معنى السعاده2

22

جو الشرطه وحققوو معاها وابت تتكلم بس اختها بقت بتصيح وهي بتبكي:
-"دا ابوي وماف غيرو "
اتهجمت منها كيف ابوها مستحيل استمروا بالتحقيق ومحمد دخل غيبوبه ما معروف يصحى منها متين ولسه الوضع ما مستقر خفت يتاذو من الوضع سالت البت الكانت بتبكي :
-"لو سمحت ممكن تفهميني حاجه عشان اقدر اساعدكم "
-"ابوي زول ما كويس "
-"وامك "
-"ماتت السنه دي وما كنا اصلا بنشوفها لانها انفصلت ممن ابوي واتزوجت غيرو"
-"عندكم اخوان تاني "
فجاه اتنفضت كانها اتذكرت حاجه:
-"حمزه...حمزه حيساعدنا اكيد...لكن حمزه وين زاتو"
-"حمزه دا منو"
-"حمزه اخوي الكبير بالمناسبه انا غاده وانت"
-"مجاهد "
-"الوقت اتاخر يا مجاهد شكرا ما قصرت تعبناك "
-"لا  ماف تعب بس ما حامشي الا لما اطمن على اخوكم محمد "
-"طيب "
الدكتور طلع من غرفتو ووشو ما يبشر بالخير جات اختها التانيه وهي بتمسح دموعها قعدت جنبنا غاده كانت صامده صمود عجبني شديد صمودها بس اتذكرت لمياء حازم فقفلت تفكيري مره واحده فجأه وعيت والدكتور بتطقطق اصابغينو قدامي رفعت راسي وقلت ليهو:
-"خير!!"
-"تعال لازم اتكلم معاك "
مشينا بعيد من البنات سالتو:
-"اها"
-"للاسف الاتعمل فيهو ما هين غير انو هسه فرصه نجاتو ضئيله شديد وما اظنو حيتخطى المرحله دي"
-"قصدك حيموت"
-"احتمال كبير"
-" 😨 "
-"قول بسم الله واتماسك وادعو ليهو بس"
-"ساعدني يا دكتور ما بقدر اقول لاخواتو كدا "
-"طيب اهدأ شويه ونشوف الحيحصل شنو "
-"تمام"
مشيت للبنات ليلى سالتني ودموعها في عويونها :
-"كيف حالتو "
-"ادعو ليهو بس "
رجعت تبكي تاني غاده سالتني :
-"اهلك ما حيكونوا قلقانين الساعه حداشر بعد دا "
-"اي صح نسيت التلفون لو سمحتي ممكن اضرب ليهو من تلفونك "
-"اتفضل"
اتصلت لتلفوني لانو بيكون عندها وزي ما اتوقعت ردت:"ألو "
-"ربى "
-"مجاهد"
بقت بتبكي وتقول ليي ما جيت فقلت ليها:
-"خلاص حبيبتي اهدي شويه جدي قاعد "
-"ايوة قاعد ما بديك ليهو "
-"عليك الله "
-"لا انت بقيت شيييين "
الصفاره بتاعت الرصيد... كوركت:
-"ادي التلفون لجدي سرعه وقولي ليهو يرجع لي"
-"ليي؟؟"
-"اسرعي قلت ليك "
قطع اتمنيت انو تكون وصلتو بس ما رجع لي رجعت جوا المستشفى واديت غاده تلفونها وقلت :
-"شكرا "
-"الواجب !"
-"انت متماسكه ما زي...اختك "
-"ايوة بس ابوي اذاها شديد فبقت بتفقد الامل بسرعه هسه بتبكي عليه زي الميت لانها فاقده الامل"
بقيت بتأمل في وشها وما فاهم ولا كلمه هي بتقولها عيونها واسعه ورموشها طويله قلبي بقا بدق 💓.. وعيت لما قالت :
-"مجاهد!"
-"عيون مجاهد"
نفسي ادي نفسي كف وانا جادي عاينت لي بنظره كدا غريبه فقلت :
-"مع...معليش بس ما وعيت على نفسي اففف ...... ..مفروض امشي لو سمحتي مع السلامه "
-"الله يسلمك "
طلعت سرعه وانا بفكر في العملتو مشيت لقيت لي في منطقه طرفيه كدا شيشه وقعدت افرغ التوتر لما الجنبي قال لي:
-"كفاك بكره بتصبح مرضان"
-"انا بعرف لما اكتفي"
-"يا ولد "
-"اسكت مني "
بعد شويه قمت ومشيت على البيت المره الورانا كانت بتسوي مريسه وكدا والله اعلم شيطاني قام علي امشي اشرب ولا ارجع البيت مشيت شربت وشربت لما سكرت وبعدما سكرت شويه شويه حاولت اجمع وامشي البيت لاقاني تاتشر شرطه لما فوقت شويه من السكر اتجلدت واااي بكيت بكا .. وفي النهايه قمت بعد سله روح وعيوني منفوخه من التعب مشيت وانا بترتح لما وصلت البيت فتحت الباب ولاقاني جدي قال لي:
-"وين كنت "
-"...."
