معنى السعاده2

20

سامي:
صحيت الصباح الليله واتذكرت انو اعمامي جايين اتوترتت شويه كدا بس لازم يخش في راسي انو ديل اعمامي زي ابوي يعني اول واحد صحيت واول واحد جهزت ولقيت اروي قبلي ياخ بالعقل كدا هو بيجي متين ؟ ما همنا مشيت قعدت جمب ابوي قال:
-"اشتقت لحسان وشخصيتو الحلوة"
-"ايوة هسه بقى غامض ....ليي ما بيقعد جمبك زي زمان"
-"قال لي انو انا ما حاسامح روحي لاني قلت ليك كلب وحاعاقب نفسي باني ابعد منك "
-"لهسه هو في دي "
-"ايوة اخوك ما هين طلع بيحاسب نفسو"
جا من فوق . . .
ابوي:"البخيت بسمع قطيعتو"
حسان:""ابوي!! تقطع فيني مع ....سامي ...لا لا كدا خلاص كترتوها شديد قم ياسامي مكانك في الكنبه جمب رامي يلا هش هش "
قلت ليهو:"انا ما ضبانه"
-"ايوة عارف هش يلا يا عبيط "
ابوي :"حسان خلاص "
-"ياااخ عبيط انزل عشان ما اجرك "
جا سمير من فوق برشاقه الليله مع انو الايامات التانيه كان بيجي مقوس ظهرو وماشي خطوه لقدام وخطوتين لورا لكن الليله الشنطه شايلها بيد واحد وجاي كدا بطريقه مبهره وهدومو ماشاء الله والجزمه والساعه والحركات بقينا كلنا بنعاين فيهو قرب مننا يلا الريحه بتاعتو دي قصه براها ابتسم واول مره في حياتو قال بادب:"السلام عليكم ايها الكرام "
حسان:"ماشي وين؟؟"
-"الجامعه يعني حاكون ماشي وين "
جات لمياء وهي مزاجها اصلا مزبوط مما فركشت من مجاهد قربت كدا مننا بعد  ما سلمت وبقت واقفه بتعاين لسمير قال ليها :
-"اها يا عسل رايك شنو"
بقينا كلنا مقهيين فيو كيف يقول لليماء عسل مستحيل قالت ليهو :
-"حاشيل الجزمه والساعه لما تجي راجع وحاخلي ليك البنطلون والقميص لاني رحيمه "
-"هيييي دي مالا "
حسان وابوي بنهره:"سمير أرجل!! "
عاين ليهم وعاين لي قال لي:
-"انت الصحاك شنو الليله "
-"صحاني الجن الاحمر الصحاك "
وغمزت ليهو جات لما الليله مالو البيت متغير كدا قالت :
-"هلا "
سمير:"هلا بالاخت الغاليه كيف اصبحت حبيبتي "
طاخ طاخ طاخ لا لا دا شنو الحاصل لما الكان  شغال فيها ينهر ويكفت ....
لما :"........."
-"اها اختي حبيبتي ردي"
-"لحظه ما اتعرفنا "
جبهه سمير تم قصفها بنجاح صغر ليها عيونو وقال :
-"لا لا تمام "
عواد جا نازل وشاف سمير بقى بيضحك:
سمير:"خير يا طير"
ابوي:"سمير!!"
عواد:"لا دقيقه دي ياها الامبارح بتتكلم  معاها الليل كلو ...عملت فيك عمايل لكن!! "
هنا خلاص كلنا فهمنا
لما:"ايوااا يا سمير"
-"نعم ! هوي امشي شوف شغلتك بي وين يا شيخ عواد وما تشرع من راسك انا الليله ماشي اتوظف يا شيخنا "
-"تتوظف ؟؟كذاب"
-"انت تتعرض للسفه الان "
عاين لي وقال :
-"راجي شنو انت كمان تعال "
مشيت معاهو واصلا لسه بيحصنني ويقرا لي كل يوم صوتوا وهو بيقرأ بحسسني بامان وهدوء شديد بعد ما انتهى عاينت ليو وقلت :
-"ليي وقفت ؟؟"
-"كفايه كدا عشان الزمن لكن ما تزعل بقرا ليك تاني لما افضى"
-"طيب "
تسريع الاحداث مشيت المدرسه ورجعت البيت برجع اول واحد ورامي اصلا عندو معسكر بجي المغرب للبيت دقيت الباب وفتح الباب شاب كدا ملامحو نسخه من آدم قال لي:
-"داير شنو؟؟"
-"اممم انا ساكن هنا "
-"سامي؟؟"
-"اي انا سامي "
-"ادخل "
دخلت وهو متابعني بعيونو وصلت غرفتي ولقيت درجي بتاع المذاكره وغرفتي مرتبه "
فجاه فتح الباب ابوي قال لي:
-"غير سرعه وتعال سلم على اعمامك "
-"يعني آدم التاني دا هو عمي مهند "
-"ايوة اسرع "
غيرت هدومي ومشيت سلمت على عمي عماد ولما مديت يدي لمهند عاين لي بنظره غريبه ورجع عاين لابوي ولسه يدي في الهوا ....
