معنى السعاده2

34

بكيت في حضن ابوي لماشبعت بكا وهو بس بيطبكب على ضهري قال :
-"خلاص ما تزعل يا سامي عمك اصلو كدا "
-"وليي هو كدا"
-"كلمك انو امو براها"
-"اي"
-"طيب هو زمان ابوي الله يرحمو اتزوج وما كنا راضين وكنا غلطانين شديد لانو احنا ما كنا مهتمين بيهو اصلا وما عندو زول قريب فاتزوج وغصبا عننا كلنا ماف واحد مننا حضر العقد ولا بارك لابوي الاتزوجها ولما ولدت مهند كنا ما مريحينو كنا بنضربو في اقل غلط ومشغلينو خدام في البيت ولما امو تمشي تزور اهلها وكدا بنقعدو معانا غصبا عنو وكنا ما بناديه باسمو كنا معاملينو باسوأ طريقه"
-"زي لما جيت هنا"
-"انت كنت راحمينك بالنسبه ليهو انت كنت على الاقل بسريرك وكانت امك قادرة تردعهم لكن نحنا ما كنا كدا كنا بنخليهو ينوم على الارض يصحى الصبح ينضف البيت وان ما نضفو ما بنخليهو يطلع شكانا كتير لامو بس ما كانت زي امك قويه كانت شخصيتها ضعيفه شديد وطيبانه لدرجه الغباء وكنا خاتينو تحت رجلينا كان بياكل باقي أكلنا تخيل الذله الكان عايش فيها ابوي كان طوالي مسافر وبخليهو معانا ونحنا ما مقصرين في العذاب "
-"ليي بتعملو كدا هو مسكين "
-"ايوة متذكر لما انت زهجت مننا وبقيت بتعاند وصل مرحلتك دي بس ماف واحد مننا اعتذر عشان كدا استمر وبقى عديم احترام بسببنا وكان مريض نفسيا بسبب الضغط ابوي جا راجع لحسن الحظ وانقذوا مننا المسكين "
-"وكيف علاقتكم اتحسنت؟"
-"يعني كنت شويه بحن عليو مرات وابوي اجبرنا نعيش سوا وهسه علاقتنا ما احسن من علاقه آدم بسمير"
-"اوه انت ما عاوز تصلح الموضوع دا"
-"انا؟؟لا لا كفايه ماف داعي اذكروا بالايام دي"
-"واخواني مصاحبينو وعارفين"
-"لا لا ماف زول عارف الا انا وانت وعماد في البيت دا وامك كانت عارفه "
هزيت رأسي ومشيت على الباب سألني:
-"لوين"
-"ماشي اتكلم معاو"
-"لأ"
-'ابوي ماف زول حيفهمو اكتر مني عشان كدا خليك هنا تمام"
-"خلاص"
رجع مسك كتابو وانا نزلت الغرفه لقيتو ماف مشيت الحديقه وبرضو ماف مشيت الزقاق الورا وكان قاعد يلعب بتلفون شافني وابتسم سألتو:
-"التلفون بتاع منو"
-"شبيهي "
-"وشبيهك وين"
-"جوا بفتش في تلفونو مش مفروض ترتاح انت "
-"لا انا ارتحت كتير"
قعدت جنبو على بنبر وقلت:
-"مهند"
-"نعم "
-"اناديك عمو"
-"لا شكرا 😀"
-"انت قلت لي انك امك براك"
-"اي "
-"ابوي قال ليك تعتذر لي اليوم داك صح "
-"اي"
-"وقال ليك تقول لي انك كنت زيي"
فجأه ملامح الاستهبال كلها اختفت من وشو وقال:
-"اولا انا وريتك عشان اخفف عليك وتانيا مستحيل تكون زيي 💔"
ابتسم ابتسامه حزينه ومشا لجوا لحقتو مشا وادا آدم تلفونو ورقد وقبل على الحيطه ابوي ناداني للعشاء وكلهم مشوا الا انا وهو مشيت جنبو وقلت ليه:
-"العشا"
-"لا ما عاوز"
طلعت وخليتو اكلت وكان بالي مشغول خالي عماد اتكلم:
-"مهند حيقعد وانا لازم امشي بعد يومين"
ابوي :"اقعد احضر عرسي"
مها وحسنه وعلياء:"حازم 💔😡 "
-"مالكم انتو زاتكم وقفتو ولاده شكلم انا اولادي عاوزهم تلاتين على الاقل"
كلنا اتلفتنا ليهو قال :
-"مالكم بتعاينو لي كدا عاوز بعدين يقولوا اولاد حازم مشوا واولاد حازم جو 😉"
حسنه:"لا والفي البطني دا شنو "
ابوي:"وانا متزوجكم تلاته على شنو عشان تلد لي واحده "
نحنا فضلنا المراقبه بصمت عماد اتدخل:
-"تلاتين داير بيهم شنو دار تعملهم استثمار"
-"اي استثمار ابناء حازم ولا شنو يا سامي"
انا ان دخلت في الموضوع حاخربو فسكتت ساي مها قالت :
-"الولاده قسمه وما بنقدر نغيير القدر اذا مكتوب لينا خلاص واذا ما مكتوب مع السلامه"
-"مع السلامه دي قاصدة بيها شنو هسه برجعك بيت ابوك"
-"هااااه سجمي وليي معاملنا كدا ما كنت معرس ليك عقيم ليها عشرة سنه وزياده "
سمير ضرب السفره بيدو :"امي😡!"
