معنى السعاده2

37

غاده :
مر اسبوع وكل يوم بيجي آدم لي ويتفقدني وكدا بس فجأه لقيت روحي ما متفاعله معاهو ابدا بس بجيب الاكل ويتكلم واقول ليهو طيب ويمشي والليله يوم الجمعه آخر يوم في الاسبوع دا بكره ليلى ومحمد حيطلعوا من المستشفى لازم القى بيت ليلى صحت الصباح مه آذان الصبح بعد ما صليت الصبح مشيت اتفقدها لقيتا صاحيه ابتسمت لي ومشيت حضنتها شدييييد♥ اشتقت ليها ياخ قالت لي:
-"براحه علي"
-"ليي يا زفته نايمه خمسه يوم "
-"خمسه يوم !!"
-"اي ...المهم بكرة حيطلعوك انت ومحمد للبيت وانا ما عارفه امشي بيكم وين"
-"طيب اسمعيني في بيتنا في غرفتنا جوا كيس المخده التقيله الما نافعه "
-"الكان بيرقد فيها حمزه 😟"
-"اي ياخ ما تبكيني انت امشي وانا ببكي براي"
هزيت رأسي ودموعي في عيوني قالت:
-"غرفتنا اتقفلت اتكلمت مع الشرطه في الموضوع دا وبتلقي في كيسها القروش "
-"طيب"
-"وفي الجزمه القديمه بتلقي برضو بس لميهم عارفاها قروش كتيرة بس في شنطه حمزه بتلقي بطاقه بتاعت راجل بتاع عقارات وكدا امشي ليهو هو اصلا متفق مع حمزه انو يبيع ليهو بيت تمام بس سلميهو القروش وخلي الباقيه في شنطتك "
-"والعفش"
-"اشتراهو حمزه وممسكو لنفس الراجل كان مخطط نهرب من زمن "
-"اوه والقروش "
-"بتكفي قلنا ليك يلا هسه اطلعي جيبي القروش "
-"طيب"
-"اضربي لي ااذا حصل اي طارئ"
-"طيب"
طلعت من المستشفى زي الساعه سبعه صباحا ومشيت تجاه البيت ما كان بعيد شديد برجلي بصل وصلت لقيتو مقفل كلو الا باب حوش جدي من جوا في زول خشا هنا قبلي بس كيف حاخش والبيت اصلا مقفل كويس يعني انط بالحيطه ياااخ فجأه كدا في عربيه وقفت وراي اتلفت ولقيتو أيهم خالي لا لا ما بقدر اتعامل معاو بخاف منو عديل نزل من العربيه وجا عليو اتكلم :
-"السلام عليكم"
-"عليكم السلام"
-"غاده !"
-"ايوة اهلا خالو أيهم"
-"مالك واقفه هنا كنت قايلك في المستشفى"
-"لا جيت اشيل حاجات من بيتنا بس لقيت الباب مقفول "
-"حتمشي وين انت واخوانك "
قربت اقول ليهو ما عرفتنا الا هسه زمان كان مشغلنا خدامين سألني تاني:
-"انت واخوانك حتمشو وين وحمزه وين ما لاقاني ليو زمن من يوم كان طالع من هنا كان بفتش فيكم "
-"حمزه مات 💔"
-"مات....الله يرحمو اها وانت ماشا وين"
ما اتأثر ليو زاتو انا زعلت حمزه ما زول كعب عشان ينساهو بسرعه كدا خلاص زعلت شديد وعيوني اتملت دموع سألني:
-"يا بت بتكلم معاك ماشا وين؟؟"
كوركت:"ما عندك شغله طير من قدامي"
-"انت بتهددي منو يا حلوة 😂"
-"وبتضحك كمان في زول قال ليك نكته "
مسك يدي بقوة وقال لي:
-"انت ما تقلي ادبك علي كلكم تافهين زي الجابوكم "
-"طيب لي شغال بين وقت تافهين انت زاتك تافه 😭"
وبديت ابكي اداني كف وقال لي:
-"احترمي نفسك وان ما مربيك ابوك انا بربيك "
-"زح مني"
-"ما زاحي واذا عاوزة تعامليني كدا انا بوريك حدودك يا مقطعه "
-" 😭زح مني ياااخ "
-"اسمعي يا كلبه اذا خليتك اصلا جاريه وراي اخوانك حتوديهم وين ماف واحد نافع فيكم اخير تلحقو اخوكم تريحونا"
خلاص فاض بي شديد قلت ليهو :
-"والله ما تزح اكورك والم الحله فيك يطلعوك جنازه "
.....
آدم:
الليله ما عندي جامعه طبعا فطلعت من البيت بدري الساعه سبعه وربع كدا ويعتبر بدري لانو التوقيت الشتوي ومشيت شربت الشاي سرعه وطلعت وصلت المستشفى لانو غاده الايام دي ماشغاله بي نهائي ومرات بفكر انها حتى ما بتحبني ولا دايراني عشان كدا لازم اسألها لانو العملتو كان اجبار بطريقه لطيفه بس حاسألها الليله واناقشها دخلت المستشفى ومالقيتها في حتتها شفت محمد وليلى قالت انها طلعت لبيتهم مشيت واتصدمت لما وصلت شارع بيتهم شفتها واقفه بتبكي وفي راجل ماسك يدها ما قدرت امسك نفسي وجريت نطيت فيهو ....
