معنى السعاده2

15

جا طلعت بالباب الورا ومشيت ليه قال لي:
-"سامي انت بخير"
-"ايوة بس ....سمير لسه ببتكلم معاه "
ومشيت مع ابوي لجوا وجينا ورا حمزه اتلفت ولما شاف ابوي قال :
-"حازم اسمعني عليك الله "
-"معليش ما عندي وقت"
-"والله محتاجك امي كلامها كان صاح لازم تسمعني بس"
-"قلت ليك ما بقدر"
-"حازم عليك الله اخواني عايشين في جحيم "
-"ما مشكله لا انتو اولادي لا عندي علاقه بيكم اتصرف براك وشوف زول غيري تلتجئلئ لييه "
-"كلامك كان صاح عارف انا غلطان بس اسمعني"
-"طيب عندك دقيقه بس اسرع "
بدا يتكلم بسرعه قال:
-"اولا آسف علي الحصل لسامي شديد"
-"انت العملتو"
-"لا ابوي اسف شديد وعاوزك تساعدني في حاجه "
-"اها"
-"انا ما طايق اعيش مع ابوي ولا اخواني"
-"وانا دخلي شنو"
-"ما عندك دخل ابدا بس امي قالت لي انك حتساعدني لو وقعت في مشكله قالت انك ما حتخيب ظني عليك الله اسمعني وممكن تقدر تساعدني"
-"انت بتلعب على مقياس احترامي ؟؟"
-"لا ما قصدي"
-"لعبتها صح اتفضل "
مشا لصاله ابوي وقعدوا وانا لسه ماسك في ابوي قلت ليه :
-"ابوي "
-"ما تخاف خلاص حمزه ماليهو شر "
-"طيب "
-"خلاص انت ارجع ارتاح "
مشيت وحمزه في شرود خالد جا راجع من المدرسه بدري لانهم شغالين مراجعه تالت وممتحنين وكدا لما شافني اخلاقو بقت في طرف نخرتو حاولت انسحب بس جا علي (اتذكرتو المشكله لما فضحتو بانو بتاع المشاغلات بس ياها ذاتا ) مسكني من يدي وقال لي بشر:
-"حسابك علي يا كلب "
وفكاني ومشى وي وي خفت شديد وشتمت لساني الطويل الف مره مشيت على غرفتي وقعدت على الارض وجبت كتبي لانو جديا لازم لازم اقرا عشان انجح وقت انا ما عندي دروس جديده اراجع القديمه لانو شكلو راجياني دقه من خالد ما بيخجل اكبر مني باربعه سنه ونص وجاي يدقني قعدت اراجع واراجع كويس عشان لو ادقيت ما افقد الذاكره (😂لما تكون زول ما جادي زي سامي) انتهيت بسرعه مريت على الكراسات اشوف الناقص وكملتو انجزت ياخ في ساعتين بس طلعت ولقيت ابوي بفتش علي قال :
-"حمزه عاوز يتكلم معاك "
-"امشي؟؟"
-"مش قلت شكلو ظريف "
مشيت ليهو بسرعه ساعتين بتكلم مع ابوي غريييبه دخلت وقلت :
-"اهلاااااا "
-"اهلا يا سامي "
-"قلت عاوزني ؟؟"
-"ايوة تعال اقعد جنبي "
اتوترت شويه لانو هو بيشبه ابوه شديد وبيذكرني بيهو قال لي:
-"خلاص ما مشكله اقعد بعيد وانا بكون هنا "
-"طيب"
قعدت قال لي:
-"انا حاجاوب على كل اسئلتك لانو ابوك مشغول "
-"طيب قصه امي شنو مع ابوك بالتفصيل "
-"كان جدي ابو امي شغال عند ابوي وابوي اصلا كبير في السن اكبر بكتير من امي واكبر من ابوك كمان بعدين ابوي ما رضى ينتظر جدي في ديونو "
-"لحظه اتلخبطت استخدم الاسماء "
-"طيب جدي اسمو حامد اذا ما بتعرفو طيب المهم مصعب ما رضي ينتظر حامد يسدد ديونو وحامد اصلا عندو بتين وثلاث اولاد تقريبا كلهم الزمن داك كانو متزوجين الا رانيه واخوها الصغير ايهم وهو اصلا دكتور عيون هسه اتزوج وكدا ورانيه كانت اصلا شغاله اداره اعمال او حاجه متعلقه بالشركات قام حامد قال يشغلها تساعدو وفعلا ساعدتو كتير وهو ما كان بيخليها تمشي الشركه بتساعدو من البيت بس في الصفقات وموازنه الاسهم كانت ذكيه شديد في مجالها مصعب عرف انو في حاجه اتغيرت سالو عن الافكار المبتكره بيجيبها من وين وضغطو بالشغل لما تعب وبقى ما بيقدر يشتغل تعب شديد ورانيه خافت عليهو وعرفت منو انها السبب في تعبو في اليوم التاني مشت لمكتب مصعب وسالتو عن العاوزو من ابوها سالها منو الشغال معاو واعترفت ليهو وقالت ليهو :
-"بطل حركاتك الباطله دي"
قدام كل ناس الشركه ذلتو ورجعت للبيت وفي اليوم التاني جا وطلبها من ابوها وهددو بزياده الشغل او يطردو وحامد وافق ونسسي انو ارتكب ذنب اكبر رانيه اتزوجتو غصبا عنها وما كان بيعاملها كويس وولدت بس رانيه كانت بتكره مصعب وكرهت المولود بنفس القدر وابوه على اي حال ما كان شغال بيها ولا بالمولود ....."
