Unicode
"ပန်းသီးကအချိန် နှစ်ဆယ်၊ မုန်လာဥက နှစ်ဆယ့်ငါး၊ အာလူးက အချိန်လေးဆယ်၊ ပြီးတော့ .... ပြီးတော့ ဆရာဘာမှာလိုက်တာပါလိမ့်"
Jimin တစ်ယောက် အကြီးအကဲ Jung မှာသမျှကို လက်ချိုးရေရင်း မမှတ်မိတော့။ သေချာပေါက် လေးခုတည်းမှာလိုက်တာ။ လေးခုတည်းရယ်။ အဲ့ဒါတောင်မေ့ဖြစ်အောင်မေ့သွားသေးတယ် ဆိုပြီး ကိုယ့်ခေါင်းကိုယ်ခေါက်နေတယ်။
အဲ့အချိန် Jimin ရဲ့အနောက်ကိုတစ်စုံတစ်ယောက်ကဖြည်းဖြည်းချင်းချဉ်းကပ်လာတယ်။ ဝယ်စရာပစ္စည်းတွေစဉ်းစားနေတဲ့ နတ်သားလေးကတော့ သူ့နောက်ကသူကို သတိမထားမိဘူး။ ဖြည်းဖြည်းချင်းအနားကပ်လာတဲ့သူဟာ Jimin နားအရောက်မှာတော့
"ဝါးးးးးး Jimin ah"
"အ...Taehyunggie လန့်သွားတာပဲ ဘယ်ကရောက်လာတာလဲ"
"ဟီးဟီး အများကြီးလန့်သွားလား ငါက Jimin ကိုစချင်လို့"
"အများကြီးမလန့်ပါဘူးနော် Taehyunggie ကလန့်စရာမှမဟုတ်တာ"
နှုတ်ခမ်းတထော်ထော်နဲ့ပြောနေတဲ့ သူငယ်ချင်း နတ်သားလေးကို Taehyung တစ်ယောက် အသည်းယားစွာနဲ့ပဲ ပြုံးပြီးကြည့်နေတယ်။
"အင်းပါ မလန့်သွားဘူးပဲထားပါတော့ ခုဘာလုပ်ဖို့ထွက်လာတာလဲဟင်" ဆိုပြီး Jimin ရဲ့ ခေါင်းလုံးလုံးလေးကို ပုတ်ပြီးပြောတယ်။ Jimin က သူ့ခေါင်းကိုပုတ်ရင် ဆံပင်ပျက်တတ်လို့မပုတ်နဲ့ပြောလည်း Taehyung ကနားမထောင်ပါဘူး။ နှုတ်ခမ်းစူပြီး စိတ်ဆိုးတတ်တဲ့ နတ်သားလေးက နတ်ဆိုးကလေးလေးအတွက် ချစ်ဖို့ကောင်းလွန်းတယ်။
"Taehyunggie ရေ ဆံပင်ကိုမပုတ်ပါနဲ့ဆို နောက်တစ်ခါထပ်လုပ်ရင် မင်းနဲ့မဆော့တော့ဘူးနော်"
"ဟီးဟီး Jimin ကချစ်ဖို့ကောင်းတာကိုးးးးး
ပြောပြဦး ဘာထွက်လုပ်တာလဲလို့။ Jiminnieရဲ့ဆရာက ခုချိန်အပြင်ထွက်ခိုင်းလို့လား"
"ဆရာက ငါ့ကိုပန်းသီးရယ် အာလူးရယ် မုန်လာဥရယ် ဝယ်ခိုင်းလိုက်တာ ပြီးတော့နောက်တစ်ခု ဘာမှာလိုက်လဲမမှတ်မိတော့လို့"
"အမ် ဒီနေ့ကိုဈေးလာခိုင်းတယ်လား။ ဒီနေ့ဈေးဆိုင်တွေမဖွင့်ဘူးလေ"
