Unicode
"ဆရာ…. ဒီဟာက?"
"အင်း Michael ကမင်းကို Guardian Angel အဖြစ်တာဝန်ထမ်းဆောင်ခိုင်းလိုက်ပြီ"
"ဒီကလေးကိုစောင့်ရှောက်ရမှာပေါ့ ကျွန်တော်က"
"ဟုတ်တယ် သူ့ရှေ့မှာတော့မင်းပုံအမှန်ကိုမပြမိစေနဲ့။ စည်းကမ်းချက်တွေရောမှတ်မိတယ်မလား"
"ဟုတ်ကဲ့ မှတ်မိပါတယ်ဆရာ။ ကျွန်တော်အကောင်းဆုံးလုပ်မှာပါ"
"ဟုတ်ပြီ ကိုယ့်ကိုကိုယ်လည်းဂရုစိုက်ဦး။ မေးစရာမရှိတော့ရင် ဆရာပြန်တော့မယ်"
နတ်သားအကြီးအကဲပြန်ဖို့အိမ်အဝင်တံခါးနားရောက်နေတဲ့အချိန် Jimin ရဲ့ခေါ်သံကြောင့် သူ့ဆီလှည့်ကြည့်လိုက်တယ်။
"ဟိုလေ … ဟိုနေ့က ဆရာသေချာပြန်ရောက်ရဲ့လား။ ကျွန်တော်လိုက်ပို့လိုက်ရမှာ.."
"အင်း ဘာမှမဖြစ်ဘူးလို့ပြောသားပဲ။ သေချာပြန်မရောက်စရာအကြောင်းမှမရှိတာကို။ အဲ့ဒါဆို ဒီနေ့ညနေသတင်းပို့ဖို့မမေ့နဲ့"
Jimin ခေါင်းငြိမ့်လိုက်တဲ့အချိန်မှာ Hoseok တစ်ယောက်ကတော့ တံခါးဟိုဘက်ခြမ်းကိုရောက်သွားပြီဖြစ်တယ်။ Jimin ရဲ့စိတ်ထဲမှာတော့ ဟိုနေ့ကအိမ်ပြန်တယ်ဆိုပြီး ဘာလို့ demon အနံ့တွေက သူ့ဆရာကိုယ်ပေါ်မှာစွဲနေရတာလဲ ဆိုပြီးတွေးမိနေပါတော့တယ်။
နွေဦးရဲ့ညနေအစောပိုင်းလေးကို Jimin ကတော့ သူစောင့်ရှောက်ရမယ့်ကောင်လေးအကြောင်းလေ့လာနေရင်းနဲ့ အသုံးချနေပါတယ်။
ကောင်လေးနာမည်က Jeon Justin.
American စပ် အာရှသားလေး.
မျက်လုံးလေးတွေက သမင်ပျိုလေးလို လှပပြီး မျက်နှာလေးကတော့ ငယ်ရွယ်ပျိုမြစ်မှုရဲ့ပြယုဂ်လို့ပြောရလောက်အောင် ဒီကလေးငယ်က အပြစ်ကင်းစင်တဲ့ပုံ။
အမှောင်ကြောက်ပြီး အစားဆိုကြေးများတဲ့ကလေးလို့တော့မှတ်တမ်းမှာရေးထားတယ်။
ထူးဆန်းတာက ဘာကိစ္စ Michaelကသူ့ကိုချက်ချင်းကြီး Guardian Angel အဖြစ်တာဝန်ပေးလိုက်ရတာပါလိမ့်?
