Start From A CONTRACT

Part-33

ဦးထွဋ်ခေါင် toilet ထဲဝင်လာတာနဲ့ အရင်တွေ့နေရတဲ့ လူယုတ်မာကောင်ကို ဒေါသတစ်ကြီး ကန်လိုက်ပြီးမှ လက်သီး နဲ့ ဒေါသပြေတဲ့အထိထိုးကာ ထိုကောင်ရဲ့ မျက်နှာကို ကြမ်းပြင်နဲ့ထိ​စေကာ ဖိနပ်နဲ့ နင်းထားလိုက်လေသည်။

ထိုစဥ်သူ့ baby ရဲ့ တိုးညှင်းလှတဲ့ ခေါ်သံကြားတာမို့ သူ baby ဆီ အကြည့်ပို့မိတော့ ...

*Baby! *

Baby ရဲ့ အပေါ်ပိုင်းက ဖယိုဖရဲနဲ့ ရင်ဘက်ကလဲ အကုန်နီးပါး ပေါ်နေပြီး အနီကွက်တစ်ချို့တောင် ထင်တော့မည်။ ပြီးတော့ baby ရဲ့ လက်နှစ်ဖက်ဟာလဲ ပူးကာချည်ခံထားရပြီး နှုတ်ခမ်းထောင့်က သွေးထွက်ပြီး ပါးပြင်တစ်ခုလုံး ယောင်နေပုံထောက်ရင် ဒီ ခွေးကောင် baby ကိုရိုက်ထားပုံရသည်။

Baby မျက်နှာကိုကြည့်နေရင်းပင် ပိုဒေါသထွက်လာတာမို့ ထိုခွေးကောင်ကို နင်းထားသော ခြေထောက်က အားကို ပိုထည့်ပေးလိုက်လေသည်။

*အားး...အာ. ..အွန်းးး ချမ်းသာပေးပါဗျာ..အာ. *

ထိုကောင်ကအခုမှ ယောကျ်ားတန်မဲ့ မျက်ရည်ကျမတတ် သူ့ကို လာတောင်းပန်နေတာမို့ ဦးထွဋ်ခေါင် ပိုစိတ်ပျက်သွား လေသည်။

*ဟက်ရောင်တွေ မင်းတို့ဝင်လာပြီး ဒီခွေးကောင်ကို ငါ့မျက်စိနဲ့ မတွေ့နိုင်တဲ့နေရာမှာ ခဏလောက် ဆုံးမထားလိုက်စမ်း! *

Boss က အခန်းရှေ့က သူ့ bodyguard တွေကို လှမ်းပြောကာ ဉာဏ့် ဆီလျှောက်လာလေသည်။ ပြီးနောက် သူ့ရဲ့ cote ကိုချွတ်ကာ ဉာဏ့်ကိုယ်ပေါ်ကို ခြုံပေးလာလေသည်။

*Boss... *

Master က ခုထိဘာစကားမှမပြောသေးပေ။ ဉာဏ့်ကို ထူပေးကာ ယောင်နေတဲ့ ပါးကိုသာ ပွတ်သပ် ကြည့်နေလေသည်။

*Boss... ဉာဏ်..ဉာဏ်.. Boss လာမယ်မှန်းသိပါတယ် *

ဉာဏ် Boss ကိုမြင်မှသာ မျက်ဝန်းထဲမှ မျက်ရည်တို့ တစ်ပေါက်စီကျလာတော့သည်။ ခုဏကထိ တင်းထားခဲ့သမျှ က လုံခြုံတဲ့ ခိုနားရာ ရင်ခွင်ကို ရှာတွေ့သွားတဲ့အခါမှာ အကုန်ပွင့်အံကျလာတော့သည်။

Boss ကတေ့ခုထိ ဘာမှမပြောသလို ဉာဏ့်ကိုလဲ ပြန်မထွေးပွေ့သေးပါ။ ဉာဏ် ဘာများမှားနေလဲလို့ Boss မျက်နှာကို မော့ကြည့်လိုက်တော့...