عماد:"مهند "
ابوي:"انا كلمتك قبيل صح "
سلم علي وهو مكشر خفت منو ومشيت سرعه لغرفتنا جا وقعد معاي بس هو في تلفونو وانا بحاول انوم سالني فجاه :
-"انت ولد رانيه "
-"اها "
-"جدك حامد يعني "
-"....اي"
-"بنقرا في كم "
-"سابع "
-"ايواا وامك ماتت السنه دي صح قبل شهور"
-"اي"
وسكت مني ذكرني بامي وانا لما اتذكرها ما بقدر اوقف وذكرى ورا ذكرى لما لقيت روحي ببكي ونمت بعد ما عيوني وجعتني صحيت سرعه يعني نمت ربع ساعه ولقيت مهند لسه قاعد آدم جا خاشي صرخ :
-"مهند!!"
-"آدم"
وبالاحضان مشيت انا للمطبخ ولقيت مها قلت :
-"اهلا"
-"سامي"
-"خير"
-"مهند بيعاملك كويس"
-"هو متين جا عشان اعرف"
-"عيونك ليي منفوخه كدا "
-"تعبان بس "
-"عاوز اكل "
-"لو سمحتي"
ادتني كسره بملاح روب مزاجي اتحسن شديد وبقيت بآكل وآكل وهي تونس فيني شبعت الحمدلله ولما قمت عشان ارجع الصحن جا فلان خاشي المطبخ عاين لي ومن دون ما احس قلت ليهو:
-"خير مالك بتاكلني بعيونك "
-"معاها قله ادب كمان "
-".........."
-"طير من هنا"
-"اغسل الصحن "
شال مويه وشرب وطلع غسلتو ومشيت كان عدواني شديد جا سمير من برا بنفس القشره بتاعت قبيل ديك لما شاف عمي جا بالاحضان برضو كان فرحان شديد وبعد شويه جو وائل وعواد خاشين لكن ما رجعو اصحاب زي زمان.....
مهند :"اهلا"
وائل :"مهند!!"
وبرضو زي البقيه عاين لعواد وقال وهو بيغمز :
-"اخبارك يا شيخنا "
-"الحمدلله "
عبدالله جا وسلم وقعد وائل سالو:"اها كملت شغل المدير"
-"يييع خليني منو ساي وانت يا مهند جيت تسكن معانا مش"
-"اسبوع بس"
-"ليي؟؟"
-"والله الشغل "
ما عجبني الوضع ومشيت لما طلعت هو لسه منتبه مع اصغر حركه لي بقوا كلهم بيعاينو لي..
سمير:"سامي سلمت على مهند"
التفت وانا بقول:
-"ايي"
-"ماشي وين ما تجي تتعرف .... "
انبسطت اني اعرفوا اكتر بس قاطع سمير:
-"اتعرفنا قبيل "
مشيت وقعدت اذاكر لانو الليله اصلا اليوم ممل من غير حسام غايب وليي الله اعلم طلعت كراساتي وكتبت واجباتي كلها خلصت مع المغرب كدا جا ابوي وقال لي:
-"تعال صلي جماعه "
مشيت معاه وصلينا ورجعت اذاكر جا ابوي وقعد جمبي على الارض سالني:
-"سامي "
-"هممم"
-"مهند ضايقك بشي"
-"لا "
-"طيب المضايقك شنو "
-"ما متضايق"
-"طيب تعال واطلع من جو القرايه واتونس حبه معانا واتعرف على مهند "
-"اه خلاص طيب"
-"يلا ارح "
طلعنا سالني :
-"الليله شكلك ما ما لاقيت حسام "
-"ايي غايب "
-"ليي ؟؟"
-"ما عارف "
-"عشان كدا مزاجك مقلوب"
-"ما عارف والله "
قعدت معاهم ومما دخلت هو متبعني بعيونو بلعت ريقي وقعدت جمب ابوي ..
مهند بابتسامه جانبيه:
-"حبيب البابا بقى سامي ولا شنو حسان شالو مكانتك "
حسان :"كيييف يشيلو مكانتي "
-"واضح يا حبيب بابا قالو كنت مالي المكان الليله مالك ساكت خجلان مني ولا شنو "
-"......."
سمير:"سامي بسم الله سحروك تاني "
مهند:"سحروك قبل كدا؟؟ غريباااااا"
مهند قبل مني وقال :
-"اها يا القاضي وريني صورة خطيبتك "
-"بتسحرها "
-"يا زول "
قال وهو بيحدر لي:"الصور في التلفون الاتكسر تلفوني العزيز"
لسه بيحدر لي
مهند:"الكسرو شنو"
-"سامي كان بيلعب سكوكيه مع آدم وشايلو ووقعو"
-"سكوكيه يا آدم وانت يا سامي تراك زي ما بيقولوا بتاع مشاكل "
عندي تحسس من الكلمه دي فخليت احترامي ورديت بصراخ:"انا ما بتاع مشاكل "
-"ابرد ابرد "
حسان:"سامي اهدا يا زول"
..........