معنى السعاده2

6

أكل فطورو وهو راجيني وشال فطوري من الشنطه قال :
-"داير ؟؟"
-"رامي انا جعان "
-"عارف انا زاتي "
-"يا زول لأ"
-"طيب حل حل "
ورجعت احل وخلصت رفعت راسي لقيتو اكل نص فطوري كوركت:
-"هوووي حرام عليك "
-"مالك؟؟.....هاه ما كنت قايل نفسي حآكل نصو ما مشكله فضل سندوتش نص لي ونص ليك "
-"راميييييي!!"
جا ولد من تامن وناداه :
-"رامي"
-"ها"
-"استاذ حسن عاوزك "
-"كتمت!!"
رديت:"ما مشكله انا ذاتي ماشي اصحح ارح "
مشينا قال لي:
-"حيرفضني من المدرسه ذاتو "
-"بيدرسكم شنو؟؟"
-"علوم!"
-"اهاا كويس"
وصلنا المكتب ودخلنا عاين لي وابتسم بس الابتسامه اختفت لما شاف رامي معاي بقى بعاين لي وبعاين ليو مديت الكراس شالو وبقى بيشوف وفي النهايه طلع شغلي صح قال:
-"ماشاء الله يا سامي ممتاز وخليك كدا "
رامي :"ناديتني يا استاذ!"
-"ايوة رامي حازم تعال هنا "
-"نعم "
كان ماسك كراسي وانا راجيو يديني ليه فاطريت استنى لما شاكل رامي في التصحيح والصفحات الفاطيها والدروس الما كاتبا في النهايه قال ليه:
-"يوم التلات الجاي عاوز كراسك مكتمل"
-"حاضر"
شالو ومشا وانا لسه واقف اداني كراسي وطلعت لرامي قال لي:
-"اسمع موضوع الكراس سر بيناتنا لان امي اذا عرفت حتوريني ليهو "
بقيت بضحك عليه قال لي :
-"اها حتحكي لي"
-"ايوة تعال"
مشينا وقعدنا تحت شجره وبديت احكي واحكي وحكيت ليه كل شي الا لما سمير قال لي اخش جوا سالني:
-"وبعد ما رجع سمير حصل شنو "
-"كنت تعبان ونمت من غير ما اسمع القصه "
-"مستحيل سامي حازم الجنو شمارات واخبار ما بصدق"
-"اهاا نمت "
-"كذاب"
هزيت راسي بعدم رضى فقال :
-"خلاص خلاص فهمت ولييه سمير بيراضي فيك وانت زعلان "
-"لانو ابى يوريني "
-"فعلا انا ما مصدق بالجت دا السبب سامي انت مخببي مني حاجه "
-"لأ....ليي"
-"لاني ساكن معاك في البيت بس ما مشكله بخلي وائل يحكي ليي"
-"لأ وائل حيحكي لي انا "
-"ايوة زابط "
المهم بعد ما رجعنا البيت وبقيت راجي وائل يجي وفي النهايه جا تعبان كالعاده ورقد بهدوم المدرسه مشيت جنبو وهزيتو :
-"وااائل"
-"نعم "
-"احكي لي امبارح حصل شنو "
-"شنو!!"
-"وائل ياااخ ما تتغابى علي.."
-"هو انا بتغابى؟؟"
-"وائل "
-"ما بقدر معليش سمير ما راضي "
-"ليي"
-"ما بقدر "
-"وائل عليك الله "
-"يااخ بطل عواره الشفع دي وخليني انوم "
-"افففف"
طلعت ومشيت لحسان الما بيتكلم معاي مما كسرت تلفونو وتقريبا قاطعها مع آدم وسمير لقيت معاهو آدم التفتو لي الاتنين سالتهم :
-"ممكن اسألكم "
آدم:"عن شنو "
-"سمي.."
قبل ما اكمل:"ما تسألني عن سمير"
-"ليي"
-"سامي ياخ امشي"
-"حسان!!"
اتلفت مني قلت ليه:"حسان على الاقل وريني"
آدم انفعل ونهرني:
-"كفايه المشاكل السويتها ليهو ما ناقصك !!"
زعلت زعلت زعلت شديد ورديت :
-"انت لاقي زول يسوي ليك مشاكل !!"
-"ما محتاج شكرا"
-"عفوا"
طلعت وحسيت نفسي مخنوق خنقه بس حاعرف مشيت لاحمد قلت:
-"أ....."
-"ما حاوريك "
-"ياااخ"
-"طير من وشي "
-"وريني"
-"اسمع عندي امتحانات وما ناقصك انت ومشاكلك "
قرفت الكلام دا ومشيت خالد وعواد ما فكرت اسالهم مشيت لعبدالله وسالتو فرد :
-"انت عارف اني ما بحب المشاكل صح "
كنت غضبان صلا فصرخت:
-"يااخ ما حتحصل ليك حاجه وريني بس"
-"قلت ليك ما بقدر"
-"عبدالله"
-"سامي احسن ليك ما تعمل معاي مشاكل "
-"وريني بس "
-"سامي اتخارج قبل ما ادقك "
-"دقني ووريني "
-"ساميييي!!"
