Start From A CONTRACT

Naughty bunny and his Master

ရှုပ်ယှက်ခတ်နေသော မြို့လည်ခေါင် တည့်တည့်က ကားလမ်းမတစ်ခု ပေါ်၌ ကြပ်သိပ်လှသည့် ကားတန်းကြီးတစ်ခု ရှိပေသည်။ ထိုကားတန်းကြီး ထဲတွင်တေ့ မင်းခန့်ပိုင် စီးလာသည့် အဖြူ​ရောင် BMW ကားလေးလည်း ပါဝင်ပေသည်။ည ေနခင်း ရုံးဆင်းချိန်မို့ ကားများဟာ ပိတ်ကြပ်နေပြီး ဘီးလှိမ့်ယုံမျှသာ သွားလို့ရသည့် အချိန်အခါ ဖြစ်သည်။

*အား ရှီး! !! ဦးစိုးရေ ကားပိတ်တာက အရမ်းကြာနေပြီနော်။ ကျွန်တော် ဒီကနေပဲ ဆင်းပြီး Taxi စီးသွားရမလား ?*

ပိုင်ပိုင်တစ်ယောက် aircon ဖွင့်ထားသော ကားအကောင်းစားထဲတွင် ထိုင်နေသော် လည်း စိတ်မအေးနိုင်၊ ကိုယ့်အပူနဲ့ ကိုယ်မို့ ဖင်တကြွကြွဖြစ်နေလေသည်။

*အကိုလေး ဒီကဆင်းသွားလဲ ဘယ် Taxi မှ ငှားလို့မရဘူး။ ဒီကားတန်းကြီးထွက်မှပဲ အကုန်ထွက်လို့ရမှာလေ *

ဦးစိုးပြောတာလဲ မှန်ပေသည်။ ဒီလောက်ကားလမ်း အလယ်ကြီးမှာ ပိတ်နေတာဖြစ်သည့်အတွက် မည်သည့် ကားမှ ရှေ့ဆက်သွားလို့မရပေ။ ဒါနဲ့ သူလက်မှ i watch နာရီလေးကိုကြည့်လိုက်တော့ အချိန်ဟာ ည ၇ နာရီနားသို့ ကပ်နေလေပြီ။

ပုံမှန်ဆို သင်တန်းဆင်းချိန်က ၃ နာရီကျော်လောက်ဖြစ်ပြီး အိမ်ပြန်ရောက်သည့်အချိန်ဟာ ၄ နာရီလောက်ဖြစ်လေ့ရှိသည်။ကိုကိုက သင်တန်းဆင်းတာနှင့်သူ့ကို အိမ်တန်းပြန်ခိုင်းလေ့ရှိပြီး သူငယ်ချင်းများနှင့် လျှောက်သွားသည်ကိုမကြိုက်ပေ။ အမြဲကြီးပိတ်ပင်တာ မဟုတ်ပေမယ့် အရင်လက သင်တန်းမှာ အမှတ်တွေ ထိုးကျသည့် ကိစ္စနှင့် ပက်သက်ပြီး ကိုကိုက စည်းကမ်းအသစ်ထုတ်လိုက်ခြင်း ဖြစ်ပေသည်။

အရင်နေ့တွေတုန်းကတော့ သူကိုကို့ စကားကို နားထောင်ပါသည်။ ဒါပေမယ့် ဒီနေ့ဟာ မတူပေ။ ရုပ်ရှင်ရုံမှာ သူအကြိုက်ဆုံး မင်းသားကား ရုံတင်နေတာမို့ သူသင်တန်းကို အပြည့်ပင်မတက်ပဲ တစ်ဝက်ပဲ တက်ကာ ၊ နေမကောင်းဘူးဟု ခွင့်တိုင်ပြီး သူငယ်ချင်းများနှင့်အတူ ရုပ်ရှင်ရုံသို့ ချီတက်သွားခဲ့​​ခြင်း​ဖြစ်သည်။ ကိုကိုက အားရက်ကြရင် လိုက်ပို့ပေးမှာ သိသော်လည်း သူက သူများထက် ဦးအောင်ကြည့်ရမှကို ကျေနပ်သောသူဖြစ်သည်။