Start From A CONTRACT

Final

ညက Boss ပေးတဲ့ အဖိုးမဖြတ်နိုင်ဆုံး suprise gift ကြီးကိုရပြီးနောက် ဉာဏ်တို့ နှစ်ယောက် အနမ်းများကို မွတ်သိပ်စွာ ဖလှယ်ကြကာ ဉာဏ်ကတေ့ Boss ရဲ့ နွေးထွေးလှတဲ့ ရင်ခွင်ထဲကိုတိုးဝင်ပြီး စီးချက်ညီစွာ လှုပ်ခုန်နေတဲ့ Boss ရဲ့ နှလုံးခုန်သံလေးတွေကို နားထောင်ကာ အိပ်ပျော်သွားခဲ့သည်။

မနက်နိုးလာတော့မှ သိရတာက ဉာဏ်ရောက်နေတာက luxury ship ကြီးတစ်ခုအပေါ်မှာ ဖြစ်ပြီး ထို သင်္ဘော ကြီးဟာ မနက် ဉာဏ် နိုးတဲ့ အချိန်ကစပြီး ပင်လယ်ပြင်ထဲသို့ မောင်းနှင်လာခဲ့သည်မှာ အခုဆို ဘေးပတ်ဝန်းကျင်မှာ ပင်လယ်ရေပြင်ကြီးသာ မြင်ရတော့သည်။

Boss ကဉာဏ့်ထက် အရင်နိုးနေကာ ဉာဏ့်ရဲ့ နှဖူးကို နှုတ်ဆက်အနမ်းလေးပေးကာ အိပ်ခန်းအပြင်ကို ထွက်သွားခဲ့တာ အခုထိ ပေါ်မလာသေးပေ။

သင်္ဘောက private ship ဆိုတော့ သာမန် luxury ship တွေလောက်တော့ မ​ကြီးပေမယ့် အတော်အတန်တော့ ကျယ်ဝန်းလှသည်။

ဉာဏ်လည်း အိပ်ခန်းထဲမှာပဲ မနေချင်တာနဲ့ မျက်နှာသစ်ပြီးတာနဲ့ ကုတင်ပေါ် အသင့်တင်ထားတဲ့ အပြာရောင်နဲ့ လိမ္မော်ရောင် ရောစပ်ထားသော အုန်းပင် အုန်းခတ်တွေနဲ့ beach shirt ကိုဝတ်ဆင်လိုက်ကာ အောက်ကနေ ဒူးအ​ပေါ်လောက်ရှိတဲ့ ဘောင်းဘီ အဖြူရောင်လေးကို ဝတ်ဆင်လိုက်တယ်။

ပြီးတာနဲ့ အိပ်ခန်းအပြင်ကို ထွက်လာလိုက်တော့ မကျဥ်းမကျယ် လူသွားလမ်းလေးကို မြင်လိုက်ရတာနဲ့ ဉာဏ်လည်း ထိုလမ်းအတိုင်းပဲ ဆက်လျှောက်လာလိုက်ပြီး လမ်းအဆုံးမှာတွေ့ရတဲ့ လှေကားထစ်လေးတွေကို တက်လာလိုက်တဲ့ အခါမှာတော့ လက်ဆက်လှတဲ့ လေညှင်းလေးတွေဟာ ဉာဏ့်ရဲ့ မျက်နှာဆီသို့ အလုအရက်လာရောက် တိုက်ခတ်ကြလေသည်။

အပေါ်ရောက်တာနဲ့ ဉာဏ် သင်္ဘော လက်ရန်း တစ်နေရာကိုသွားလိုက်ပြီး လက်ဆက်တဲ့လေတွေကိုခံယူကာ အဆုံးမရှိ ပြာနှမ်းပြီး လှပနေတဲ့ ပင်လယ်ပြင်ကြီးကို ငေးကြည့်ကာ စိတ်အပန်းဖြေနေလိုက်သည်။

"သဘာဝတရားရဲ့ လှပမှုကို ခံစားတတ်ခြင်းကလည်း အကောင်းဆုံး စိတ်အပန်းဖြေနည်းတစ်ခုပဲ" လို့ ဉာဏ်မှတ်ယူလိုက်တယ်။