معنى السعاده2

3

سمير اول واحد اتعصب منو قال ليهو:
-"حضره سيادتو الكلب واقف معاك هنا "
-"انت اسكت وما تتدخل"
-"بالله "
قرب منو وابوي اتوجه لغرفته ببرود من غير ولا كلمه والبيحصل يحصل سمير جرا حسان من قميصو وقال ليه:
-"اولاد الكلب عاوزين يدافعو، تسمح !!"
سمير كان عامل زي المجرمين المجانين في الافلام واداهو بنيه اتوسمت في وشو رداها لكن سمير اضخم منو واقوى وحسان اصلا حجمو صغير بالنسبه لسمير وسمير ضربو ضرب ضربوا وهو بيقاوم وفي النهايه استسلم وخلاهو لما شبعو ضرب ورماه وقام كان كفيل بالمهمه من غير تدخل اي زول وانا اصلا كنت خايف وخفت زياده وادسيت ورا آدم وهو ما اعترض سمير عاين ليهو على الارض وقال:
-"عشان تاني يا زفت تقول لابوي كلب حاوريك الكلاب على اصولهم ...حيوان!!"
ومشى لابوي حسان قام بتعب.. آدم قال ليه:
-"شفت قلت ليك احسب الف حساب لكل كلمه بتطلع من خشمك !!كلو عشان تلفون "
عاين ليه باشمئزاز وقرف واتكلم:
-"التلفون بجيب تمنك "
-"انت بتقل ادبك على منو"
وقام ومشا يضربو وفعلا انضرب تاني آه مسكين حنيت عليه كانت زله لسان بس احمد مسك يد آدم وقال :
-"خلاص كدا كفايه داير تكتلو دممتو وانتهيت خليهو ارحمو شويه انت عارف يد سمير "
-"لا ما حاخليهو لانو بيتصرف غلط "
-"خلاص براحتك ما تدقني انا كمان "
هرب لجوا وآدم مشا بعد ما خلص عليهو بقى ما قادر يقوم ورعف ووشو اتنفخ ما كنت عاوز امشي اخليهو بس في نفس الوقت كنت خايف اقرب منو وجات مها للبيت كانت مع الجيران شافت حسان كوركت:
-"حسان "
قربت منو وقالت ليهو:
-"ولدي العمل فيك كدا منو "
ما رد وهي خلاص شويه وحتبكي صرخت :
-"آدم !!آدم تعال"
جا وعاين ليهو بطرف عينو قالت :
-"الحصل شنو لاخوك "
-"حصل الحصل وما لي دخل في الزفت دا"
-"يا ولد ...آدم...آدم عليك الله تعال....آدم"
مشا وهو مطنشها مستحيييل ما بصدق آدم الما بيرضى حاجه في امو يطنشها حنيت عليها بقت بتبكي وتصرخ :"حازم حازم"
وفي النهايه جا ابوي وواضح انو نام جا مفزوع قال:
-"مالك بتكوركي"
-"حسان حصل ليهو شنو "
-"حسان !!!! "
-"وريني حصل شنو "
قررت ارجع لأنو ما مني فايده كنت عاوز اساعد حسان لو بكلمه بس ما قدرت خفت ما عندي الشجاعه اعترض على شي زي دا دخلت للغرفه ولقيتهم الا سمير كان ماف لاهو ولا آدم ولا احمد مشيت لسريري ورقدت وما قادر انوم حاسي انو كل الحصل لحسان دا بسببي😭 يا حليلو المسكين عاينت لاخواني وكل واحد منهم مقبل على حيطه وكلهم زهجانين وائل جا جمبي وقال :
-"ما حتفرحنا بمرحك الزايد زي كل يوم "
-" 😭 ما عاوز"
-"مالك زعلان كدا "
-"خليني براي"
-"سامي عليك الله ما تزعل كدا "
-"خليني يا وائل "
اضطرا يمشي ويخليني وجا وقت النوم وكنت عاوز اعرف حسان حصل ليو شنو قمت ومشيت اشوف برا كان قاعد على الكنبه وامو قاعده جمبو تبكي وابوي كان قاعد بعيد بعاين ليهو قال ليهو:
-"قوم اتعامل مع رعافك دا وغسل وشك وتعال "
-"حاضر"
مشي بيأس منظروا يزعل بعد جا راجع وقعد جمب امو ابوي اتكلم بنبرة فيها شويه حنيه:
-"ليي يا حسان قلت كدا "
-"ما قصدي"
-"ياتو جزو هو ال(ما قصدك)"
-"معليش يا ابوي "
-"انا بس عاوز اعرف ليي يعني تتصرف بعدم مسئوليه كدا الكلام دا ما صاح يا ولدي "
-"معليش"
-"خلاص يلا امشي نوم وبكره بتصرف في تلفونك تمام "
هز راسو بحزن وبعداك عاين لابوي وقال :
-"ابووي معليش ا..انت ما زعلان مني صح "
