معنى السعاده2

19

اتكورت على نفسي من الوجع وبقيت ببزق دم دم بس ما عرفت انادي على زول وبقيت بتأوه بس ما بصدق دا ابوي المفروض يكون سندي المفروض يحس بي ويدافع عني زي كل ابو البيشوف ولدو قره عينو ...
..لي لازم ابوي يشوفنا عائق ليي بيكره امنا وليي يجي واحدد تاني من ماف ويبعد امنا كدا ....حمزه كان معاي في الراي بس في حاجه غيرتو بقيت براي لا سند ولا حنان لا ابوي ولا امي حتى اخواتي كلهم مع حمزه ليي لازم اسير عكس التيار....بديت ابكي لا بقيت فاهم دا من وجعي ولا من قلبي الفاضي ليي بس حمزه عاوز يلتجئ بحازم داك لا عافي ليهو لا لامي الوافقت عليهو لا لابوي البيفرغ غضبو فيني بيفرغ اي شي فيني بكرههم كلهم
#محمد_الموجوع
يلا كدي قشقشو دميعاتكم ونمشي لاخوهو البيغادي ...
حمزه:
قعدت كتير في الحديقه وشفت اطفال كتار مع ابآئهم وامهاتهم ...موجوع ! والله موجوع وين ايامي الكنت بقول ماما وبابا في نفس المكان لأ ابدا ما كانو سوا لو مجرب احساس امك وابوك منفصلين او بينهم مشاكل لا سمح الله حتعرف شعوري شعور فظيع تحس في نار جواك ما بتنطفي تحس من دون سبب بكره او حسد تجاه اي زول عايش عادي براحتو مع امو وابو تحت سقف واحد فجأه عيوني اتملت دموع قمت براحه عشان ارجع البيت الوقت كان بعد العشاء كدا مشيت صليت في المسجد وجيت البيت لقيت اخواتي نامو اكيد نامو عشان ما يحسو بالجوع المسكينات كالعاده اكيد محمد حيكون بالغرفه ديك بعد ما ابوي دقاهو ما اتفقدوا الشيطان عماني ومشيت على الحوش ورقدت نمت ما صحيت الا مع الآذان الاول اتلفت وما لقيت محمد في سريرو قلبي ما اطمن ليهو اففف ما استبعد انو عمل مشكله مع ابوي وراح فيها ياخ مخليني اتحمل اي شي مشيت لبره الاوضه صليت وما لقيت محمد في اي حته معقول!! هرب كان بيقول كدا بس ما افتكرتو جادي ضربت لواحد صحبو سالتو:
-"السلام عليكم ...محمد معاك "
-"لا ما شفتو لي زمن وما طلع امبارح "
-"وما عندك فكره حيمشي وين "
-"لأ "
-"اخخخ"
-"حصل ليهو حاجه "
-"ما لاقيهو بس"
-"افتش معاك "
-"الوقت بدري خلي الشمس تطلع "
-"طيب ...خوفتني متأكد انو كويس "
-"ما عارف والله انا زاتي خايف عليهو "
-"طيب ..."
في اللحظه دي ابوي جا خاشي الساعه خمسه صباحا جاي من وين عاين لي بقرف ونظرات كدا هبله ...انا جادي نظراتو هبله لي قرب مني ريحتو ...استغفر الله بعد شويه كدا وقعت ليك الصاعقه في راسي ...
...سكران بس تخيلو كدا ابوي سكران دا يعملو ليهو شنو دا وانا بفكر لقيتو بيضرب فيني ....حتى وهو سكران وي لكن ما عندو قوة تبهر ضربني ضرب نضييف ومشا لما عملت فيها اني ميت 😃💔 قمت براحه ولقيتو دخل على جوا البيت خلاص يا محمد انا لاحقك والله اهرب اخير ومرتبي ان شاء الله بيعشنا  عيشه هناء مشيت سرعه لغرفه اخواتي قربت من غاده عشان نومها خفيف وهزيتتها شويه وانا بحاول اصحيها صحت:
-"ح..حمزه"
-"اسرعي لازم نطلع من هنا"
-"وشك نازف "
-"عارف صحي ليلى سرعه ولازم نمشي من البيت دا دا كابوس"
صحتها قامت ..وسالت:
-"الساعه كم؟؟"
-"خمسه وربع"
-"لا ما حاطلع بخاف"
-"ليي"
-"ابوي بيكون جا "
-"ليلى خير في شنو انت عارفه حاجه وما موريانا"
جات على حضني وبقت تبكي مسحت على شعرها بيدي وهمست :
-"خير يا حبيبتي احكي لينا احنا جمبك "
-"لاقيتو يوم......وكان ...كان سكران "
غاده شهقت بدهشه وهمست:
-"عمل ليك شنو "
استغربتهم وما فهمت حاجه لما ليلى قالت :
-"اعتدى علي"
-"لأ"
كملت بكا خفت ابوي وصل للدرجه دي قلت ليها :
-"اذا هو بيعمل كدا فيك يحلم يشوفك تاني يلا لمو حاجاتكم خلونا نطلع من الجحيم دا"
غاده ودموعها في عيونها :"ومحمد؟؟"
-"ما عارفو وين بس اكيد هو هرب كمان اسرعوا "
ليلى:"حمزه"
اتلفت:"خير!"
