معنى السعاده2

4

وبعد ما لعبنا واتوسخنا واتوقعنا دخلنا البيت جات لما تكورك:
-"للللا لللا مسحت هسه وانتو وسخانين شديد كنت بتعملو في شنو بتسبحو في الطين"
وائل:"لا لا ما كنا ...كنا بنلعب كورة بس "
-"شفع انت في الثانوي ما بتخجل"
طلع لسانو وقال :
-"نضفي وراي"
ودخل واين وراه وهي بتحاول توقفو ....لحظه بالنسبه لاخواتي:
لمياء :اكبر الابناء بالسنه الاخيره من الجامعه وجوها كم خاطب كدا رفضتهم لكن سامي ما عرف عنهم لسه وحنتعرض ليهم في البارتات الجايه
لما :بالسنه الاولى ثانوي وعنيده مع اخوانا وما بترضي يهينوها عصبيه شدييييد الا مع سامي كانت بتديه تعامل خاص بس من ناحيه الشفقه
نرجع للقصه بقت بتجر وائل وتقول:
-"والله تنظفها ولو بلسانك "
-"ابيت ابيت "
ومشا قدامها زعلت ومسكت اقرب صينيه ورمتها في وشو التلفت غضبان وقال ليها:
-"عيب عليك تمدي ايدك علي انا وائل واكبر منك بسنه "
-"عبيط "
-"خليني وشوفي شغلتك "
-"واائل ان ما نظفتها بكلم ليك سمير"
-"وبعدين ؟؟ سمير حيسوي شنو "
-"والله حاكلمو وحتنظف البيت كلو "
-"حنشوف "
زعلت من برودو شديد وهي من النوع البتأثر سرعه قالت وهي حتبكي:
-"غبي سمير حيوريك"
-"وااااه !! الدلوعه حتبكي "
مسحت دموعها ومشت تكورك :
-"ابوي ابووي"
طبعا كلمتكم قبل كدا انو بيدلعهن اكتر مننا ووائل المسكين نسى انو اتورط مع سمير اولا وابوي ليي يعني يسوى من الحبه قبه كان يسكت وبتتحلا وانا بقيت واقف ما عاوز اخش وما عاوز اقعد برا جا  سمير وشكلو زهجان زهج قال لي:
-"ادخل مالك واقف كدا"
-"لما قالت انها بتمسح وما عاوزه زول يضايقها وانا متوسخ"
في اللحظه دي جا ابوي وحسنه وبقيت ما مركز مع سمير الا وهو داخل يكورك:
-"لما ! يا حيوانه انا مش قلت امسحي لما الناس ما تتحرك "
عاينت ليهو زعلانه زعل ما طبيعي قالت :
-"انت غبي ووائل الزفت خشا وانا بحذروا وما اشتغل بي"
-"هووي بطلي الدلع وحركات البنات الفارغه دي وشوفي شغلتك "
مشت لغرفتها تبكي ابوي كان واقف وراي يراقب وحسنه دخلت وانا ما منتبه ابوي بغضب:
-"سمير عيب عليك "
-"كفايه يا ابوي خربتها بالدلع"
-"الوحيد الخربو اللدلع في البيت دا انت "
-"....." لا رد من سمير
ودخل ابوي متضايق بعد ما كان فرحان وانا لسه واقف في النهايه دخلت ووسخت البلاط ورا وائل مشيت استحميت ورجعت عشان انظف الطين الدخلت بيهو ومشيت للما قلت ليها :
-"ممكن توريني المساحه وين "
-"لا ماف زول حينظف غيرو "
-"لما ماف داعي للمشاكل وانا بنظف "
هزت راسها من غير رضى وقالت :
-"هناك في الحوش "
-"شكرا"
شلتها بسرعه ومشيت بديت انظف لغايت ما زئر سمير وراي:(زئر😀)
-"هوي ما تنظف تجي لما تكمل وانت اطلع من الموضوع "
-"لكن انا اللي وسخت البلاط  "
-"انت "
-"معليش "
-"خليهو وما تنظف عشان نخت المغرورة في علبها "
-"ما ظريف خلينا بلا مشاكل "
-"قلت ليك رجع المساحه ما اظنك فاهم "
اداني نظرو خلتني انصاع دون تفكير وبعد المغرب بشويه اولا رامي نام لانو جا متأخر ونحن في الغرفه وكل زول شاغل نفسو كنت بقرا في كتاب اداني ليهو ابوي بس مليييت جا في اللحظه دي عواد وكان عاوز كلمه واحده وينفجر صرخ:
-"وائل ليي عملت في اختي كدا"
بلا مباله:"عملت شنو "
-"قبيل ليي ما اشتغلت بكلامها "
وائل:"لانها غلطانه عاوزاني استنى لما البلاط ينشف"
-"غبي"
-"انت الغبي"
وبدأوا ضرب جا سمير فاخذ احمد وضعيه الاستعداد لكن سمير وقف ضد عواد ومسكو وبدا يكورك فيه قال ليهم :
-"البيت بيكون مليان طول اليوم وهي المسكينه صباح ومسا بتنظف وحضره سيادتكم توسخوا ليها "
سمير:"المشكله وين مستر عواد "
-"انت بالذات ما تتكلم وخليك برا الموضوع "
-"اسمع يا عواد اتدخل ولا لأ ما يخصك فاهم"
باستهزاء:"لا حاول تفهمني لانو عقلي صغير وما بقدر افهم "
تلفون سمير ضرب رفعو وشكلو متوتر:
-"نعم....ايوة....خلاص تمام جايكم "
رمى التلفون سرعه ومشا اتجهز وكان طالع...
