Start From A CONTRACT

Part-20

ဒူ ဒူ ~~

ဉာဏ် အိပ်ပျော်နေစဉ် ဖုန်း vibrate သံကြားသဖြင့် မျက်လံုးကို မဖွင့်သေးပဲ လက်ကပဲ ဘေးခုံပေါ်က ဖုန်းကို စမ်းကာ ကိုင်လိုက်ပြီး ပါးပေါ်တင်ထားလိုက်လေသည်။

*ဟယ်..လို. *

*အိပ်နေတုန်းပဲလား baby. *

သို့သော် ဖုန်းထဲက Boss အသံထွက်လာသည့်အခါ ဉာဏ် အပျင်းတစ် နေတဲ့ မျက်လုံးတွေကို ဖွင့်လိုက်ကာ ထထိုင်လိုက်လေသည်။

*အာ.. Boss!  ဉာဏ် အရမ်းအိပ်ပျော်သွားတာ *

*အင်း။  ခုလောက်ဆို အိပ်ရေးဝလောက်ပြီပေါ့ baby. ထပြီးပြင်ဆင်ထားတော့ ကိုယ်အိမ်ရောက်တော့မှာ *

ထိုအခါမှ ဉာဏ် စားပွဲပေါ်က digital နာရီလေးကိုကြည့် လိုက်တော့ 5:53pm သို့ညွှန်ပြနေတာကို တွေ့လိုက်ရလေသည်။

*ဟုတ် ဉာဏ် ရေချိုးလိုက်တော့မယ် ဒါဆို *

*ok။ အာ. ပြီးတော့ မင်းဝတ်ဖို့ ကိုယ်ဝတ်စုံယူလာခဲ့မယ် အရင်ရေချိုးပြီးစောင့်နေနှင့်နော်။ ကိုယ်နောက် ၁၅ မိနစ်လောက်ဆိုရောက်ပြီ *

*ဟုတ် Boss။ ဒါဆို ဉာဏ်ဖုန်းချပြီနော် *

*ကောင်းပြီ ရေအကြာကြီးစိမ်မနေနဲ့နော် ဖျားနေမယ် *

*အင်းပါ Boss *

ဉာဏ် Boss ဘက်က ဖုန်းအရင်ချသွားတာကို စောင့်ပြီးတော့ စောင်တွေကိုဖယ်ကာ ထရပ်ပြီး ခါးကို အနည်းငယ်လှည့်ပြီး အကြောဆန့်လိုက်သည်။ ပြီးမှသာ ရေချိုးခန်းထဲဝင်ပြီး ရေချိုးဖို့လုပ်လိုက်သည်။

လူကဆေးသောက်ပြီးမှ အိပ်လိုက်လို့လားမသိ နိုးလာတော့ နာကျင်မှုတွေမှာ အတော်ပင်သက်သာနေပြီဖြစ်ပေသည်။

အစက ရေပန်းနဲ့ပဲ ချိုးဖို့ စဥ်းစားထားပေမယ့် လူက အိပ်ရာထကာစဆို​တော့ အနည်းငယ် ထုံထိုင်းနေလေတော့ bath tub ထဲဝင်ပြီးခဏ ရေစိမ်နေဖို့ တွေးလိုက်လေသည်။

အရင်ဆုံး ရေပူနဲ့ရေအေးပိုက်နှစ်ခုလုံးကို အတူဖွင့်ချကာ လက်နဲ့ ရေကိုစမ်းကြည့်လိုက်လေသည်။ အနေတော်ရောက်မှ ဘေးကစင်ပေါ်မှာတင်ထားတဲ့ ဆပ်ပြာရေလေးကို လောင်းထည့်ကာ အမြှုပ်ထွက်အောင် လက်နဲ့မွှေလိုက်သည်။ ပြီးမှ ဉာဏ် အဝတ်အစားတွေကိုချွတ်ကာ ဒီတိုင်း ကြွေပြားပေါ်ပဲ ပစ်ချထားလိုက်သည်။