Start From A CONTRACT

Part-27

တီ တီ တီးး!

အဆက်မပြတ် မြည်နေတဲ့ ဖုန်းက alarm သံကြောင့် ဉာဏ် အိပ်နေရာကနေ ရုတ်တရက် လှန့်နှိုးခံလိုက်ရကာ ငေါက်ကနဲ ထထိုင်လိုက်လေသည်။

ထို့ကြောင့် အိပ်မှုန်စုံမွှားနှင့်ပင် နာရီအား လှမ်းကြည့်လေတော့  7 နာရီ အတိကို ညွှန်ပြနေတာမို့ ဉာဏ် Boss ဆီ နိုးပြီဖြစ်ကြောင်း message ပို့လိုက်လေသည်။

ပြီးတဲ့ အခါ တစ်ချက်ပြုံးကာ ဖုန်းကို အိပ်ရာဆီ ဘုတ်ကနဲ ပြန်ပစ်ချပြီး နောက် ၄၅မိနစ် ထပ် alarm ပေးကာ ပြန်အိပ်ဖို့ကြံစည်လေတော့သည်။

Boss လည်း ခရီးသွားနေတာမို့ ဉာဏ့်ကို အတင်းနှိုးမဲ့သူလည်း မရှိပေ။ ဒါကြောင့် မနေ့က မနက် 2 နာရီလာသော ဘောလုံးပွဲကို ဉာဏ် ထကြည့်လိုက်တာမို့ ခုတော့ အိပ်ရေးမဝ ဖြစ်နေလေသည်။

အစက Boss မရှိရင် တိုက်ခန်းပြန်မည်ဟု ဆုံးဖြတ်ထား သော်လည်း စိတ်မချဟု ဆိုကာ သူ့စံအိမ်တွင်ပဲနေစေ လေသည်။ အဲ့ကိစ္စနဲ့ ပက်သက်ပြီး Boss နဲ့ ဉာဏ် ပြောနေရာမှ ဉာဏ်လဲ စိတ်လွှတ်သွားကာ အမှတ်မထင် Boss ကိုပြန်အော်ခဲ့မိသည်။

ထို့ကြောင့် Boss မသွားခင်ညကတောင် ဉာဏ် Boss ရဲ့ လက်စာကိုမိခဲ့ပါသေးသည်။ အစကတော့ Boss ဟာ ဉာဏ့်အပေါ်  အရမ်းမတင်းကြပ်သော်လည်း ထိုကိစ္စဖြစ်ခဲ့တော့ ဉာဏ့်ကို သူ့အိမ်မှာပဲနေစေကာ မနက်တိုင်း gym ပုံမှန် ဆော့ခိုင်းလေသည်။
ပြီးတော့ Company နဲ့ အိမ်ကလွဲ ပြီး ဘယ်မှလည်း သွားခွင့် မပေးတော့ပေ။

ဒါပေမယ့် ဉာဏ်ကတော့ အေးဆေးပင်။ Boss အရှေ့မှာသာ တစ် ဟုတ် ဟုတ်နှင့် အလိမ္မာအိပ်ပါလေး လုပ်နေပေမယ့် Boss မရှိတုန်း မသိမသာလေးဆိုးမည်ဟု စဥ်းစားထားလေသည်။

ဒါကြောင့် အရင်ညတွေက Boss ကညဥ့်နက်လို့  ထ မကြည့်ခိုင်းခဲ့သော ဘောလုံးပွဲ Live ပွဲတွေကို ဉာဏ် Boss မရှိတုန်း လွတ်လပ်ရေးရကာ ထကြည့်ဖြစ်ခဲ့လေသည်။

ထို့အပြင် အခုလည်း ဆိုးပေစွာနဲ့ Boss ကို morning message ပို့ရမှာမို့ တကူးတက 7နာရီ အတိကို alarm ပေးကာ ဉာဏ် စာပို့လိုက်ပြီး၊ gym သွားမဆော့ဘဲ ဉာဏ် ပြန်နှပ်နေလိုက်လေသည်။ Boss မရှိမှပဲ ဉာဏ့်ရဲ့ အရင်ကလို အကျင့်ဆိုးလေးတွေ ပြန်ပေါ်လာလေတော့သည်။