آدم:"سمير ابوي قال ماف طلعه"
-"غطي علي الموضوع ضروري"
-"ما بقدر استأذن من ابوي لما يجي بعدين اطلع "
-"ماف منك فايده وانت يا عواد استناني وانت.."
اشر على قلت:
-"شنو"
-"كفايه مشاكل "
-"قصدك شنو؟؟"
-"اسمعني كويس وما تدخل بمشاكل لمصلحتك صدقني"
سكتت وهو شال مفتاح العربيه وكورك من برا:
-"كلم ابوي يضرب لي"
وهرب سرعه لاحظت تلفونو قلت:
-"للأسف نسى تلفونو هنا"
آدم :"هسه الحيعرفنا شنو هو طاير وين"
خالد:"حيكون هرب اتمنى بس ابوي يعاقبو عقاب كدا يليق بيو"
-"يا غبي هسه نحنا ما عارفين مشا وين "
عواد:"اكيد موضوع تافه زيو"
آدم:"والله قلبي ما مطمن ليهو"
مرت ساعه وآدم الوحيد المتوتر فينا وجا ابوي سالنا :
-"وين عربيتي وسمير عاوزو ضروري"
آدم:"طلع"
-"شال العربيه معاو"
-"ايوة"
-"لأ ليي ما منعتو انا حملتك مسئوليتو"
-"ابوي هرب مني وكلهم شاهدين"
-"لحظه طيب ما ضربت ليهو"
-"نسى تلفونو قال نكلمك تضرب ليهو بس هو نسي تلفونو"
-"سمير دا حيجيب لي ضغط "
-"ما تخاف بيجي راجع"
-"ما اخاف ليي والولد طلع مكان ما عارفو حصل شنو"
-"جاهو اتصال بعدها ....."
قاطعو حسان :"عندي فكره "
ابوي:"شنو اسرع"
-"نشوف آخر رقم ضرب"
ابوي:"اي ونضرب عليهو وحنعرف"
عواد:"وكيف حتعرف الرمز ولا زول فينا عارفو"
-"طيب امو عارفه انو طلع"
آدم:"لا لسه ما وريناها "
-"تمام حصل خير ما تكلموها لما نعرف حاجه وانت "
اشر علي قلت:
-"اهاا"
-"اقفل خشمك واربط لسانك السليط دا"
-"ابوي........"
-"اسكت ما عاوز جدال كلامي نفذوا فاهم "
-"ح...حاضر"
خفت حسيت انهم كلهم بقوا عدوانين معاي فجاه....... ..حسان صرخ:"لقيتها جيب اللابتوب وانا حاهكر تلفونو"
ابوي وآدم:"ومن وين اتعلمت الهكر دا "
-"ماف داعي جيبو "
آدم:"اتكلم"
-"في الكليه ماشي"
-"لا ما اظنو ماشي"
ابوي:"ما مهم هسه اتفاهم مع اخوك بعدين خلينا هسه مع المتخلف الطالع دا "
المهم بعد ما شاف المكالمات آخر مكالمه من رقم غريب عاينا لابوي قال :
-"آدم اضرب فيهو وواديني التلفون "
ضرب واداه لابوي طلع برا وانا عارف انهم ما حيوروني ووابوي اصلا عندو ضعف سمع فبشغل السماعه الخارجيه وبتكلم بعيد من الناس مشيت وراهو بهدوء والمحادثه :
ابوي:"السلام عليكم"
الطرف الآخر صوت امرأه:"عليكم السلام "
-"ممكن استفسر منك عن حاجه"
-"شنو يا استاذ "
-"ضربتي لواحد اسمو سمير حازم..."
-"ايوة كلمتو يجي المستشفى عشان موضوع مهم كدا بس ما حضر لهسه "
-"واسم المستشفى"
-"معليش يا استاذ انت منو بالضبط"
-"انا ابوه اشرحي لي الحاصل لو سمحتي"
-"ماف شي يا استاذ بس كنت عاوزاه يجي سرعه "
-"يجي وين"
-"  .    .    .    .   ."
انقطع الاتصال ضرب تاني وتاني وماف رد جا على جوا وعاين لينا بنظره خائبه آدم اتوتر وسالو:
-"حصل شنو منو الضارب"
-"تعال انت وحسان واحمد سرعه والبقيه اقعدوا هنا بالذات سامي ما عاوز مشاكل "
-"ابوي انا..."
-"هشششش صم خشمك "
-"........." 💔 💔
-"كويس "
المهم الكل نسى الموضوع وقررنا نخليو يجي براو لما خلاص جينا ننوم جات علياء تصرخ:
-"خالد عواد!!!"
فتح آدم الضوء وقال ليها:
-"في حاجه يا خالتي"
-"الحقوا سمير ولدي في الحراسه"
-"..............."
.................
               الحراسه عديل كدا!!
              خيبت املي يا سمير 💔
                 خلاص نقيف هنا!!
             رايكم +تعليقكم+انتقادكم
                   صوتوا♥♥