Unicode
Archangel Nathaniel ဟာ Taehyung ကိုတိုက်ပွဲကြားထဲမှာရှာဖွေနေတယ်။ ကောင်းကင်ဘုံကိုမထီမဲ့မြင်လုပ်ပြီး နတ်သားတွေကြားထဲမှာအကွဲအပြဲဖြစ်အောင်လုပ်သူဟာ Taehyung ဖြစ်တယ်လို့ပဲ သူခံယူထားလေရဲ့။ အဓိကပြဿနာက နတ်သားအကြီးအကဲတွေရဲ့ ဂုဏ်အရမ်းမောက်ပြီး နတ်ဆိုးဆိုရင်မုန်းတီးနေတာကြောင့်ဆိုတာကိုတော့ သူမတွေးမိခဲ့ပါဘူး။
အဝေးကနေစောင့်ကြည့်နေတဲ့မျက်လုံးတစ်စုံကိုသတိမမူမိပဲ Taehyung ကတော့ သူ့ရဲ့မြတ်နိုးရာဆီကိုသွားဖို့အတွက် နတ်သားတွေကိုတိုက်ခိုက်နေပါတယ်။ သူ့ရဲ့ရှေ့ကနတ်သားတစ်ပါးရဲ့မျက်နှာကိုလက်သည်းရှည်တွေနဲ့ဆွဲစုတ်နေတာကြောင့် အနောက်ကနေတိုက်ခိုက်ဖို့ရောက်လာတဲ့နတ်သားကိုသူမတွေ့လိုက်ရပေ။ သို့ပေမယ့်လည်း Taehyung ဟာဘာဒဏ်ရာမှမရရှိခဲ့ဘူး။
အနောက်ကိုလှည့်ကြည့်မိတော့ သူ့ကိုတိုက်ခိုက်ဖို့လာတဲ့ နတ်သားရဲ့အသက်မဲ့ခန္ဓာကိုယ်ကိုပဲတွေ့လိုက်ရလေတယ်။ ပြီးတော့ ဓားရှည်ကိုင်ထားတဲ့ Ezekiel။ တောင်ပံဖြူတွေမဟုတ်တော့ပဲ မီးခိုးရောင်နဲ့ မှင်ရောင်ရောစပ်ထားတဲ့တောင်ပံတွေနဲ့ Ezekiel။
"Fallen အဖြစ်ခံပြီးလိုက်လာရလောက်တဲ့ထိဆိုတော့ ငါ့ကောင်လေးနားကိုလိုက်ကပ်နေဦးမယ်ဆိုတဲ့သဘောလား?"
ဓားစက်ပေါ်ကသွေးတွေကိုခါထုတ်ရင်း Ezekiel ဟာနတ်ဆိုးကိုတည့်တည့်ကြည့်ပြီးပြောတယ်။
"ငါကသူ့ကိုအသေခံပြီးကာကွယ်ဖို့ထိစဉ်းစားပြီးသား။ မင်းဘာသာကြိုက်ချင်ကြိုက် မကြိုက်ချင်နေ။ ငါ Fallen အဖြစ်ခံတာ သူ့ကြောင့်ပဲ"
နတ်ဆိုးဟာခေတ္တတိတ်ဆိတ်သွားတယ်။ ပြီးတော့ former-angel ရဲ့မျက်လုံးထဲကိုစိုက်ကြည့်ပြီးပြောလေတယ်။
"သူ့ဘက်မှာရှိပေးလို့ကျေးဇူးပဲ"
တစ်ဖက်ကလည်းပြန်ခေါင်းငြိမ့်တယ်။ သူတို့နှစ်ယောက်ကြားကယုံကြည်မှုတစ်ခုကတော့ Jimin ကိုဘယ်တော့မှ ထပ်မနာကျင်စေရဘူးဆိုတာပါပဲ။
-×-
Asmodeus နဲ့ Raphael ဟာကျောချင်းကပ်လျက်။ ကောင်းကင်ဘုံနဲ့ငရဲဘုံက အင်အားအကြီးဆုံးတွေထဲကနှစ်ယောက်နဲ့အတူတိုက်ခိုက်နေရတာ အင်အားသိပ်တော့မမျှပေ။