سكت يادوب فهمت انو قاصد نفسو( 😂غباء×غباء )
زعلت عشانو ما عرفت اواسيهو كيف اتنهد وقال :
-"نرجع للقصه وبعدها اتربى الشافع المنبوذ بالضرب والشتم و...بعدها صار عندو اخوان اتعاملو معاهم بنفس الطريقه كانو عايشين على الذله والاهانه والكبير فيهم حاول يطالب بحقو بس ابوه طلق امه وشالههم ورماهم لجدهم حامد الكان اصلا بيكره مصعب شديد والاطفال ديك عاشوا ايتام رغم انو امهم وابوهم عايشين ظلو ايتام ....ودي قصه امك مع مصعب بالتفصيل "
-"ومع ابوي "
-"ابوك متذكر كنا لسه صغار انا كنت اصغر منك يمكن بسنه او سنتين لما كانت رانيه بتكافح عشان تسكن اولادها وتعيشهم وانتقلت لشركه غير المديرها مصعب وهناك سكرتير المدير كان حازم وما شفتو الا اليوم الجا عشان يخيلها توقع على انها وقعت استقالتها لانو المدير ما كان عاوز يطردها بذله ورغم انها ما حبت اولادها من مصعب الا انها بتعرف الواجب وكانت بتحاول ما تقصر ابدا تجاههم وتعبت ومرضت شديد بعد ما لقت شغل وما قدرت تمشي كانت حالتها صعبه وصحتها سيئه شديد المهم نرجع شفتو اليوم داك وكان بيقول لحامد كلام ما حلو عن رانيه كان عمري سته سنه وعلى فكره انا اكبر من سمير بسبعه سنه هو بيقول خمسه عشان ما اصغروا ... ....لقيتو بيقول انها مقصره وكنت الجن بشكل وبقيت بكورك فيه
عوده للوراء عشان تفهموا الحكاهو حمزه:
حازم :"رانيه حامد.... موجوده هنا "
حامد:"لا معليش ماف زول بالاسم دا هنا "
-"ووين القاها "
-"داير منها شنو اوعى تكون من الناس الما نافعين ديل"
-"عمي انا محترم واخير ليك اكون محترم "
-"حركات التصنع دي خليها "
-"ما عندي بيها علاقه وكنت جاي اسلمها استقالتها لانها مقصره "
وهنا حسا حازم بحاجه بتشد يدو عرفتوه !! حمزه كان حاجه كدا صغيره ما بتتشاف الا لما تدنقر ليهو ...
حازم:"ما عندي وقت للشفع "
-"انا ما سافع واوعات تدول هي مقسله انت المقسل امسي بيتكن وما تدينا تاني "
(اترجم ليكم للماعندو اخوان صغار :"انا ما شافع واوعاك تقول هي مقصره انت المقصر امشي بيتكم وما تجينا تاني " كلام لكن 😂)
حازم ما قدر يكتم ضحكو على كلام حمزه وبقى بيضحك ...حمزه خلاص وشو بقى طماطم ودموعو في عيونو وهو خايف منو ليي بيضحك وف نفس الوقت عاوز يدافع عن امو بقى بيكورك :
-"ما تدحك يا سين امسي ودول لامي معليس عسان ما اددك "
(ما تضحك يا شين امشي قول لامي معليش عشان ما ادقك )
-"دا ولد رانيه ؟؟"
-"عندك اعتلاض "(عندك اعتراض)
-"ها الألجن دا وريني امك وين"
-"انا ما الدن وما بوليك امي "
(انا ما الجن وما بوريك امي)
في اللحظه دي جات رانيه وحمزه مشى يدسا وراها ويقشقش دموعو عاينت لحازم جوا عيونو وقالت :
-" لاي مدى قلبك ما فيهو رحمه تبكي شافع صغير"
-".........
'''''''''''''