Start From A CONTRACT

Part-28

ဒီနေ့နဲ့ဆို Boss ဆီက ဘာအဆက်အသွယ်မှ မရတာ တစ်ပတ်တောင်ရှိနေပြီ​ဖြစ်သည်။ ဉာဏ့် ဘက်က မနေနိုင်တဲ့ အဆုံး ဖုန်းခေါ်ကြည့်သော်လည်း Boss ရဲ့ PA ဆိုသူနဲ့သာ ဆုံမိပြီး Boss ကအလုပ်မအားတာမို့ နောက်မှသာ ပြန်ဆက်သွယ်မည်ဟု ပြောလာလေသည်။

Boss ဟာ ဒီတစ်ခါတော့ ဉာဏ့်ကို လျစ်လျူရှုခြင်း နဲ့ အပြစ်ပေးမယ်လို့ ဆုံးဖြတ်ထားလားမသိပေ။ လူတွေက အမြဲသူတို့ဘေးနားမှာ အရိပ်တကြည့်ကြည့်နဲ့ ထားရင် အနည်းငယ်ဆိုးတတ်ကြတာ သဘာဝမို့ ဉာဏ် လည်း အခု Boss ကိုဆိုးမိရာကနေ ခုလို လျစ်လျူရှူခြင်း ခံခဲ့ရခြင်း ဖြစ်သည်။

အသားနာအောင် အပြစ်ပေးလိုက်တာထပ် ဒီလိုမျိုးက ပိုခံရခက်စေမှန်း ဉာဏ်ခုမှသာ သေချာသိတော့သည်။

🎧🎧Every minutes that we spent together..
Doesn't matter for you.. .
It's a lie..It's a lie...🎼🎼🎼

ဉာဏ့်ရဲ့ airpod လေးကနေ ထွက်ပေါ်နေတဲ့ သီချင်းသံလေး နဲ့ စီးမြောရင်း ဉာဏ်ဟာ ပြေးစက်ပေါ်ပြေးနေရင်းကနေမှ Boss ကိုသတိရမိလေသည်။ ခုဆို ဉာဏ်က Boss ပြောခဲ့တဲ့အတိုင်း အချိန်အတိအကျ ထကာ မနက်ခင်း လေ့ကျင့်ခန်းကို လုပ်ဆောင်တတ်နေပြီဖြစ်သည်။

ရုံးဆင်းရင်လည်း ဘယ်မှ သဝေမထိုးပဲ Boss ရဲ့ driver လာခေါ်တာနဲ့ ချက်ချင်းပင် ပြန်လိုက်ကာ ညဆိုလည်း အချိန်မှန် အိပ်လေသည်။

*ဟူးးး မောလိုက်ထာ...*

ဉာဏ် Boss ရဲ့ gym ခန်းထဲက ထွက်လာပြီး အိမ်ကြီးဘက်ကို ပြန်လျှောက်လာလိုက်တော့ အိမ်အကူ ကောင်မလေးတွေက မုန်လာဥ ဖျော်ရည်ကို ကိုင်ဆောင်ကာ အသင့်စောင့်ဆိုင်းနေလေသည်။

ဒါလည်း မနက်ဘက်လန်းဆန်းပြီး အသားအရည်လှအောင်လို့ Boss က စီစဥ်ခိုင်းထားခြင်းပင်ဖြစ်သည်။

အခုဆို ဉာဏ့်ရဲ့ ဘဝ အစိတ်အပိုင်းအတော်များများမှာ Boss ကပါဝင်နေပြီး Boss ရဲ့ ထိန်းချုပ်မှုတွေ ၊ စည်းမျဥ်းစည်းကမ်းကဲ့သို့‌ေသာ ဘောင်ထဲမှာ ဉာဏ်ဟာ ကိုယ့်ကိုယ်ကိုယ်ပင် မသိလိုက်ခင်မှာပဲ အသားကျလို့ လာနေပြီဖြစ်လေသည်။