منها هي وبتصرخ :
-"كلامك صح يا سامي....شكرا حبيبيي اخويييي العسل "
-"عفوا بس كنت مفتكرك بتحبيهو وكدا "
-"استغفر الله قلت ليك دا بتاع مشاغلات وفارغه وكان بيحب يستفزني كريه خلاص"
(احيانا نهدم امال اخرين في سبيل انفسنا )
مجاهد:
كنت قاعد بالصاله مع جدي وحبوبتي لما رن تلفون جدي كان حازم يارب وافقت يا رب يا رب بس اتصدمت لما قال لي:
-"البت رفضت وهو ما بيقدر يجبرها "
كسرت قلبي شديد كنت مأمل فيها بس قلت لي جدي بابتسامه :
-"شكرا يا جدي "
ومشيت لغرفتي ورقدت على سريري وضميت رجولي علي ليي كدا يا امي تمشي وتخليني براي دموعي بقت هربانه من عيوني كنت عاوز اوريها بس الحاصل اوريها ليي انا حبييتها بس براحتها هي ما دايراني .
...مامشكله وانا زاتي ما طايق اسمع سيرتها بعد العملتو لي بكرهها بكيت لما نمت صحيت واختي الصغيره ربى بتهز فيني فتحت عيوني وشفتها قالت:
-"مجاهد حبوبه قالت ليك تعال تحت "
-"ما عاوز اتكلم مع زول كلميها "
-"طيب"
مشت رجعت تاني ابكي امي ليي ابوي ليي بس فهموني ليي انا براي مش قلتو حتمسكو يدي وحنمشي خطوة خطوة فكيتوني ووقعوتني ليي بس انا محتاجكم شديد هسه بس انتو مشيتو وخلبتوتي واقف براي ارجعو لي بس ارجعو 💔 ...تلفوني دق قفلتو وبقيت بس قاعد مستني موتي اموت واريح نفسي بس ....
حمزه :
قعدت مع سامي وحكيت ليه كل حاجه عننا لكن وصلتني رساله من غادة:
-"ارجع البيت سرعه "
استأذنت من سامي وطلعت جري لانو ابوي ما بيخلي لينا شي مرتباتنا بتمشي في حسابو وبقيت جاري للبيت.......
غاده :
كنتا قاعده في الاستقبال مع محمد وليلي مستنين حمزه بفارغ الصبر في اللحظه دي جات حبوبتي خاشه قالت بقرف :
-"ما تقعدوا هنا امشوا غرفتكم لانو ما يشرفني انو الزول البيجي بيتي يشوف وشوشكم ....وين حمزه "
محمد :"مشى يشوف لينا حل يطلعنا منكم "
-"لأ مشا لحازم "
غاده :"لأ"
محمد :"ايوة حازم الكريه دا اخير منكم "
-"محمد!!"
حبوبتي غضبت مننا شديد قالت :
-"على غرفتكم يا كلاب وحمزه دا يستناني "
.....
حمزه :
وصلت البيت لقيت حبوبتي وابوي في وشي سالتهم:
-"وين اخواني "
ابوي جا علي وقال :
-"مشيت لحازم ؟؟"
-"لا انا حتى ما عارف بيتو "
-"كويس بقى فيها كضب يا حمزه تعال وراي "
-"ليي "
نهرني:"انا قلت تعال وراي وكلامي بيتنفذ لاني صارف على السم البتاكلو وتشربوا "
سكتت ومشيت معاه بذله فهو في النهايه ابوي وصلني للغرفه المنزويه في البيت الما بيخش ليها الا محمد دخلت قال:
-"حازم دا ما اسمعوا على لسانك تاني فاهم "
-"ايوة "
-"مشيت ليي ؟؟"
-"اشوف اخوي "
-"امك المتخلفه دي ما جابت لي الا المصايب "
اي شي الا امي قلت ليه:
-"انت كترتها "
-"بتقل ادبك علي انا "
-"..........."
-"يا زفت اتكلم "
-"ابوي ارحمني شويه انا ما قادر اعيش هنا ما طايق زول هنا "
-"انت حيوان!! "
-"ابوي شبعت شتايم خلاص ..."
قاطعو:"انعل ابوك "(الهو انت😂💔)
-"استغفر الله "
اداني كف لما رقبتي وجعتني وقال :
-"شفت قله الادب المربياكم امكم عليها دي ما بتفرضها علي "
-"امي ربتنا اخير منك "
-"انت ومنو اخوانك الملقطين ديل "
-"اخواني الملقطين ديل جاين منك "
-"ما ترد علي ولسانك دا ابلعو اطلع برا ماف ليكم عشا لتلاته يوم"
-".......بس هم.."
-"اطلع يا حيوان !!"
مشيت لاخواني ولما شافتني غاده جات سالتني:
-"انت كويس "
-"ايوة وانتو ابوي ما هبشكم صح "
-"ايوهفي مشكله "
-"للاسف محرمين عشا تلاته يوم"
ليلى:"اصلا دي النهايه كل مره"
-"لحظه.....كيف عرف اني مشيت لحازم "
محمد:"انا كلمتو "
-"ليي يعني؟؟"
-"لانك ماشي تتذلل لواحد ذلانا وبعد مننا امنا "
مشيت عليه خلاص ما قادر امسك يدي منو جرتو من ياقتو وقلت :
-"ممكن تبطل قله الادب دي ولو ما لجئنا ليهو انت عندك حل"
-"ايوة اننا نعيش كدا "
اديتو بنيه رعفتو واديتو بنيه في بطنو وخليتو على الارض وطلعت وغاده بتناديني مشيت برا البيت وركبت سماعاتي وطلعت للحديقه الجمبنا وقعدت اسمع قرآن يا ربي فرجها وطلعنا من الحاله دي
نرجع لناس سامي:
طلعت من غرفه البنات ولقيت خالد في وشي حمر لي ودخل مشيت لاقاني ابوي غضبان قال لي:
-"نادي الزفت خالد"
-"طيب"
.............