-"شيشه ؟؟تاني"
-"جدي تعبان خليني انوم"
-"خلاص ...استنى.. قرب مني"
كنت واقف بعيد مترين عشان ما يشم ريحه المريسه قلت ليهو:
-"ما بقدر ماشي انوم طوالي "
هو قرب مني وشماني عاين لي بخيبه امل :
-"للدرجه دي يا ولدي بقيت كعب "
-"جدي "
-"اطلع استحما ونوم سرعه وبكره دواك عندي"
دخلت جوا بس عاوز اصل للسرير ركبت غرفتي من غير ما افتح الضوء ونطيت في السرير ...حسيت باني نطيت في حاجه كدا صغنونه بقت بتتحرك هنا عرفتها ربى بقت بتبكي قمت سرعه وفتحت النور هي قامت وكانت بتبكي وماسكه تلفوني وضاماه راجيه مني اتصل لما شافتني صرخت:
-"مجاهد "
جات وضمت رجليني لانها قصيره ذكرتني ذكرى ما حلوة فقلت بجفاوة:
-"ليي راقده في سريري اطلع على غرفتك يلا"
دمعت وهمست:"مجاهد!"
نهرتها:"قلت ليك اطلعي سرعه "
طلعت وهي بتبكي وتقشقش دموعها وانا ولا استحميت ولا شي بس السرير ونمت على بطني صحيت الصباح وزول بيهزني قلت :
-"ربى امشي"
ضربني على ضهري ووجعتني الضربه مع جلد امبارح قمت بصرخ وعرفتو سمير ماف زول بيجرؤ يصحيني كدا غيرو اتخلع وقال:
-"بسم الله مالك "
-"ياخ يا زفت صحي الناس بانسانيه "
-"انت البتعمل"
بقينا بنضحك قلت ليه :
-"مشتاااقين يا سمير "
-"بالجد والله "
فجأه كشر وقال :
-"يا ولد ريحتك فظيعه قوم استحما يلا "
-"خلاص ياخ تقول انت النضيف"
-"هوووي نضافه وسماحه اسكت "
-"سبحان الله امبارح اتذكرتك "
-"يلا قوم لازم تمشي معاي بيتنا "
-"ليي"
-"عمي عماد ومهند جونا والليله العيله حتتلمى وانا جيت المك "
-"طيب استحما بس "
مسك اللابتوب بتاعي وقال :
-"حول لي"
-"حول لروحك مسافه ما استحما"
كان صديقي شديييد لخوي الما ولدتو امي كان بفهمني شديد مشيت للحمام ولما فتحت المويه في ضهري فكيت الصرخه قلت لنفسي:"عشان تاني تشرب مريسه " ضهري اتسلخ عديييل وجعني ليك وجع استحميت سرعه وطلعت ورميت هدومي في سبت الغسيل ونسيت الفنيله وطلعت ونسيت انو ضهري مشوه من امس وطلعت سمير سالني:
-"مالك بتكورك "
-"لا ماف حاجه كبيت المويه من السخان من غير زياده"
-"سلامتك "
-"الله يسلمك "
مشيت على الدولاب قال لي:
-"ضهرك شكلو فظييع ....هااااه اتجلدت ...شربت"
-"لا ما تفهم غلط يا سمير كانت هفوه بس"
-"هفواتك كترت ان ما عاوز تفقدني احسن تبطل الكلام دا لانو ابوي لو عرف حيسوي ليك شنو "
-"سمير عليك الله ما تفاتحني في الموضوع دا تاني"
-"خلاص سكتنا "...
حمزه:
بقيت لافي بفتش في اخواني ولا واحد ما لقيت منهم لا محمد لا البنات رجعت لشقتي وقعدت افكر معقوله محمد اخوي مات ...لالا ابوي بكذب بس انا متأكد انو حي هسه امشي وين انا ....حازم ....ممكن سمير يساعدني ايوة حاكلم سمير "
بس ما عندي طريقه لازم امشي لحازم كدا اففف حالاقيهم انا متأكد طلعت وركبت العربيه بسرعه العربيه السرقتها من البيت سقتها وانا بفكر لو محمد اخوي شقيقي مات يبقى ما عندي سند لانو اخوي دا اقرب زول لي يا رب يكون كويس بس فكرت اذا مات اخوي حتختل حاجات كتيره ياااخ ما ممكن غير كدا حيكون مات وزعلان مني مات وشايف اخوه الغبي بيعذبو بس يا ربي ابوي سوا فيهو شي ولا هرب وهو هسه عايش كويس بس ما افتكرنا احنا اخوانو عيوني اتملت دموع لدرجه ما قدرت اشوف الشاارع فجاه لقيت شاحنه قدامي ضغطت الفرامل بس فات الاوان خشيت فيها......