معنى السعاده2

29

سامي :
فتحت عيوني بعد تعب وراسي واجعني شديد ماقادر افتح عيوني بعد السوهو فيني غمضت عيوني لمره افتكرتها الاخيره بس صحيت على زول شاتني بحقد شاتني عديل لما اتدردقت وضربت الحيطه حاولت اتحرك بس جسمي وجعني شديد بالذات بطني قرب مني وابتسم وقال:
-"انا مش قلت حتلحقو اخوكم وحتلحقوه"
عرفتوه الخبيث 💔مصعب
كنت عاوز ارد بس ما قدرت من الوجع مشا وخلاني وقفل الباب وحلت العتمه تاني حاولت اقوم بس رجلي وجعتني شدييد وبقيت بكورك بس ماف زول سامع حاولت اقيف على رجل واحده بس لأ ماقدرت اتحرك بقيت بحبو على تلاته لانو رجلي واجعاني شديد ماف منفذ الغرفه عتمه بقيت بفتش لقيت الخشبه الخبتوني بيها 😭💔 مصعب دا اكيد شغال مع عصابه بتاعت مجرمين اكيد حيسوي فيني مصيبه خاييييف شديد بس لازم اطلع لازم لازم عشان القى زول يساعدني شلت الخشبه عشان احاول افتح الباب بس من غير ما اجرب اي شي اتفتح وجا منو راجل ضخم كدا مخيف الليله!!
جاي يسوي شنو لي دا خفت قلبي بقى دق دق دق وجا واحد تاني كدا وراو حسيت اني شايفو قبل كدا بس ما قادر اتذكر يا ربي ...ان شاء الله بس معجزه كدا تطلعني قبل ما اجن من الخوف ......
حسان :
ابوي وصل ورجعنا نفتش ما قدرنا نعرف مكانو وين ورجعنا البيت كان وائل بقا كويس واستعاد نشاطو بعد الحبه الادتو ليها ريان وائل جا وقال ليها:
-"شكرا"
-"عفوا"
واتلمينا ابوي اتكلم:
-"ما حنقدر نبلغ الا اذا تمت اربعه وعشرين ساعه عشان كدا حنفتشوا رامي وخالد خليكم في البيت وائل وعواد انتو اطلعوا هسه امشوا بيت حامد ابو رانيه واسالوا أيهم ولفوا في منطقتكم"
عاينو لبعض وطلعوا بهدوء من غير ما واحد يفتح خشموا كمل:
-"آدم وسمير "
بالغ لكن ديل ما بتفقوا قال:
-"امشوا بيت مصعب البيت الكان ساكن فيهو وفتشوا في الموضوع "
آدم:"مع سمير"
-"اي انتو الكبار والمكان خطر "
سمير رجع شعرو لورا وعاين لآدم بقله حيله وطلعوا الاتنين احمد انت احرس البييت "
-"يااااه ابوي ياخ  انا اكتر واحد بيعرف الشوارع الجانبيه والحتات الكعبه"
رديت:"انت ما كعب لكن"
-"اي عشان كدا حاعرف لو سامي دا اصلا خطفوه حيكون هناك"
-"خطفوه ؟؟ لا لا حيكون راح بس انا متأكد طيب اطلع"
طلع ابوي اتنهد وقال:
-"عبدالله انت صغير عشان اخلي ليك البيت "
-"خليو انا بكفي "
رديت:"اصلا عبدالله دا قابضينو خمس مرات في المدرسه شايل في شنطتو مطوة وطاعن ليو واحد السنه الفاتت"
-"عبدالله"
رد:"لا يا ابوي دفاع عن النفس والراجل كان سكران"
-"اها طيب خليك هنا ...حسان"
-"اها"
-"امشي استفسر من علاقاتك دي عن قضيه محمد والمشتبه بيهم واتبرئوا منهم مصعب فتشوا وين هسه فهمت "
-"علاقاتي"
ريان:"حسان انت قاضي"
-"ايوة بس ....خلاص تمام"
ريان :"عمو حازم وانا؟؟"
-"انت ارح ارجعك بيتكم "
-"لا انا عاوزه القى سامي ممكن امشي مع حسان"
اووووه لأ لأ هزيت ليو راسي بوراها قال:
-"لا ماف داعي ممكن تطلعي انت ولمياء تنشروا خبر اننا بنفتش فيهو عشان نقدر نلقاهو"
-"طيب "
مشت وجرت لمياء وجات لما الهواله ودموعها في عيونها سألت:
-"سامي حصل ليهو شنو ؟؟"
ابوي:"سامي راح "
قعدت في الارض تبكي قال :
-"مالك"
-"هسه كان مات يموت زعلان مني"
(سامي كان قاطعها معاها من يوم اكتشف انو عندو اخوان من امو)
-"مالك سويتي ليهو شنو"
-"من اليوم الشاكلتو فيهو ما اتكلم معاي شكلو زعلان"
-"لا ما زعلان منك حتى لو زعلان حيجي واعتذري منو كويس"
-"كويس !! في حاجه ممكن اسويها "
-"اقعدي هدي المره الحامل حتتضرر لو سمعت"
مشت وانا مشيت للغرفه مخيفه وهي فاضيه ركبت اللابتوب في الشاحن ضربت لاستاذ عبدالمنعم لانو متفاهم شديد وكان شغال في القضاء وكدا قلت استفيد منو .......
