معنى السعاده2

8

ابوي:"في شنو"
لمياء:"ابوي حانتحر اذا وافقت "
-"سامي ادخل جوا وارتاح "
مشيت بهدوء لغرفتنا ولقيتهم بعاينو لي وسمير اول ما شافتي جا جاري علي وقال لي:
-"انت كويس يا سامي "
خت يدينو على كتوفي وسالني :
-"اتكلم انت كويس"
زحيت يدينو وصرخت :
-"لا ما كويس ولا حاكون كويس"
-"خلاص كفايه يا سامي كترناها على بعض خلينا من الزعل والضرب عشان صحتك "
-"عاوز اموت قلت ليك انت ما بتفهم لو مت حارتاح منكم خاصه انت "
دخل ابوي وعاين لينا قال لي:
-"حتوروني الحصل كلو "
سمير:"ابوي......."
-"لأ ما انت البوم المعاك ديل حصل شنو "
عاين لي وعاينت ليه وطلعت لساني:
-"ما حارد "
-"ما دايير رد منك اصلا.....حسان "
-"نعم !!"
-"تعال احكي لي الحاصل"
عواد بغضب:
-"ما ممكن تدلعو بعد ما قال عنك كلب "
-"عواد !!"
خاف من ابوي اللي مشي عليه وقرب وبيقول ليه :
-"انا كلامي هنا بيمشي وانت وتخيلاتك السخيفه ابلعها ولو كررتها ما حاتكلم معاك بالحسنه فاهم"
نزل راسو ورد:"فاهم!!"
هنا انتبهت ابوي بيتعامل مع اخواني كلهم بقسوة الا انا لما اخالف كلامو بس ما حيغير موقفي معاو كلما اتذكر كلامو بقرب ابكي عاين لحسان ...
حسان:"حاضر يا ابوي من عيوني حاحكي ليك الحصل كلو "
-"طيب تعال سمير ابقى هنا وما اشوفك بره فاهم "
-"لييه"
-"لاني قلت كدا وكلامي بيشمي فضحتونا مع الضيوف "
-"........"
-"عبدالله "
-"هاااه"
-"اذا حصل اي شي وصلوا لي"
-"انا ...ابوي عليك الله م...."
-"ما شنو!!"
-"لا خلاص حاضر "
-"تعال يا حسان"
جا وطلع قدامو ابوي عاين لي ومسكني من يدي بقوة ومشا من غير مقدمات وجراني وراه وانا اصلا جسمي واجعني مما جيت من المستشفى وهو فاجأني بالعنف دا وبقى ماشي وانا بحاول اجاريه نزل من السلم واخذني لغرفه امي ......
رجعه للماضي
بعد شهر من موت رانيه في غرفه البنات
علياء:"لما قلت شنو"
لما:"ما حارجع لانها غرفه سامي"
-"كيف هي غرفتك اصلا "
-"بس ابوي اداها ليها بقت ملكيتها يعني سامي هو الحيشيلها "
-"براحتك "
علياء:"امشي يا هبله مستحيل ابوي يخلي سامي يقعد فيها "
-"لاأ انا ما حامشي "
-".....براحتك "
نهايه الرجعه للماضي
....الحاضر
وصلنا لغرفتها قال لي:
-"دي غرفتك من الليله وانت حتتصرف فيها "
ورمى لي المفتاح ومشا مع حسان اخذت المفتاح وفتحتها كانت فاضيه ما فيها ولا شي غير التسريحه بتاعت امي والباقي فاضي كانت فيها ريحه بتذكرني بامي شديد كانت حتقيف معاي هسه وانا ما قادر اقيف كان وقفتني وبقيت بتلفت وبتذكر لما كنت بجي ادسا ورا امي لما ابوي يغضب مني لقيت روحي ببكي تاني مشيت وغسلت وشي خلاص ما مفروض ابكي اصلا لاني اقوى منهم كلهم مشيت للغرفه تاني وكانت مليانه غبار محتاجه نظافه بس انا تعبااان شديد الساعه تسعه وانا بكره عندي مدرسه فكرت شويه واتذكرت اني ما ذاكرت دروس اليوم ولا كتبت واجباتي وانا عنيد وما عاوز اقرا بس جزئي العاقل واعي لاني حاضر نفسي لو ما قريت جبت المقشاشه ودخلت للغرفه مما بديت اقش نفسي قام اتذكرت كدا ففتحت الشباك سرعه وحاولت اهدأ وفعلا رجعت لطبيعتي ما حاقدر انظف ليه ياخ نفسي بقوم في اسوأ الاوقات في زول دق الباب لقيت لما الصراحه فرحت لانها الوحيده الما اتغيرت معاي قالت لي:
-"لما تقش ما تطير الغبار ثم انت عندك ازمه يعني ما تقش انا بقش ليك "
قعدت فوق التسريحه وهي بدت تقش قلت ليها:
-"هي مش غرفتك ليي ما رجعتي"
-"لانها غرفه امك وانت المفروض تورثها "
-"صح "
-"ثم انو امك كانت طيبه شديد معاي كنت لما اجوع بمشي اقول ليها انا جعانه وبتسوي لي أكل عشان ما ازعج امي كانت طيبه شديد "
-"ايوة كانت طيبه"
-"سامي اوريك سر"
-"؟؟"
-"قرب"
قربت منها رغم اني زعلان بس مستحيل الففضول يموت في سامي حازم ردت "
-"تعرف انو عمارتنا هذي فيها طابقين ما مستخدمين"
-"ايوة اصلا عارف"
-"لأ يا غبي الطابق الفوقكم طوالي مستخدمينه الحريم "
-"صدق؟؟"
-"ايوة صدق هم مستخدمينه وهو مقسم عليهم بالمناسبه جزء امك مسجل باسمك "
-"مستحيييل"
-"لا ما مستحيل هم بس بيستخدموه براحتهم وقت ما عاوزين بيجو تحت هنا للمطبخ بس والوقت الباقي بيكونوا فوق "
-"اوه سر حلو "
-"بس اتظاهر انك ما عارف تمام"
-"طيب"
بعدما انتهت مسحتها وطلعنا بره للحديقه وقعدنا قالت لي:
-"ليي شكلك زعلان الليله "
-"ممكن ما تسأليني "
-"حاضر بس ما تزعل تاني"
-"........."
