معنى السعاده2

14

عواد:"امممم.....قلبك بدق بقوة"
آدم:"ايوة كان بدق لما هو نايم وما عرفنا السبب"
-"طيب ...سؤالي حيكون غريب شويه بس بتضايق لما تسمع تلاوة او آذان ؟؟"
-"اممم ما اظن "
-"طيب اسمعني حاتلو ليك "
وفعلا كلامو صاح قال لي :
-"عرفت الحصل ليك شنو "
-"اها "
-"انت بس اعمل البقولو كويس "
عاينت لآدم فرد:"اسمع كلامو"
مشا وانا بقيت مستنيه ...جاب لي مويه في جردل كبير وقال :
-"اغتسل وتعال "
-"طيب"
اغتسلت وجيت راجع ليه وقرا لي آيه الكرسي وسور من السور الصغيره وآيات تانيه ما عرفتها من ياتو سوره وفي النهايه حسيت باني غبيت شويه عن الواقع وبعدها وعيت كنت حاسي براحه ما حسيت بيها لي زمن عواد سألني:
-"انت كويس؟؟"
-"شديد"
-"حمدلله على السلامه "
-"عملت شنو؟؟ "
-"تم علاجك على يد الشيخ عواد "
-"انت شيخ اول مره اعرف "
ضحك وقال :"الشيخ ما إلا يكون عندو دقن بيضاء"
-"كيف عالجتني"
-"رقيه شرعيه "
-"وهي شنو"
-"المويه فيها صفق سدر وقريت ليك آيات من سور معينه "
-"اوه"
-"قول ما شاء الله وما تسحرني 😡😂 خليني احصنك لانو الحصل ليك دا عمل "
-"والعمل دا شنو ؟؟"
-"اه...الشرح صعب بس هو زي السحر او شي كدا"
تلا لي وقرأتو ماشاء الله وصوتوا حلو  شديد وحسيت بطمأنيه والحمدلله بقيت كويس بعد ما انتهى سالتو باعجاب:"انت حافظ"
هز رأسو بالموافقه
-"علمني اقرا زييك "
-"ان شاء الله "
-"كيف عرفت تعالجني"
-"خال امي شيخ وانا عشت خمس سنه معاه وكنت بشوف الناس البيعالجهم وبتعلم منو "
-"ايوااا"
-" وانت كيف هسه "
-"بخير"
-"الحمدلله ...ارتاح "
التفتنا لآدم وكان نام على الكرسي صحاهو عواد وطلعو وانا ختيت راسي في المخده وفت في نومه ما صحيت الا الصباح مع آذان الصبح وابوي نايم على الكنبه جنبي صحيتو ولما شافني حضني وقال بصوت مهزوز:
-"كيفيك يا ولدي خفت عليك شدييييد سلامتك "
-"الله يسلمك ولا تخاف انا بخير"
-"هاااا متأكد"
-"ايوة متأكد"
-"طيب اليله ارتاح وما تمشي المدرسه "
-"لكن ..."
-"لأ انت تعبان  "
-"طيب بس ما تقلق علي "
-"لا لا انت ولدي ولازم اقلق "
-"خلاص يا ابوي "
-"تمام وانا الليله حامشي الشغل من هسه لتلاته ساعات وبجي الساعه تمنيه صباحا ما بطول عليك "
-"ابوي امشي شغلك عادي "
-"لا ما عادي لازم اتاكد انك بتاكل وتشرب كويس"
-"خلاص حاضر"
حبيت اهتمام ابوي واخواني بي العملوه عشاني ما شويه وحسيت بالندم اني شكيت في سمير بس بالجت عندي اسئله كتيره عن امي واخواني وعن مصعب وباقي اهل امي لازم اعرف لاني حتى الان ما عارف السوا لي العمل دا منو ولازم اتكلم مع عواد اوووه ومن جهه تانيه معطل المدرسه يومين الواجبات والدروس والامتحان الشهري الاسبوع الجاي لازم اذاكر كان جسمي لسه حار وبعد الاعراض مازالت طلعت ونزلت تحت والناس كلهم نايمين الا علياء كانت بتقرا قرآن وتبكي لما شافتني قامت سرعه قايلاني ما شفتها مشيت شربت مويه وفتحت التلاجه كنت جعان جوع جا ابوي وعاين لي واتكلم:
-"شكلك جعان اقعد خليني اسوي ليك حاجه "
قطع لي سلطه وسوا لي بطاطس سرعه عشان ما عندو وقت ولاني بحب البطاطس♥♥ قعد معاي واكل حبه وانا كملت الصحن قال لي:
-"الحمدلله انو عندك شيخ في البيت "
-"ايوة عواد"
-"وانو عندك اخو كبير عرف مرضك"
-"ايوة سمير"
-"وانو عندك اخو كبير يساهر معاك في المستشفى"
-"اها آدم "
-"وانو عندك ابو بيحبك "
-"عاوز تصل لشنو "
-"لحاجه واحده وهي ....متذكر لما زعلت مني وقلت لي انك زعلان لاني اتزوجت فوق امك لو ما اتزوجت ما كان عندك عواد او آدم او سمير "
-"معليش ندمت والله "
-"طيب لازم اطلع وبعدين نجي نتكلم "
-"طيب"
طلع كملت أكل وشلت الصحن وغسلتو اثناء ما بغسلو حسيت بزول جا وراي ما اتلفتت لاني متأكد انو واحد من ناس البيت كانت خالتي حسنه قالت بتعجب:
-"سامي!!"
