معنى السعاده2

23

عيوني اتملت دموع لدرجه ما قدرت اشوف الشاارع فجاه لقيت شاحنه قدامي ضغطت الفرامل بس فات الاوان خشيت فيها ....
سامي:
ادسيت وفتحت الكاميرا وجا ابوي قعد معاه وعماد عمي عماد اتكلم :
-"ما شاء الله الصغيروني كبر"
ابوي:"ربنا يحفظو لي "
-"ماشاء الله خلوق ومؤدب وناجح "
-"واتخطى موت امو هسه اول ايام كانت حالتو تحنن"
ذكروني امي تاني بس مسكت دموعي رد مهند:
-"خلاص اشربوا شاييكم عشان ما يبرد"
-"شاي ...افترض دي قهوة يا مهند ما نمت امبارح "
-"اهااا قصدي قهوة "
قربت اضحك فيه كل واحد شال كبايتو مهند شرب ووشو اتقلب وتفاها وقال :
-"ياااع دا شنو "
ابوي بقا بيضحك وقال:
-"المرة دي فكرت انتقم منك كل مره بتكب لي الملح قلت اديك تجربو  "
عماد:"استغفر الله حركات الشفع دي خلوهااا"
ابوي شرب وحصل ليو نفس الشي قال :
-" مصر تعمل كدا"
قفلت الفيديو وبقيت بضحك وبضحك
ابوي:"سامي!!"
عماد:"؟؟؟؟"
بعد ما كملت ضحك مهند قال لي:
-"ما صورتني صح "
-"لا صورتك "
ورجعت اضحك جو علي هو وابوي وقالوا:
-"امسحوا"
وانا بضحك:"مستحييل"
شلت التلفون وجريت للصاله وسكاني مهند وهو بيضحك ويقول بهظار:
-"ان مسكتك ما بخليك"
وعرفتو الحيحصل اتزلق والتلفون يقع ...افتتكرتها مره واحده بس اتزلقت في نفس المكان والتلفون طار واتهشم ياااخ ما ممكن مرتين على التوالي مهند صرخ:
-"نووووو 😨💔 تلفونييييي "
اتذكرت المره الفاتت جا على التلفون وانا خفت شديد واتراجعت اتلفت لي وكان غضبان شديد وجا علي وانا برجع لورا لما وصلت الحيطه مسكني وصرخ:
-"ليي يعني انا البشوف فيك امل انت منحوس زي اهلك وما بتختلف عنهم "
-"معليش والله ما قصدي"
-"انت وقت ما بتعرف تمشي كويس شايل تلفوني لي ...اتكلم !!"
اداني كف وهزاني وهو بيقول:
-"التلفون دا ان باعوك ما بتجيبو .....وكلهم غلطانين فيك انت حيوان وزي اهلك وانت عارف ما كنت عاوز اعتذر حازم حنسني بس انت ما بتستحق "
دفرني على الحيطه ومشا على تلفونو الكان اتهرس ضميت رجليني وبديت ابكي في اللحظه دي جا مجاهد وسمير عاين لمهند والتلفون قال ليهو:
-"حصل شنو ....لحظه سامي كان بيجري ووقعو"
-"ايوة الزفت "
عاين لى وقال :
-"ما بتتعلم الدرس من اول مره ...ليي بتبكي"
هنا ياداب مهند لاحظ اني ببكي سالني:
-"تبكي على شنو يا شافع يا بكاي؟؟"
مجاهد بتساؤل:"دا سامي"
سمير:"ايوة"
جا قريب مني وقال :
-"سامي "
اتلفت ليهو سالني:
-"ليي بتبكي"
-"........."
-"سامي ما تبكي واتماسك ذكرتني ببت امبارح فقدت الامل بسرعه ما تفقد الامل زيها "
ابوي جا اثناء ما سمير بيقول:
-"مجاهد!! بت!!"
مجاهد:"مخك العفن دا غسلو البت اسمها ليلى واخوها في المستشفى بس"
هنا ما جا في بالي الا ليلى اختي فسالتو ووقفت بكا:
-"ليلى مصعب؟؟"
-"ايوة وقالت انو اخوها الكبير اسمو حمزه وا..."
قاطعو ابوي:"وليي هم في المستشفى"
-"اخوهم محمد اتضرر شديد ....بتعرفوهم ولا شنو "
ابوي:
-"اسم المستشفى !!"