-"انا خايفه "
ضميتها وقلت :
-"ماف داعي للخوف لازم ننتهي ونقطع علاقتنا بابوي لانو حيدخلنا في مشاكل ماليها بدايه ولا نهايه "
-"طيب وحنمشي وين"
-"بنشوف طريقه نعيش غير دي"
طلعنا بهدوء ولما فتحت الباب صوت حبوبتي:
-"ماشين وين"
-"الشغل"
-"ماشين الشغل؟؟"
-"ايوة "
-"كوييس"
طلعنا ومشينا لاقرب موقف باصات ليلى سالتني:
-"حنسافر"
رديت:"لو قعدنا في الخرطوم ابوي حيلقانا ويرجعنا لجحيمو تاني احسن نبعد منو"
-"وحنمشي وين ؟"
-"ما تخافي "
غاده :"حمزه ما تتحرك ساي نشوف فندق قريب ونقعد نخطط شويه "
-"طيب راسي واجعني اصلا "
مشينا لفندق وشربت قهوة وطلعت وخليتهم افتش محمد طار وين ....
محمد:
مر الليل وعيني ما رممشت من الوجع ما خليت دمعه ما نزلتها وما عارف حتى اقوم اتحرك كيف قررت اتحركك بس حسيت بحاجه اتكسرت في ضهري وخلاص مليت البيت بالصريخ ماف زول عبرني ماف زول جا شاف المجنون دا مالو بيصرخ حمزه ما جاني اخواتي ما جوني ليي يعني ماف زول جاني صرخت لما تعبت بقيت ما شايف قدامي من الوجع وفقدت الوعي حسيت بيها النهايه ...خلاص ...
(بالمناسبه تعامل ابوهو معاهو ما مبالغه لاني شخصيا عرفت ناس من الواقع بيتعاملو مع اولادهم كدا 💔😭)
حمزه:
افففف وين طار البومه دا .....فجأة كدا قلبي وجعني ابوي يومي بيضربو وانا جيت ضربتو بكل وقاحه وعدم ذوق اخوي في النهايه رجعت البنات نص النهار كدا ولقيتم ماف والغرفه اتقفلت رجعت البيت....
ليلى :
خفت شديد لما سمعت صوت ابوي وهو بيدق في الباب فتح الباب ومشينا معاهو باستسلام سالنا :
-"وين الزفت حمزه ؟؟"
سكتنا صرخ:
-"اتكلموا!!"
غاده :"ما عارفين يا ابوي!!"
-"يعرفك الجن "
-"........."
-"انا عارف كويس انكم طلعتو معاهو الصباح طار وين الحيوان دا "
ما قدرت استحمل وقلت:
-"ما لقينا محمد ومشا يجيبو"
-"محمد!! "
كان مدهوش وشكلو كدا عارف محمد وين قال :
-"خلاص طيري على غرفتك وانا بتصرف"
مسكت يد غاده وجريتها معاي بس صدمنا ابوي:
-"اقيفي انت وخليك وانا بشوف ليك عقاب كذبك دا"
مشيت لاني  بخاف خوف شديد من ابوي محمد كان الوحيد البيردح لابوي الكلمه بعشره دخلت ومشيت على حوش جدي كنت ببكي فيهو واقعد اكلم نفسي مرات وكانت صدمه لما لقيت محمد ممدد في الارض صرخت بس ماف زول في البيت بيشتغل بالتاني وبيكونوا قايلين ابوي بيدق واحد فينا ...متعودين يضربنا بالطريقه دي حتى احنا البنات يضربنا من غير ذره دم مشيت قريب منو لقيتو لا حركه ولا نفس خلاص قلبي وقع افتكرتو مات بس قربت منو وسمعت نبضو لسه قلبو بينبض بقيت بهز فيهو وبصرخ باعلى صوتي:
-"محمد!💔"
بس ماف رد ضربت لحمزه وما قادره اشيل نفسي ما رد بقيت بفكر دخلت جوا لابوي وصرخت :
-"ابوي محمد واقع في الوحش"
-"وانت الوداك الحوش شنو"
بقيت ببكي زياده وبقول:
-"ابوي عليك الله محمد ولدك عليك الله شوف حصل ليهو شنو؟؟"
بس ابوي مسكني واداني كف ورجعني على ديك الغرفه المرعبه ورماني وقفل الباب بالمفتاح بقيت بدق الباب وبصرخ:
-"الحقوني ...طلعوني من هنا "
بس ماف رد.....................