-"لا لا ما زعلان ابدا بس يا ولدي غلطك دا اتعلم منو وما تتسرع "(سوبر بابا 😭)
-"حاضر"
جا للغرفه ومشا لسريرو ونام بسرعه اطمنت انو حصل خير ونمت صحيت الصباح بدري الساعه سته نظام المدرسه رامي كان عندو معسكر لانو الفترة التانيه بدت ولبس هدومه ونزل للصاله وحصلتو وابوي كالعاده اول زول بيجي رامي عاين لي :
-"الليله مالك صحيت بدري"
-"ما قدرت انوم اكتر من كدا "
حسان جا بهدوء وبرود وما قعد جمب ابوي حتى ... ....وجلس بعيد رامي اتمسخر فيهو:
-"الليله مالك يا حسوني القاضي في مشكله "
ابوي :"رامي"
-"في شنو وانت مالك كمان ما اهظر معاو ...سبحان الله قوم غريبي الاطوار"
ابوي صاح:"رامي انطمى "
سكت جات مها لحسان وقالت ليه :
-"نمت كويس يا ولدي "
-"اي اي يمه ما تخافي "
ومشت جا سمير وقعد يحمر لحسان
رامي :"يا جماعه دا مالو كمان شايل اخلاقو "
سمير:"اسكت انت "
-"هممم غريييبه ناس البيت كلهم جنو الا انا "
ابوي وسمير:"رامي اطلع بره "
-"خلاص خلاص انطميت "
وبثواني الصاله اتملأت وكلهم بياكلو في حسان بعيونهم رامي مدا راسو وعاين لحسان وقال ليهو:
-"حسوني المصيبه العملتها شنو وديل مالم كلهم"
النظرات اتحولت لرامي الظريف عاين ليهم وقال :
-"المرة دي بسكت خلاص "
وجا الشاي(ماشي بكرعينو 😂)
سمير:"ما عندي نفس "
جات لمياء وقالت :
-"ابوي حاتأخر على المحاضره وصلني ما بلقى مواصلات "
-"ياااخ عندي مشاوير اتصرفي"
-"ابوي عليك الله "
سميرجاهو اتصال فقال:"تعالي انا اسوقك ماشي مع صحبي وعندنا كم شغله كدا لكن بنوصلك "
لمياء بزعل:"امشي معاهو!!"
-"اي في مشكله سمير معاك "
-"خلاص اسرع اسرع "
ومشى معاها وبقى الشاي قدامهم وانا خلصت كبايتي وكبايه سمير 😂😂 عشان ما تتدفق طبعا التبذير حرام ورامي شرب شايو وبقينا بنعاين للباقين ابوي شرب قهوة الليله وقال ما داير شاي والساده الكرام عواد وخالد مما جا الشاي
عواد :"ما داير ):"
خالد:"لا والله ما عاوز تسلم ايدك "
وتبعهم عبدالله :"شكرا بس ما عندي نفس"
وبعدين وائل بدا يشرب شايو براحه وبمزاج شكلو هادئ جدا احمد قام وكورك:
-"نسيت !!!!!!!عندي امتحان الليله "
مشى جري يلبس هدومو وجا ابوي سألو:
-"يا ولد قاري ولا ساقط "
-"لا لا قريت كل شي يوم الخميس كنت مؤجز هسه يلا مع السلامه سامي حبيبي ادعي لي تمام "
-"حاااضر"
رامي طلع مشا المدرسه وانا ما عندي موضوع وما عاوز اقرا لانو خلصنا امتحانات قريب وكمان للفتره الاولى شغلت التلفزون وماف شئ يتحضر ملل خلاص قام علي جن المشاغله ومشيت للصاله ولقيت حسنه وابوي طالعين وانا فضولي جدا مشيت لابوي:
-"ماشي وين"
-"الحمام في مشكله"
-"ابوووووي ياااخ وريني ☹️"
حسنه:"ماشين وبنجي بسرعه"
-"ابوي جيب لي حلاوة"
-"حاضر يا شافع"
-"الحلاوة ما للشفع براهم ☹️"
-"خلاص بجيب ليك"
فرحت شديد ومشيت اكاوي اخواني زي الشفع قلت ليهم :
-"واااا ابوي حايجيب لي حلاااوة"
وائل:"شافع!!"
-"انا ما شافع انت الشافع "
-"خلاص تمام تعال نلعب كورة ما عندي موضوع"
-"ياااااي"
حضنتو وقلت:
-"اخوووي انت عسسسل"
-

"بطل دراما يا ولد"
جريت قدامو وجا وراي علمني شويه حركات عشان اقدر امشي للملعب او بالاصح في ساحه قدام بيتنا ببيلعبو فيها اولاد الحله وانا ما بدخلوني لاني صغير
ولساني كعب شديد فبشتمهم واخواني بيحاولوا يفكوهم مني ......
                خلاص نقيف هنا!!
             رايكم +تعليقكم+انتقادكم
                   صوتوا♥♥