معنى السعاده2

13

-"هو الدكتور الشال الدم مني ولما شاف الاسم سمير حازم كأنو الدنيا سودت في وشو وبقى بهمس بشتم ابوي"
-"في مشكله بيناتهم؟؟"
-"ايوة مشكله عويصه "
-"صحي اخواني كانوا بيجو هنا "
-"ايوة بيجو يدقوني ويمشوا "
-"صاح هم اكبر منك "
-" يمكن بسنتين "
-"وعمرك كم ؟؟"
-"اتنين وعشرين ونص"
-"كنت قايلك كبير "
-"انا ما عجوز "
-"اهاا المشكله شنو بين ابوي والراجل دا "
-"انا شخصيا ما عارف بس اعتقد ان المشكله بسبب امك كانوا بيجو ويدقوني وينبذوا ابوي ويطلعوا "
-"بالجت محمد وليلى شكلهم غياظين "
-"وحمزه"
-"حمزه؟؟ هو اظرف واحد فيهم "
-"لأ كان بيضربني ضرب كنت انا بنضرب وآدم كانو ما شغالين بيو بتذكر مره كان عمري سبعه ولا تمنيه سنه مسكني حمزه دا زاتو وهو اكبر مني ب.... سته سنه تقريبا وضربني ضرب كانو بيضربوني ضرب بشع عديل"
-"زي ما انت ضربتني ....انت ...انت عارف الشعور دا ولسه بتضربني "
-"سامي آسف بس هم كانوا بيشتمو ابوي وامك ما كانت سألاهم كانت بالجد بتغيظني امك بتبالغ بانها تخليهم يشتموا ابوي كدا وحمزه المسكين دا لسانو اكعب من....من لسانك "
-"الليله!!"
-"ايوة ابوي يوم كان حيضربو بس امك ما رضت يضربو ومشكلتهم كانت مع ابوي وانا... صدقني ما تلعب مع اخوانك لاننهم ممكن يؤذوك "
-"انتو برضو بتأذوني .."
-"سامي"
-"لا ما تنطق اسمي انتو الضربتوني وذليتوني وذليتو امي انت عارف ليلى كلامها صح ابوي هو الغلطان ما مصعب "
-"سامي اوعى تعمل البتفكر فيو "
-"وانت عارف الأنا بفكر فيو"
-"سامي امك غلطانه ومصعب غلطان "
-"لأ ابوي هو الغلطان وانتو عاوز افهم بس.. ليي؟.. ... ليي ابوي اتزوج امي وجابوني واصلا اهل امي معادين ابوي ليي؟ ليي عندي اخوان من ابوي وكمان من امي ليي وريني يا سمير انا غلطت في شنو عشان يحصل لي كدا؟؟ ذنبي شنو ؟ لو ما ولدوني ...لو ما اتزوج ابوي امي كان أخير من الحياه الانا عايشها هسه "
-"سامي ما تفكر كدا على الاقل احنا بنحبك "
-"انتو ؟؟ لا ما ظاهر لي انكم بتحبوني "
-"سامي عليك الله ما تتكلم كدا "
-"اسكت مني يا سمير "
جريت لغرفه ابوي وما لقيتو معناه مشا فوق رجعت ليهم ورقدت على السرير ونفسي متضايق ما قدرت انوم ونسيت مشكله الازمه دي وبقيت بتقلب ما قدرت انوم نهائي عاينت بقيت بس راقد صعب علي اتنفس براحه وما قدرت انوم ومرت ساعه وانا على حالتي صحا سمير ومشا الحمام ولما جا راجع لاحظ لي قال:
-"سامي لهسه صاحي"
-"......."
