LOVE MAKES FOOLS

Epilogue

"Bilisan mo, Tiffany! Malalagot tayo kay Ms. Monica," tawag sa akin ni Venny na ngayon ay nasa pintuan na at hinihintay ako.

Tapos na kami sa mga final requirements namin mapa-school stuff man yan or in regards sa internship namin. All that's left are the preparations for the upcoming graduation.

"Oo na. Ito na nga!" ganting sigaw ko habang sinusukbit sa balikat ang bag.

Pagkalabas kasi ni Ms. Monica kanina imbes na mag-ayos na rin ako ng gamit, mas inuna kong magreply sa message ni Ziggy sa akin, kaya naman tuloy nahuli ako.

"Para naman kasing hindi magkasama kanina lang kung makapag-usap eh," pagpaparinig pa sa akin ni Venny

"Bebs, you're becoming more and more like Mich lately. Bilisan na lang natin, okay?" natatawang saway ko sa kanya.

Yes. Nasabi ko na rin sa kanila ang tungkol sa amin ni Ziggy.

Of course nagulat sila saying na ang akala nila ang gusto ko ay si Jayvee, based daw sa mga kilos ko dati pa.

Akala raw nga nila nagkakamabutihan na talaga kami ni Jayvee, since lately mas napadalas ang pagsasama namin, kaya hindi nila lubos maisip na si Ziggy.

Medyo na-shook ako nang sinabi nila na napapansin nila kami ni Jayvee, it turns out alam nila dati pa, ayaw lang nila akong pangunahan.

Sinabi ko ang lahat sa kanila, well almost all. Simula sa naging agreement namin ni Ziggy hanggang sa kung paanong naging kami.

Pero kahit ilang beses ko yata ikwento hindi pa rin maiintindihan ni Mich. Kesyo paano raw nangyari, eh ang suplado at yabang raw ni Ziggy at kung anu-ano pang dahilan. Si Venny naman ay mabilis naka-catch up, siguro dahil magkaklase kami ni Venny and mas madalas magkasama, napansin niya rin ang naging closeness namin ni Ziggy dati and up until now.

Kaya nga ayan at nang-aasar na naman siya, naabutan niya kasi kaming magkasama ni Ziggy kanina habang hindi pa nag-uumpisa ang klase.

Kahit naman naging abala kasi kami sa kanya-kanyang college requirements we always make time together.

Well.. Ziggy is.

I never imagined that he can be clingy at times.

Dumating kami sa conference hall at naabutan namin na nag-uumpisa nang magsalita ang professor sa ilang important announcement na kailangan namin i-note as graduating students.

Agad hinanap ng mata ko si Ziggy sa grupo ng mga hrm students. Nakita ko siya na nakatingin na rin sa akin, Automatic akong napangiti nang magtama ang tingin namin.

Pinilig niya ang kanyang ulo at inangat ang kanyang phone. Napatingin naman ako sa phone ko, at nakitang may mensahe siya dun.

Nang buksan ko ang mensahe niya ay hindi ko napigilan ang mapaismid. Heto na naman kami.

Ziggy

At xxx restau later.

We usually go out din after ng class namin. Palagi niya akong hinihintay na matapos ang klase ko, dahil mas nauuna yung sa kanya. Okay naman siya sa akin since that way I can spend time with him.

Pero kasi we can skip naman, I mean lalo ngayon na ilang linggo na lang graduation na namin. And I already bought my dress, I don't want to be bloated naman during our graduation rites.

Ilang beses ko nang pilit ipinaintindi 'yon sa kanya, pero ang makulit na Ziggy sasagutin lang ako pabalang ng,

"As if you'll be wearing a wedding dress. You can change your dress anytime."