ابوي عصب منها وانا زاتي فرت بس ما عاوز مشاكل ابوي سكت وقال ليها:
-"ما تقلي ادبك علي"
عماد:"سامي شيل اكلك وامشي سرعه"
حمدت ربي لانو قال كدا ومشيت وانا ماشي سمعت عمي :"سمير سوق اخوانك ويلا"
جا بلا كلمه اكلت مهند عاين لينا:
-"خير😀"
ماف زول رد ومشيت اترزعت في سريري ونمت نوم صحيت الصباح متأخر كانوا كلهم تحت نزلت ليهم والاوضاع متوترة بينهم كلهم وابوي اخلاق ماف نهائي ما نفسي اعرف الحصل شنو والموضوع متوتر شديد طلعو كلهم وانا مشيت قعدت مع مهند في الغرفه قال لي:"عندك موضوع"
-"لأ وانت؟"
-"اناا موضوعي كلو كان التلفون الخربتو انت "
-"خلاص ياخ حتمسكا لي لمتين لما اشتري تلفون جديد"
-"طيب اها القى لينا موضوع"
-"تعال نمقلب زول😉"
-"منو؟؟"
-"حازم 😂"
-"لا ما عاوز هو زاتو زهجان "
-"طيب عندي فكره "
-"شنو "
-"في واحد من اخوانك مدلع نفسو شديد"
-"دايرة ليها سؤال دي سمير"
-"ايواا ودولابو وين "
وريتو ومشا فتحو وبقى بطلع لقينا كميه حاجات كدا خرافيه والعطور براها قصه ومهند شال واحد ودساهو وشال كريم ودساهو وشال الجل لشعرو قال لي :
-"شعري اسمح ويستحقو اكتر "
ورجع الباقي قال لي :
-"اها طيب عندك فكره تانيه "
-"لا "
-"طيب ارح نطلع واوعدك اني ما حاضرك زي امبارح"
-"طيب بطلع اذا جاوبت على سؤال واحد"
-"اها"
-"انت بتكره ابوي وبقيه اعمامي بسبب الحصل ليك وانت صغير"
رجع وشو الجادي تاني وقال:
-"لا ياااخ انا ما بكرههم "
-"بالجت"
-"اي بكره امي لانها استغلت ابوي وكانت اصلا خايناهو "
-" شنو؟؟"
قفل خشمي وقال:
-"ما توري زول فاهم "
هزيت رأسي فكاني وهمس:
-" يلا نطلع✌"
طلعنا وانا ولا كأنو رجلي مكسورة وعاوزني ارتاح عايش حياتي طلعنا ومشينا اكلنا ومشينا حديقه قعدنا اتكلمنا كتير فجأه قال لي بتوتر:
-"سامي!"
-"اها"
-"الراجل القدامنا دا مش زميل مصعب "
-"وين؟؟وين؟؟"
-"غشيتك 😉"
-"مهند!!!"
-"اي اتعود علي كدا لاني ما بقدر امسك لساني ارح نرجع نشوف ابوك دا قبل ما يطلق واحده من حريمو ديل"
-"مهند!"
-"ان شاء الله خير بس انت زعلت لانو هي دخلت امك في الموضوع"
هزيت راسي بالموافقه من غير كلام  قال :
-"طيب وانت عاوزو يطلقها "
-"لا لأ اكيد "
-" انت طيب "
-"شكرا"
-"ما حتقول لي انت زاتك طيب"
-"لكن يا حبيبنا انت ما طيب😀"
-"ما كان تقول لي كدا عديل ...جرحتني"
وبقى شغال دراما ضحكني شديد بعد ما بكاني امبارح ابتسم وقال لي:
-"كدا رضيان صح"
هزيت راسي ورجعنا البيت....
احمد:
بعد طلعت من المركز رجعت البيت لاقتني لمياء طالعه كانت حالتي صعبه وهدومي كلها دم قالت:
-"اوعك تخش كدا امك قايلاك عند اكرم يلا امشي بورا وغير هدومك بعداك تعال تاني بالباب"
-"تمام"
المهم عدا اليوم على خير الا موضوع العشا ومن الصباح قمت وكلهم متوترين من موضوع امبارح سامي في سابع نومه استأذنت من ابوي اذاكر عن اكرم بعد الجامعه ووافق مشيت الجامعه ورجعت مع اكرم بيتو بس لقيت احمد قدام الباب قاعد ولسه بهدوم المدرسه لما شافنا من بعيد جا جاري يكورك:
-"اكرم"
ابتسم ليهو ودخلنا قلت:
-"لحظه من الساعه اتناشر ونص قاعد وهسه الساعه اتنين "
اكرم :"لو سمحت خليك في حالك يا احمد اتنين "
احمد قعد يضحك وقال وهو بيرفع اصبعو:
-"انا احمد واحد👆😃"
ابتسمت معاهو الباب دق.........