اتلفتت وقلت ليها :
-"صباح الخير"
وقالت وعيونها بتدمع:
-"بقيت كويس!!"
-"آها"
-"الحمدلله "
-"وانت يا خالتي البيبي كيف "
-"كويس "
-" يا رب بنوته"
-"ان شاء الله خير كلهم حلوين😂"
جا احمد بيتساءب عاين لي وصغر عويناتو وقال:
-"همممم امي ليي سامي هنا مش مفروض يكون نايم "
رديت:"مالك ومالي؟"
-"تراك بقيت كويس "
حسنه:"خليهو يا سامي لي هسه بغير من رامي ووائل "
ضحكت ضحك وقلت ليو:
-"غيور لكن..... لهسه امك داير بيها شنو "
-"امي حبيبتي وما حتهتهم بيك اكتر مني صح ماما"
رديت :"😂واههههههه ماما عديل كدا يا شافع "
-"امييي!!"
حسنه :"خلاص يا احمد كفايه بعد شويه حيجي بيبي ياخد وقتي كلو وما حاقدر اقعد معاك كتير"
-"عشان كدا لازم تقعدي معاي هسه قبل ما تلديه "
رديت:"ما تتعبها عشان البيبي "
-"انت اسكت وارجع نوم نومك "
-"ما بقدر شبعت نوم "
-"المهم زح من اميي"
وطلع لي لسانو ..طلعت ليهو لساني وقلت :
-"ابييييت "
-"الشين دا"
-"شين براك "
حسنه:"بطلوا حركات شفع احمد يلا اقرا عشان امتحانك وانت يا سامي اقعد هنا "
-"طيب"
مشا احمد يقرا وانا قعدت معاها قالت لي :
-"اذا جبت بنوته حتسموها منو"
-"ااااا ....ما عارف"
احمد من برا :
-"حانسميها جود او وعد او عبير او لينه او...كفايه ولا اكمل"
رديت:"اسكت ماف زول اتكلم معاك "
مر الوقت لما اخواني صحو وانا واحمد بنتناقر جا سمير وقال لي بفرح :
-"بقيت كويس !!"
-"ايوة "
-"الحمدلله خفت عليك "
-"معليش لاني شكيت فيك "
-"ما مشكله ابدا "
جا عواد وقال لي :
-"تعال علاجك ما خلص "
-"طيب "
قرا لي وقال:
-"السحر دا سحر قوي اذا صح التعبير "
-"طيب ولازم يكون مدبروا زول "
-"ايوةة مستحيل ما يكون مدبر "
-"طيب والزول دا لازم يكون سحار وكدا "
-"لا في ناس بيشتروهم او ..."
-"قصدك يدفعوا مقابل يتسحر ليهم زول"
-"ايوة "
مشا وخلاني واخواني طلعوا الساعه تمنيه الا تلت الباب دق مشيت فتحتو بسرعه واتخلعت لما شفت حمزه قفلت الباب وجريت ادسيت ورا سمير لانو الوحيد القاعد قال لي :
-"خير مالك "
مشا على الباب وانا وراه مدسي فتح الباب وكان حمزه سمير ما عرفوا وحمزه ما عرف سمير وبقوا مركزين في بعض بحاولوا يتذكروا سمير نطق:
-"حمزه!!"
-"سمير !!"
سمير بغيظ:"الجابك شنو "
-"جيت اشوف اخوي"
-"وليي؟؟"
-"صله الرحم "
-"مولود ليهو اتناشر سنه ونص وما جيت شوف ليك عذر تاني فما مرحب بامثالك في البيت دا "
-"سمير خلينا نصلح الفات احسن من البتسوي فيه "
-"القزاز الاتكسر ما بيرجع تاني "
وقفل الباب اتنهد شكلو هو كمان كان متوتر قعد وظهرو للباب فتح تلفونو وبفتش في الارقام سالتو:
-"بتضرب لمنو ؟"
-"ابوي الوحيد الحايعرف يتصرف معاه"
-"اسرع "
دق الباب تاني وقال من ورا الباب :
-"سمير افتح لي بس ما حتحصل حاجه "
اداني التلفون وقال:
-"اتكلم مع ابوي وانا حاماطالو اسرع"
جريت بعيد رد ابوي:
-"ألوو"
-"ابوي!"
-"سامي؟؟"
-"ابوي حمزه جا للبيت "
-"كيف عرف ...افففف خلاص انا قدام باب البيت "
جا طلعت بالباب الورا ومشيت ليه قال لي:
-"سامي انت بخير"
-"ايوة بس ....سمير لسه ببتكلم معاه "
ومشيت مع ابوي لجوا وجينا ورا حمزه اتلفت و.....