Start From A CONTRACT

Part-34

မနက် 7 နာရီ

ဉာဏ် အဆက်မပြတ် မြည်နေတဲ့ alarm သံကြောင့် အိပ်မရတော့တဲ့အဆုံး ဉာဏ် ထဖို့ကြိုးစား ကြည့်သည်။

*အွန်းး *

ထိထိုင်ဖို့မပြောနဲ့ မျက်လုံးတွေ ဖွင့်ဖို့တောင် အရမ်းကြိမ်းစက် နေတာမို့ ဉာဏ် ခဏလေး လက်နဲ့ အသာအုပ်ကာ မျက်လုံးကို ဖွင့်ဖို့ အားယူလိုက်လေသည်။

မျက်လုံးကို ဖြည်းဖြည်းချင်း ကြိုးစားဖွင့်ကြည့်လိုက်တော့ ဉာဏ် မြင်လိုက်ရတာက အဖြူရောင်မျက်နှာကျက်။ ဘာအဆင်တန်ဆာမှမရှိဘဲ ရိုးရှင်းစွာ တည်ရှိနေတဲ့ မျက်နှာကျက် အဖြူ ရောင်။ တစ်နည်းပြောရရင် မတွေ့တာ ကြာနေပြီဖြစ်တဲ့ ဉာဏ့်တိုက်ခန်းရဲ့ မျက်နှာကျက်။

ထိုအခါမှ ဉာဏ် သတိထားမိတာက ဉာဏ့်ရဲ့ ကိုယ်က လက်ငါးလုံးလောက်ထူတဲ့ မွေ့ရာပေါ်မှာပဲရှိနေကာ ခြေထောက်နှစ်ဖက်ကတော့  ကြမ်းပြင်နှင့်ထိတွေ့နေလေသည်။
ကြည့်ရတာက ညက အမူးလွန်ပြီး ဖြစ်သလို ထိုးအိပ်ထားသည်ထင်။

ဘေးက အဆက်မပြတ်မြည်နေတဲ့ alarm ကိုလှမ်းယူကာ ပိတ်လိုက်လေသည်။ အမြဲအသားကျနေတဲ့ လက်က Boss ဟူသော contact လေးဆီသို့ ဉာဏ်တောင် သတိမထားမိဘဲ ဝင်မိလျက်သား...

ဘာ message အသစ်မှပို့ထားတာမရှိသလို ဘာ ဖုန်းမှလဲ မခေါ်ထားတဲ့ ဉာဏ့် ဖုန်းလေးရဲ့ call list ဟာ ရှင်းလင်းစွာ။

*ဟက် ~ ဘာတွေများ မျှော်လင့်နေတာလဲကွာ *

ဉာဏ် ဖုန်းကို စိတ်ပျက်လက်ပျက်နဲ့ အဝေးကို ပစ်လိုက် ​ပြီး ဉာဏ်ကိုယ်တိုင်လဲ အိပ်ရာမှထလာလိုက်ကာ ရေချိုးခန်းထဲဝင်လိုက်လေသည်။

ဘေစင်ပေါ်က မှန်ရှေ့ရပ်လိုက်တော့ စုတ်ပြတ်နေတဲ့ ဉာဏ့်ရဲ့ ပုံစံကိုတွေ့လိုက်ရလေသည်။ မနေ့ထဲက မလဲရသေးတဲ့ shirt အမဲရောင်လေးက ဖရိုဖရဲနှင့် ဆံပင်တွေကလဲ တိုနေပေမယ့် ရှုပ်ပွနေလို့။ ဉာဏ့်မျက်လုံးတွေဆို ဖောင်းကာ မျက်လုံးထဲက သွေးကြောလေးတွေက နီရဲနေပြီး အတော်ရုပ်ပေါက်နေလေသည်။

ဒါနဲ့ဉာဏ်လဲ သွားပွတ်တံထဲ သွားတိုက်ဆေးထည့်ကာ မှန်ကို ကျောပေးပြီး သွားကိုအမြန်တိုက်လိုက်လေသည်။ ပြီးတာနှင့် ညစ်ညူးနေတဲ့ ခန္ဓာကိုယ်ကို သန့်စင်ချင်နေတာမို့ ရေပန်းကို အကုန်ဖွင့်ချလိုက်ကာ အောက်တွင် မတ်တပ်ရပ်နေလိုက်လေသည်။