غاده:
فجاه لقيت ايهم في الارض كان آدم شاتو مشيت جري ادسيت ورا آدم قام ايهم طوالي شغل وضع الهجوم وآدم اشتبك معاهو بس أيهم اكبر منو حجما وضربو وشغال يضربوا ويشتم فيهو:
-"يا حيوان يا قليل أدب يا...يا "
وانا اتجمدت خلاص ما عارفه اعمل شنو كوركت:
-"ايهم كفايه.....كفااااايه"
اتلفت علي بعد قام من آدم القرب يموت وجا علي واداني كف تاني وقال :
-"صايعه قليله ادب بتخلطي كمان "
-"......"
-"منحطه اركبي العربيه دي وانا حاربيكم كويس"
هزيت رأسي لا صرخ :
-"اركبي قبل ما ارتكب فيك جريمه "
هزيت رأسي تاني ادني كف بهدل لي طرحتي ونحنا في الشارع اتغظت منو شدييد قلت ليهو:
-"ما عندك حق تمد يدك علي ولسه انا واعداك اكورك الم الحله فيك "
آدم قام يترتح لما وصلني ودساني وراو قال ليهو:
-"اذا هي بتخلط خالطه مع خطيبها يا استاذ عشان كدا زح منها بيحصل خير "
قلت :"كفايه د يا ايهم دا خطيبي يا ومعناه هو الوحيد المتصرف فيني وليهو الحق يضربني"
عاين لي وادا آدم بنيه رجعتو الارض ورعف قال لي:
-"تمام يلا خلي خطيبك يتصرف فيك "
وحرك عربيتو ومشا جيت جمب آدم وسألتو بقلق:
-"آدم انت كويس اتكلم معاي يا آدم"
اتلفت لي طلعت ليهو مناديلي وقلت ليهو :
-"عليك الله ما تموت "
شال منديل ومسح الدم اخد ثواني كدا ووقف رفع راسو وابتسم :
-"ما مت 😂"
انا خلاص ما صدقت انو كويس كدا ودموعي ملت عيوني وانفقعت تاني ابكي وابكي قال لي :
-"هوي مالك يا بت "
-"انت كويس خوفتني عليك شديد بتبالغ لكن ...ما مصدقه انك بقيت كويس"
-"يا بت دا ما اول مره ارعف "
-"لكن دا اول مره اشوف زول بيرعف"
-"ها الشافعه دي"
-"شين "
-"يلا كدي وريني الحصل شنو ولي ماسك يدك السافل دا"
-"لا ما تقول كدا عيب دا خالي "
-"يعني خال سامي برضو"
-"ايوة"
-"آسف ما كنت قايلو خالك كنت قايلو واحد قليل ادب معليش😟"
-"لا لا بيستحق ما كان حيخلينا في حالنا من غيرك يا عسل"
-"قلت شنو سمعيني ليها"
-" 😳"
-"عليك الله "
-"آدم نحن في الشارع "
-"طيب لفي طرحتك كويس يا استاذه والاسكيرت اللابساهو دا قصير فاهمه"
-"هوي جاي تتسلط"
قعد يحاكني:"معناه هو الوحيد اللمتصرف فيني"
-"عبيط قوم حاول افتح لي الباب دا ضروري"
-"عاوزه حاجه من جوا"
-"اي "
-"طيب انط بالحيطه وافتحو من جو"
-"ولو وقعت انا اسوي شنو ما تنط"
-"عايني الطيرا ديك"
اتلفت وطلع لقيتو قال لي:
-"طلعتي بتتغشي سرعه "
-"اسرع ياخ "
بقيت متابعاه بعيوني فتح الباب وسألني:
-"مالك بتعايني لي كدا خوفتيني يلا خشي"
جاني توتر طوالي اننا حنخش انا وهو بس قال لي:
-"انا حاستناك برا"
قلت لنفسي خلاص لازم اعرف اذا بيستحق ومحترم بالجت ولا لأ قلت ليهو:
-"ما تخش حيحصل شنو"
-"لا خليني هنا احرس الباب"
-"وانا عاوزاك تخش"
-"لأ كدا ما صاح انت ما مرتي ولا عاقد عليك عشان كدا يا استاذه احترمي نفسك وخشي"
عجبني وهو فايير وشو كيوووت ضحكت فيو ودخلت شلت القروش وطلعنا مشا معاي للراجل داك وبيتنا كان قريب من بيتهم وخلصنا الموضوع ودخلنا العفش ودا كلو قبل صلاة الجمعه قال لي:
-"ما شاء الله علينا "
-"....."
-"عاوز اتكلم معاك ضروري"
-"اها "
-".....................