معنى السعاده2

25

رجعت اتذكرت وبديت ابكي تاني لكن قدرت تخفف عليي لما قالت :
-"قول اي شي وبراحتك وانا بستنى"
-"امي امبارح شفتها شفت..."
-"قول وكلو لخيرك ان شاء الله"
-"رانيه!"
-"ام سامي"
هزيت راسي وقلت:
-"شفتها لما صحيت باليل ومتأكد اني ما كنت بحلم"
-"طييب وحصل شنو"
-"قالت لي :طلع اولادي من مصعب و..."مصعب دا منو اصلا واولادها "
-"لحظه اولادها من مصعب وتاني قالت شي"
هزيت راسي واتكلمت :
-"قالت لي انهم حيتأذوا لو ما عملت حاجه "
-"واضح انك كنت بتحلم خلاص انا بتكلم مع ابوك ونشوف الحيحصل شنو"
-"وانا "
-"انت حتكون كويس بس ارقد هنا حبه اسوي ليك شي تشربوا شكلك خايف "
-"امي !!"
-"ارقد بس وارتاح حبه"
رقدت وانا متوتر وماقادر اغمض عيوني دقيقتين وبعدها صحيت قمت ومشيت خطوات لبره الليل جا وماف زول في البيت مشيت اشرب مويه بس خفت شويه وصلت وقفت قدام المبرد وحسيت بزول ماشي وراي اتلفت وكانت هي تاني قالت:
-"اسرع يا وائل امشي المستشفى"
صحيت وانا برجف تاني طلع كلو حلم قريت آيه الكرسي وهديت شويه امي جات قالت :
-"وائل مالك معرق وخايف كدا "
-"امي جاتني تاني "
-"متين ليك خمس دقايق نمت "
-"لازم امشي المستشفى "
-"ليي"
-"ما عارف بس لازم امشي هسه "
-"ابوك ماف "
-"فات وين"
-"المستشفى"
-"ياااه "
طلعت سرعه حسيت اني ممكن اعمل حاجه اذا مشيت المستشفى مشيت لاحمد كان نايم بقيت بهز فيو وبقول:
-"احمد احمد قووم"
سمير:"وائل خليو يادوب نام "
-"ما بقدر"
-"داير شنو"
لو قلت ليو اكيد حيرفض فقلت :
-"عاوز امشي شارع المطار"
-"ليي ؟؟"
-"عليك الله بس سوقني ابوي مت برضى امشي براي"
-"ليي؟؟"
-"سمير "
بديت ابكي وقلت:"عليك الله سوقني بس"
-"يا ولد بتبكي ليي ؟ ما تبكي خلاص بسوقك "
مسحت دموعي وقلت:"ما كان في طريقه توديني بيها اسرع يلا مفتاح العربيه وين"
-"ماف عربيه غير عربيه عمي عماد"
-"تمام "
مشيت جري لعمي عماد كان نايم ما عاوز اصحيه شفت قميصو الامبارح في الشماعه مشيت ولقيت في جيبو المفتاح وطلعت (اجراميشن 😈) وطلعنا فؤ الطريق سالني:
-"ليي عاوز تمشي المستشفى"
-"ما عارف بس لازم امشي"
-"ومطلعني من البيت وانت اصلا ما عارف "
-"سمير !"
-"خلاص خلاص "
-"كيف هرفت اني عاوز امشي المستشفى"
-"الحدس السميري لا يخطئ"
-"مجنون"
-"هاه "
........
سامي:
العمليه انتهت بس هو فقد دم كتير وفصيله دمو ولا واحد مننا طابق وغاده رجعت تبكي وآدم بقى لافي بفتش في متبرع وانا قعدت جنب غاده كان قلبي مكسور 💔بس هي اكتر فقلت ليها وصوتي اتبحا خلاص:
-"اصبري ...ان شاء الله محمد حيقوم بالسلامه "
ليلى خلوها شويه يراجعو معاها العلاج وكيف بقت طلع الدكتور وعاين لينا ونطق :
-"للاسف النبض ضعف كتير وماف دليل عالحياه ولا علاج في اللحظه دي غير الدم لانو لونو شحب شديد وممكن تشوفوهو "
مشينا وهي كانت خايفه تجي معاي لانها متوتره انو يكون مات ابت تجي معاي فمشيت ليهو كان وشو شاحب شديد وشفايفو لونها ابيض ميت شكلو شكل زول فارق الحياه بس النبض مشيت جنبو وقعدت مسكت كفو وقلت :
-"ياريت لو تصحى بس تصحى اخواتك ما بيقدرو يعدو موت حمزه براهم محتاجينك كتير ...حتى لو ما سمعتني انا حاسي اني احسن وانا بتكلم معاك اتمنى بس تصحي يارب تصحى ....حاخليك ترتاح "
طلعت قعدت جنبها عاينت لي بنظره تساؤل فهزيت راسي بهدوء بس حسيت اني اتحسنت شويه وارتحت من البكا لما شغلت نفسي بحزنهم مفروض اساندهم لانهم اخواتي انا كمان قلت لغاده:
