Unicode
ဒီနေ့က Jimin စောင့်ရှောက်ရတဲ့ ကောင်လေးရဲ့ ဆယ့်ခုနစ်နှစ်ပြည့်မွေးနေ့။
အမေရိကန်သွေးနှောကလေးလေးမို့လို့လားမသိ တခြားကလေးတွေထက်နည်းနည်းပိုထွားတယ်။
စောင့်ရှောက်လာခဲ့တဲ့ ခြောက်လတာအချိန်အတွင်းမှာ ဒီကလေးလေးကလူကြီးပေါက်လေးဖြစ်လာပြီ။ Jeon Justin လေးကိုကြိုက်တဲ့ကောင်မလေးတွေလည်းမနည်းမနော။ အင်းပေါ့ ငယ်ငယ်လေးနဲ့ချောမောနေမှတော့ စောစောစီးစီးစန်းပွင့်တာပဲပေါ့။
ဒီနေ့တော့ထူးထူးခြားခြားလေးဖြစ်သွားအောင် ဒီကောင်လေးကိုလက်ဆောင်ပေးရမယ်။
နတ်သား Jimin ဟာ သူ့အတွေးနဲ့သူပျော်နေပြီး ဘေးကရောက်လာတဲ့သူကိုတောင်သတိမထားမိချေ။
"မွှေးနေတာပဲ ခေါင်းလျှော်ရည်ပြောင်းထားတာလား"
"အဲ့ ဘာတုန်း! Tae ah! ဘယ်တုန်းကရောက်လာတာလဲ လန့်သွားတာပဲ"
"ရှေ့မကြည့်နောက်မကြည့်လျှောက်နေတဲ့မင်းကိုတွေ့လို့လေ။ မတော်လို့ မကောင်းဆိုးဝါးတွေက ဖမ်းသွားရင်ဘယ့်နှယ့်လုပ်မလဲ"
"စိတ်ပူတာနဲ့ ဆံပင်ကိုလာနမ်းတာနဲ့ဘာဆိုင်တုန်းလို့!
ပြီးတော့ ငါက Archangel Raphael ရဲ့ တပည့်ပါ။ တော်ရုံမကောင်းဆိုးဝါးကမကပ်ရဲဘူး ဟွန့်! အသာလေးလည်ပင်းညှစ်လိုက်လို့ရတယ်"
"ဘာလဲ? အဲ့လက်သေးသေးလေးတွေနဲ့လား? ပြပါဦး တိုင်းကြည့်ရအောင်"
ပြောရင်းဆိုရင်း Taehyung က Jimin လက်ကိုဆွဲပြီးသူ့လက်ဝါးအကြီးကြီးနဲ့တိုင်းကြည့်နေတယ်။ Jimin ကတော့ နတ်ဆိုးကောင်လေးရဲ့ ချောမောလွန်းတဲ့မျက်နှာကိုပဲငေးနေမိလေရဲ့။ စက္ကန့်အနည်းငယ်လောက် သူ့လက်ကိုထိတွေ့ပြီးတဲ့နောက်မှာတော့ Taehyung ကပြုံးတယ်။
လှလိုက်တာ။ နတ်ဆိုးတစ်ကောင်ကအဲ့လောက်လှလွန်းနေစရာလား။
"Jimin ရေ"
"ဟင်"
"မင်းရဲ့ခန္ဓာကိုယ်မှာငါဘယ်နေရာကိုအကြိုက်ဆုံးလဲသိလား?"