عواد:
مشينا وركبنا مواصلات لبييت حامد كنت بعاين لوائل ومتوتر لسه خايف عليو يقع تاني وصلنا البيت قال لي:
-"دا هو صاح "
-"ايوة ارح"
دخلنا ودقينا الباب فتح لينا راجل كدا في مقتبل العمر وقال :
-"اهلا "
وائل:"السلام عليكم ...انا وائل حازم ودا اخوي عواد حازم ..جينا.."
قاطعو:"انتو اخوان سامي"
-"ايوة"
-"وهو كيف ما شفته لي عشره سنه والجابكم انتو "
-"سامي ضاع ومحتاجينك عشان نلقى مصعب "
-"مصعب؟؟ انا قاطع من مصعب زي ما قاطع من حازم لانو ولد اختي ابى يخليني اشوفوا عشان كدا انا ما مستني منو شي لاهو لا مصعب"
قلت:"طيب اولاد اختك رانيه هي بتحبهم شديد وبتهتم بيهم ولو كانت حيه كانت حتقول ليك ساعدهم انت رانيه طيبه وما بتستحق اخو زييك"
-"طيب خلاص سامي وين"
-"اختفى راح وابوي قال عاوز معلومات عن مصعب عشان يلقاهو"
-"حازم !! طيب استنوني هنا"
قعدنا ومن غير ادراك قال لي:
-"ظابط كفك"
-"وانت زاتك اقنعناهو"
-"اي "
ورجعنا نضحك قال لي:
-"ما تقطع مني تااني فاهم "
-"انت افهم اول "
-"يااا وائل"
ضحكنا فرحت اني استعدت صاحبي رفيقي توأمي عديل ....
سمير:
اففف لازم امشي مع آدم ما مصحابو ولا بعرفوا ولا كاننا اخوان بس اتذكرت زماان...
زمااان😂:
كنا صغار كدا كان بيحب يلعب معانا انا ومجاهد لانو كان بيزورنا كتير بس كنا بنسوقه معانا ولما نصل الميدان بندقو ونخليه يرجع لامو بيبكي مما كان عمرنا خمسه سنه بنتغاتت عليهو لفايه ما بقينا في الاتناشر بندقو ونخليه يرجع لامو زعلان وكل مره بنغشو لكن سوا ليهو اصحاب وخلانا ببساطه زعلنا وكنا غضبانين اننا رخيصين في نظرو بس احنا اصلا في يوم ما كنا اصحابو وكنا  بس بندقو بنزعلو وهسه لما كبرنا الفجوة بيناتنا كبرت خاصه لما ام سامي ماتت وانا كنت حقير بالجت وضربني ولهسه العلاقه بيناتنا متوتره ثم اننا ولاذرة شبه ما فينا كل واحد دربو براو وكان في مره بيقول لينا انو لو ضربناه حتحصل لينا حاجات ماحلوة وهي اني انسى كيكتي الكنت بشيلها في سنه اولى وفعلا ما لقيتها كتير وخفت لما اكتشفت انو بيشلها واتشاكلنا وكنت بغيظو بقول ليهو آدمو اللقب ما عاجبو(عشان كدا مهند بيستخدمو😂) ولهسه ولاذره اخوه بيناتنا ماف.
نهايه"زماان" 😂😂
وصلنا البيت وكان مهجور وما لقينا مفتاح الباب قلت:
-"ماف حل نرجع "
طنشني وطلع في الحيطه قلت:
-"آدم انزل"
ركب فوقا ومدا لي يدو عاينت ليهو كدابنظره اسستفزاز قال :
-"عارف انك ما بتعرف تركب فوق حيطه جيب يدك يا دلوع "
-"اسكت"
مسكت يدو وطلعت ونطينا بالجهه التانيه الحوش عاين لي ولسه بعاين ليو بنفس النظره
ابتسم ورد :"عفوا"
ومشا وانا وراو لقينا بقع دم في الحوش قال:
-"دا حوش جدهم الكلمتني عنو غاده ارح دا دم محمد"
مشينا ودخلنا بقينا بنفتش بنفتش فجأه ناداني:
-"سمير "
-"اها يا آدمو"
-"تعال ما بهظر"
مشيت ليو وكان دولاب مليان قروش زي بتاعت البنوك ديك قال لي:
-" لازم نضرب للبوليس"
-"لا يا متخلف لو جو هسه احنا الحندخل الحراسه ما مصعب "
-"مش لو احنا الضربنا "
-"طيب اضرب واذا مسكونا احنا حانكرك حطب"
-"ان شاء الله"
بارد بشكل غاظني .......