-"مستشفى الاطباء الفي شارع المطار "
-"طيب ارح سرعه "
(في نفس الوقت دا حمزه عمل حادث )
مشيت لابوي وقلت :
-"سوقني "
مهند:"دقيقه ديل منو البتتكلمو عنهم "
ابوي:" سامي تجي معاي"
هزيت راسي ومهند جا معانا سمير خليناهو في البيت مع مجاهد لانو البيت فاضي بقيت تايه الوداهو المستشفى شنو مهند اتكلم :
-"حازم ديل منو"
-"اولاد رانيه "
-"اولاد مصعب ...استغفرالله ..حازم لف العربيه وارجع البيت ديل ناس ما بيستحقو اذا اصلا رانيه بتستحق "
اتلفت ليهو خيب املي كنت قايلو طيب وروحو حلوة عاين لي وقال:
-"مالك بتعاين لي كدا "
ابوي:"مهند انزل "
-"حازم"
فجأه جا واحد خاشي غلط بس ابوي لحق داس الفرامل كان آدم طلع ليهو ابوي وقال:
-"سوق زي الناس ياخ "
بغباء:"معليش ما شفتك "
-"اركب معانا "
ركب عاين لمهند بنظره خلتو يمشي محل ادم ويرجعهم البيت ومشينا آدم سال:
-"خير"
-"اخوه في المستشفى "
لقينا الشارع مقفول حادث عربيه صغيره وشاحنه ابوي عاين بأسى وقال:
-"سايق العربيه الصغيره حيكون ات....آدم رقم العربيه "
-"رقمها94750 "
-"دي عربيه مصعب "
قلبي بقا بدق حاسي بحاجه غلط حاسي انو في مصيبه حتحصل لف العربيه ومشا على بيتهم لقينا الشرطه حوليو نزل ابوي وسالهم قالوا انو في جريمه حصلت في البيت دا ابوي سكت شويه وضرب بتلفونو لرقم وما دحل معاهو قال:
-"مستحيل حمزه ما بيرد "
هنا خفت بالجت قلت لابوي:
-"انا خايف"
-"ما تخاف ان شاء الله يكونوا بخير"
رجعنا لمكان الحادث كانو بينقولو في العربات ابوي ركن العربيه ونزلنا مشا سرعه كنا جنب مستشفى الشرطه(ولدوني فيها 😂) والمصابين نقلوا لهناك ابوي سألهم :
-"الكان في العربيه الصغيره وين "
-"العربيه حالتها صعبه شديد وما بقدر احدد ليك منو كان فيها بس في تلاته ضحايا وواحد في العنايه "
ابوي بتوتر :" ممكن نشوفهم "
-"ايوة لو بتعرف واحد"
الدكتور:"اذا عندكم مفقود ممكن تشوف الجثث "
ولما شفناهم لقيناه ممد بلا حركه جثه هامده كان متضرر شديد ووشو مشوه بس ملامحو باينه .......حمزه 💔💔
ابوي بحزن :"انا لله وانا اليه راجعون"
خفت حمزه الكنت بضحك معاهو قبل يومين....اتوفى آدم بقى ساكت بس وضاميني عليهو وانا ببكي اتعلقت بيهو فرحت انو في زول زيي من امي وبحبني وعاوز لي الخير بس اتوفى حمزه الكان خاتي مصلحه الناس كلها قدام مصلحتو الكان بيخاف من ربنا وبيعمل خير الكان صابر رغم العيشه الهو عايشها..
...الكان سند اخوانو  💔 ... انتهينا من مراسم الدفن وصلينا عليهو وقمنا مشينا على مستشفى الاطباء ماف زول اتكلم وصلنا المستشفى ونزلنا بس كنت عاوز اسمع خبر انو بقيه اخواني بخير دخلت بسرعه ولقيت اخواتي قاعدين مشيت عليهم ودموعي ما وقفت غاده اتخلعت:
-"سامي"
سالتها بصوت مبحوح:"محمد؟؟"
-"لسه حالتو صعبه بس ان شاء الله بيكون بخير"
جا ابوي...
ليلى بخوف :"حازم "
-"السلام عليكم "
وقعد معانا آدم قعد جنبو وهو بيز رجلو بتوتر ليلى سالت:
-"شفت حمزه؟؟"
ابوي :"حمزه الله يرحمو اتوفى عمل حادث"
غاده بقت بتبكي بصمت من دون ما تستفسر وليلى اتصدمت وبقت بتمتم وفقدت الوعي غاده صرخت لما اختها وقعت والدكاتره فحصوها طلع انو الحزن والصدمه اثرت على قلبها (الحاله الزي دي بتحصل لا سمح الله لما تجيك صدمه وممكن تصير ذبحه وكدا) غاده بقت ضامه نفسها وخايفه ابوي قال ليها:
-"ادعي ربنا بس ما عندك غير الدعاء وان شاء الله اخوانك بيقومو "
ختت يدينها في وشها وبقت بتبكي سالت:
-"حمزه حصل ليو شنو "
-"حادث عربيه "
رجعت تبكي بصوت وشكلها يحنن وتبكي وتقول:
-"حمزه"
آدم بقى بهز رجلو اكتر وفي النهايه قام وقال ليها:
-"حرام عليك ما تعذبيهو خليهو يرتاح في قبرو وادعي ليهو بس"
قامت وبتمسح في دموعها ورجعت قعدت ابوي قام وقال:
-"عندي موضوع مهم بجيكم قريب"
مشا وبقى الخوف بس مسيطر قامت بسرعه وقالت:
-"سامي تعال معاي"
مشيت آدم عاين ليها قالت :
-"خليك معاهم "
هز راسو مشينا المسجد القريب اتوضت وصلت وقالت لي اصلي وادعي ليهم كلهم حتى حمزه اكتر واحد محتاج للدعاء وبعدها رجعنا طلع الدكتور من غرفه محمد غاده سالتو:
-"يا دكتور؟؟ هو حي"
-"بنسبه ضئيله جدا"
-"بس حيعيش اكيد مش"
هز راسو بالرفض ومشا.......