-"ياخ وريني"
سكت واتلفت مني بقيت بضربو واصرخ مسكني ولف يدي من وراي قال لي:
-"اكسرها ولا تمشي"
-"اكسرها"
-"حاضر"
شداها وانا وجعتني شديد قال لي :
-"اها يا راجل "
شداها وبقيت اصرخ فكاني سرعه وقال :
-"ما شاء الله على الرجوله "
والباقين بقوا بيضحكو علي طلعت وانا قمت وجريت على بره وخلاص زعلت ومشيت بسرعه شافني ابوي
وانا جاري قال لي:
-"ما تتجارى يا ولد بتتكسر"
-"اخير لي  اتكسر مما اقعد مع الحيوانات ديل "
طلع رامي من غرفه امو وقال :
-"مالك تصرخ "
ابوي:"الله اعلم نفسياتو قامت وين قرايتك يا سامي"
-"ما عاوز اقرا"
-"حتسقط بعد ما بقيت اول المدرسه ما تشوف نفسك الغرور ما بينفع "
-"عاوز اسقط عندك مانع"
-"بطل حركاتك دي واتأدب معاي يا ولد "
-"ما عاوز اتأدب ما عاوز "
-"احترم نفسك "
-"ابيت "
-"كويس تعال وراي"
-"ابيت "
-"سامي ما تخليني اجيك "
-"تعال"
لأ طولت لساني على ابوي ونسيت انو دا ابوي العصبي جاني واداني كف وقال :
-"ما بينفع معاي قله الادب وطول اللسان وانت عارف كدا فما تخليني اتخذ معاك اساليب تانيه فاهم "
كنت مصر على اني اطول لساني لكن خفت مشا خطوات فصرخت:
-"انا ما فاهم ولا حافهم واساليبك التانيه دي نفذها "
وقمت وجريت من غير ما اتلفت ليه وانا جاري اتعترت ووقعت وادردقت وضربت الباب آه حاره شديد دي بالضبط نفس الوقعه الهرست تلفون حسان اتلفت لابوي وما لقيتو وراي غريبه بس جاني من باب الشارع القدامي قال لي :
-"شاطر عدم الادب ما بينفعك "
مسكني من يدي وشداني وانا بقاوم بكل قوتي قال لي:
-"ما تحاول ما حتنفك مني "
-"ما تفكني اصلا راجيك تقتلني عشان ارتاح منكم "
-"سامي رجعت تاني للكلام دا "
-"اتراجعت في البدايه بس واضح اني ما فارق معاكم بحاجه "
-"سامييييي "
-"كلكم سامي سامي مشاكل اصلا انا بسوي المشاكل وماف زول غير امي بتحمل مشاكلي عشان كدا انا عارف اني حاموت على يدك انت او واحد من اولادك المتخلفين ديل "
-"بعدين حتسوي شنو بعد ما يكرهوك كلهم "
-"اصلا متعود يكرهوني اكرهوني براحتكم لانكم ما فارقين معاي "
-"وانا يعني ما فارق معاك يا سامي ولا شنو "
-"انت زاتك ما فارق معاي عادي "
-"سامي انا سويت ليك شنو "
-"ولا شي غير انك اتزوجتهم فوق امي انا ما راضي عنهم "
-"سامي اهدأ "
-"ما حاهدأ "
باستفزاز:"خلاص ما تفهم "
-"..........."
الغضب اختفى كلو من عيونو بس نظرتو كانت مؤلمه اكتر خيبه الامل فعلا املو خاب بس ما حسيت بالذنب ممكن كدا يلتفت لي لانو انا موجود هنا قال لي:
-"خلاص امشي "
-"ما حامشي "
-"اقعد هنا لبكره ما فارق معاي "
جات حسنه وابوي كان فرحان لما شافها وانا مصر ما اتحرك وما لاحظت ليها قالت لي:
-"كيف حالك يا سامي "
-"........"
-"مالك يا ولدي حازم دا نهرك فيك صح "
ابوي :
-"خير!!"
-"جيت اشوف سامي "
-"وكمان مهتمين بيهو عالآخر وانا خاتيني بعد الفاصله سبحان الله حريمي ما شغالين بي عشان سامي!!"
حسنه :"حرام عليك يا سامي تخلي ابوك يزعل كدا "
-"خليهو بزعل ما هاميني اصلا "
-"ليه سامي حبيبي...."
قاطعها ابوي:"خليهو ما تدليعو ما بيستحق ولا اي شي"
رديت:"صح اولادك هم البيستحقو"
-"ايوة اولادي احسن بالف مره منك على فكره انت اكعب واحد فيهم واكتر واحد ما عندو ادب واحترام ومشوه صوره العيله "
كلامو حسيتهو سكين انغرست في قلبي
حسنه:"سامي ابوك ما قاصد...."
جريت وطلعت برا البيت للحديفه المكان ظلام بقيت في الزاويه ابكي............
))))))))))))))))))
             هل الابو محق ولا سامي؟؟
        ولا عندكم راي تاني اتحفوني بارائكم
             رايكم +تعليقكم+انتقادكم
                   صوتوا♥♥