-"غاده ما تبكي حيبقى كويس"
آدم جا وقال :
-"لقيت واحد حيتبرع"
فرحنا شديد بس سالتو:
-"وين"
-"كان وراي هسه "
فجأه جا كان مصعب ابوهو خفت شديد ومسكت يد غاده الكانت غضبانه شديد قامت وقالت:
-"ما عاوزين دمك طير"
ابتسم ببرود وقال:
-"تمام حاولت اساعد بس صدقيني لنهايه اليوم كلكم لاحقين اخوكم حتى انت"
اشر علي
آدم:"دا منو وقاصد شنو"
-"آسف بس اتراجعت عن تبرعي بالدم لاني ما مرغوب يا استاذ آدم "
وطلع بهدوء آدم عاين لينا ببراءه وهو ما قادر يفهم شي غاده فاييره شديد قالت:
-"انت ليي مشيت جبتو هسه كان في داعي تورينا وشو "
-"استني انا ما فاهم قصدك شنو"
-"ان شاء الله ما تفهم "
-"انا سويت حاجه غلط ما تصرخي فيني وانا قاعد معاكم من الصباح فوتت شوفة اهلي المطول منهم عشان اقعد مع حضره سيادتك انت واخوانك لا وكمان ساعتين مدور في الشمس عشان القى متبرع ولما يجي تطرديه كدا انت بيديك حتقتلي اخوك واذا بتكرهيهو للدرجه دي ما تدفعي اخوك التمن "
-"وهسه بتكورك فيني كدا ليي مآكله حلالك "
-"لا حلالي وحلال ابوي مصره تطولي لسانك وتقلي ادبك علي "
-"عليك وعلي ابوك 😒"
-"انا حاعتبر نفسي ما سمعت حاجه منك وحاجيبو عشان المريض وبعد ما يبقى كويس اتشاكلي معاهو براك "
صرخت:"لأ"
آدم:"ليي؟"
-"دا واحد حقير اخير محمد يموت بدل ما يشيل من دمو "
-"سامي "
-"انت غلكان وما محتاجينك هنا "
-"سامي!!"
غاده :"ايوة امشي"
-"لا حاقعد وما تجننوني وحاعمل نفسي ما سمعت كلامكم"
قعدنا بصمت وبعد شويه النبض ضعف اكتر الدكتور المتابع قال:
-"للاسف ماف رجو منو حنفصل الاجهزه لانو ما منها فايده"
صرخت:"لأ"
في اللحظه دي جا سمير ومعاه وائل سالنا وائل :
-"مالو "
وراهو آدم قال :
-"انا حافحص ودمي حيطابق"
-"كيف"
-"انا متأكد "
والنتيجه طلعت ايجابي ومع انو صغير الا انو قال:
-"دمي زايد نقصو"
-"تعال حنسحب منك للمريض مباشره"
ركبوا ليهو ووصلوه بمحمد وائل ابتسم سمير سألو:
-"كيف عرفت انك مفروض تجي وانو عايز دم ودمك مطابق "
قال وهو بيأشر علي:
-"ورتني امو اني مفروض اجي "
-"امي 💓💓"
-"امك ايوة نمت خمس دقايق بس وقالت لي مفروض اجي"
الدكتور اندهش وقال:
-"سبحان الله....ربنا كاتب ليهو عمر دي معجزه الجابتك في الوقت المناسب "
شويه شويه لونو بدا يخفف من الشحوب ويتحول لابيض ووائل شكلو تعب بس ما مبين ليهم بعد ما اخذو منو دم خلاهو كدا يعود للحياه فصلوه من وائل جات الممرضه وقالت لوائل يمد يدو بس الدكتور سالو:
-"تعبان "
-"لا لا كويس"
سحبت منو قارورة دم ووصلوها بي محمد اللي بدا يرجع احمر بعدها جانا وائل الشكلو كان تعبان بس بيحاول يخبي تعبو سمير ابتسم ليهو وقال:
-"ماشاء الله عليك انقذت زول وعمرك يادوب ١٥سنه"
اتذكرت امي ورجعت ابكي وائل سالني:
-"مالك"
-"امي 💔💔"
ما بيدهم حيله بكيت وسكتت الدكتور حا وقال:
-"المريض وضعو استقر بس ما اظنو يفوق قريب يعني ادوهو يومين كدا "
سمير قام واتكلم :"سامي وائل يلا للبيت "
غاده:"لا ما تخلوني براي"
-"معاك آدم "
عاينت ليهو قال :
-"شنو مالك بتعايني لي كدا "
-"ما معليش زاتو!"
-"يعني كنت حتقولي لي معليش"
وشها حمر ودنقرت تحت اتلفت لينا وعاين لسمير وغمز وهو بيقول:
-"انا حاقعد احرس محمد لما يفوق"
-"تمام ربنا يوفقك ..."
هنا غاده التفت لانو سمير جابها واضحه قال:
-"قصدي في امتحان يوم الخميس حتتعب وانت بتذاكر"
-"لا تعبهم راحه"
غاده: 💓 💓
.......