-"سامي "
-"لما"
-"اها"
-"معليش لاني وسخت البلاط انا ووائل اليوم داك "
-"......."
-"ما تزعلي انت بتقول لي ما ازعل معناها ما تزعلي انتي كمان "
-"خلاص "
-"طيب سامحتيني"
ابتسمت بغباء وقالت :
-"لأ "
-"ليي"
-"اذا دخلت البيت قبلي حاخليك "
جريت بسرعه وهي وقفت تضحك علي ودخلت وراي وقالت :
-"شكلك ظريف خلاص"
جا سمير من جوا اففف لييه لازم يفسد اللحظات السعيده قال :
-"هووي بطلي حركات الشفع دي وامش لغرفتك "
-"ابيت "
وهو طبعا حيديها كف بس مسكت يدو وقلت ليه :
-"هي ما خدامتك عشان تحبسها "
خمش وشي ودفرني من قدامها وكان بيكورك فيها مشيت وعضيتو في رجلو عاين لي بتوتر وبقى بهز رجلو عشان افكو بس ابيت جراني ةوبقى بيضرب فيني وانا حسيت بدمو في خشمي ضربني فرجعت سرعه عشان نفسي ما يقوم تاني لقيت اني قطعت لحمو ودمو بينزف خت يدو على الدم عشان يوقفو وقال لي:
-"سعران الليله ما بخليك "
جريت وهو وقف لانو اتذكر مشكلتي وبقى يقول لي:
-"ارجع يا زفت"
بس لما قالت لي:
-"سامي نفسك "
اتذكرت ووقفت وقعدت على الارض ارتاح ونفسي قايم بس هديت يد سمير بقت برقبتي قال لي:
-"تجري مني وين يا سعران بتعضي كمان...اتطورت يا حيوان "
لما صرخت :
-"ابوووووي!!!!"
وجا سرعه شافني عالارض وشاف سمير قال :
-"اففف عبدالله القلت ليه يوريني بيحصل شنو وانت القلت ليه ما يطلع من الغرفه "
سمير بثقه:"كنت ماشي الحمام !!"
بس لما ابتسمت وقالت :"لا كءاب انا وسامي كنا في الحديقه بنتونس ولما جينا سمير كورك فينا وكان حيضربني بس سامي دافع عني ولما سمير كورك فيه خاف "
كان لسه في اسناني اثار دم  سمير قال لي:
-"وشنو الدم الفي خشمك دا"
لما بثقه:"ضربو سمير قبيل "
ابوي :"سمير"
-"لحظه ..لحظه شوف رجلي بس"
شاف دمو وقال ليه :
-"دا شنو الحصل ليك "
-"عضاني المنفسن دا "
ابوي:"ما بصدق مستحيل لما سامي امشوا وانت يا سمير تعال "
مشا معاه وهو بيشتمني تحت انفاسو رجعنا لغرفه امي قالت لي:
-"رووعه !! انتقمنا من سمير"
-"اي بموت من الفرح "
-"انا زاتي شكرا لانك عضيتو عشاني"
-"لا انت اختي ولازم اعضيهو فرغت فيها كل الغضب ديك العضه "
-"ايوة بالمناسبه سمعت بخطوبه ليمو "
-"لكن هي كانت بتصرخ وتقول ما حاعرس ما حاعرس وبتقول لابوي حانتحر لو وافقت "
-"مستحيل الصايعه قليله الادب كانت خالطه معاهو اصلا "
-"كتمت!!"
-"كتمت ساي بس غريبه رفضتو..."
.....