-"سامي"
جا قريب مني وشافني خت يدو على جبهتي وقال لي:
-"عندك حمى شديده ليي ما كلمتني "
-"سمير"
-"ليي صوتك متغير كدا قوم نطلع برا عشان ما نصحيهم ارح"
طلعني برا وعرف اني ما قادر اتنفس مما نور الصاله طلعني برا وبقى راجيني وانا لسه نفسي قايم قال لي:
-"الحاصل عليك شنو "
مرت دقايق ونفسي رجع وحسيت براحه سألني:
-"كدا أحسن"
هزيت رأسي بالموافقه قال:
-"بكره ضروري تقابل دكتور وتشوف حالتك دي لانو لو ما ازمه معنا في حاجه تانيه "
سكت شويه وقعد جنبي قال :
-"نرجع جوا"
هزيت رأسي بالرفض
-"خلاص نقعد حبه "
فجأه بردت زي ما بردت قبيل وبقيت برجف سمير خاف علي ودخلني جوا بسرعه بس ماف فايده ولسه برجف من البرد الاصلا ماف جاب لي بطانيته ولفاني وقفت رجف لكني لسه حاسي بجسمي بيبرد اكتر واكتر سمير قال:
-"سامي اصحي ابوي واجي خليك هنا "
هزيت راسي بصعوبه في النهايه مشا وبقى بيناديه صحا ابوي وجاني وقعد جنبي وخت يدو على جبهتي قال :
-"افف لييه جسمك برد كدا "
مرت ساعه وسمير وابوي بيحاولوا يلقوا حل وانا جسمي بوجعني من البرد ورجعت ارجف بعدها شويه شويه ارتحت ورجعت لطبيعتي وديل طوالي جو قريب ابوي سألني:
-"سامي ..كنت حاسي بشنو"
وريتو
سمير:"بس دا من شنو "
ابوي بغضب:"اظن عرفت الحاصل شنو ...سامي تعال افتح ليك صالتي"
مشيت معاه وسمير ملازمني في كل خطوة من خوفو علي وصلني لسريرو وقال لي :
-"احسن ليك تنوم هنا "
كنت تعبان تعب بس ما قادر انوم نهائي مرت ساعتين اكلت لما شبعت وشربت ولسه ما قادر انوم وفتحوا لي الشبابيك والغرفه مهويه الساعه واحده صباحا ولسه ما قادر انوم ابوي عاين لسمير وقال ليه  :
-"صحي عواد اسرع "
-"ليي؟؟"
-"بس صحيه انت مالك "
صحاه جا تعبان غسل وشو وصحصح شويه وجاني قال ليهم:
-"مالكم "
ابوي :"ممكن تشخص لينا حاله سامي "
-"انا ما دكتور ....ابوي قصدك شنو خوفتني"
-"تعال لبره "
طلع واتكلمو وانا جسمي برد تاني
سمير:"سامي "
بطني قلبت واتخنقت حرفيا رفعني سمير سرعه وبقيت بستفرغ وبستفرغ استفرغت كل الاكلتو قال:
-"ممكن دا سبب تعبك ارقد نوم "
رقدت ولسه نفس الحال تعبان تعب وما قادر انوم جا عواد وقعد جنبي سالني:
-"انت حسيت انو اطرافك بارده شديد "
هزيت راسي سالني:
-"لما تنوم بتشوف حاجه "
-"لا"
-"طيب بتحس جسمك واجعك "
-"اها"
عاين لابوي وقال لييه:
-"خليه يوم او يومين "
-"طيب وهسه "
-"هسه وديه المستشفى لانو ممكن الموضوع مرضي"
-"ايوة "
ساقوني المستشفى هو وسمير وخلاهم يفحصوني وسمير رجع البيت وجاني آدم لانو بكره ما عندو جامعه وبقى قاعد جنبي فحصوني كتير بس الدكتور هز راسو وقال لي آدم:
-"ما قادر افسر ليك عندو شنو ضيق النفس دا ...ما عارف جا من وين "
-"كان عندو بدايه ازمه"
-"هسه ماف اثر لازمه وبيستفرغ ليي الله اعلم ما لقيت حاجه اعملوا صورة اشعه وتعال"
مشينا لقسم الاشعه وعملت صوره وما لقى شي آدم ضرب لابوي وكلمو والدكتور قال يخلوني معاهم عشان يشوفو عندي شنو بقيت حتى الصباح وانا ما قادر اغمض عيوني نمت الساعه سته صباحا حسيت اني صحيت بس في حاجه رابطاني شايف الناس ماشين وجاببن وانا ما قادر اتنفس ولا اتحرك بقيت بحاول اقاوم الحاجه الرابطني من غير فايده في لحظه اتفكيت بقيت بصرخ آدم جا قريب مني وهداني شويه قال لي :
-"سامي مالك حصل ليك شنو "
حكيت ليه وانا برجف من الخوف قال لي:
-"كابوس ما اكتر من كدا خلاص كتبوا ليك خروج حنطلع للبيت "
-"الساعه كم"
-"عشره ونص ما نمت لوقت طويل "
-"وانت نمت "
-"ما تخاف علي"
طلعنا وساقني للبيت ورجعت لحاله عدم النوم تاني وآدم بقى قاعد معاي وفجأه قال :
-"بشوف ليك شاي اخضر حيريحك اكيد"
وطلع لف ولف وما لقى والمهم مرت ساعه وهو لافي وجا تعبان سوا الشاي وجابو لي شربتو ونمت نومه جرت اربعه ساعات وحلمت احلام ما حلوة احلام مزعجه شديد صحيت مع الاذان اذان المغرب سامعو بس حاسي في حاجع  غلط متضايق شديد وبعد المغرب بشويه رأسي وجعني وجاني عواد بعدما ذاكر بالليل سالني :
-"بتشوف حاجه لما تنوم"
-"اها"
-"شنو"
خفت شويه لما اتذكرت آدم سالني:
-"شفت حاجه بتضايق منها"
هزيت رأسي
عواد:"امممم.....قلبك بدق بقوة"
آدم:"ايوة كان بدق لما هو نايم وما عرفنا السبب"
-"..........."