Unicode
အချိန်ကား ညဆယ်နာရီကျော်ကျော်။
Fulgur Valley မြို့ကတော့ တစ်နေရာမှလွဲ၍ တိတ်ဆိတ်လျက်ရှိလေသည်။
Black Sheep Bar.
Black Sheep Bar မှာ အဓိကအချက်နှစ်ချက်ကြောင့်ကျော်ကြားသည်။
ပထမတစ်ချက်က Bar ရဲ့ အထင်ကရဖြစ်သော Mermaid's Blood Cocktailကြောင့်ဖြစ်ပြီး ဒုတိယတစ်ချက်ကတော့ ရုပ်ရည်သန့်ပြန့်ပြီးဆွဲဆောင်မှုရှိလွန်းသော bartender နှစ်ဦးကြောင့်ပင်။
ထို Bar သို့ဝင်လာသူကတော့ Asmodeus
"ပုံမှန်အတိုင်းပဲလား Namjoon?"
"ဒီညတော့ hyung တို့ဆီက special စမ်းသောက်ကြည့်မလားလို့။ Mermaid's Blood ပဲလုပ်လိုက်ပါ"
မည်းနက်နေသော ဂုတ်ဝဲခန့်ဆံပင်ရှည်တို့ဖြင့်ပြည့်နေသည့် ခေါင်းကိုအသာခါရမ်းရင်း Bartender တဖြစ်လည်း Seokjin တစ်ယောက် နတ်ဆိုး၏အမှာအတိုင်း cocktail စပ်ပေးနေလေသည်။
"Yoongi ကတောင်ပြောနေသေးတယ်။ Namjoon ဒီရက်အတွင်းလာလိမ့်မယ်ဆိုပြီးတော့။ ဒီလောက်မြန်မြန်ရောက်လာမယ်လို့တော့မထင်လိုက်ဘူး"
"Yoongi hyung ရော ဘယ်လိုနေသေးလဲ? ထုံးစံအတိုင်းပဲလား"
"ဟူးး သူကတော့ ပုံမှန်ပဲပေါ့။ နွေဦးမှာဆိုနေလို့မကောင်းဘူးလေ။ အိပ်မက်ဆိုးတွေလည်းမက်တယ်ပြောတယ်"
Namjoon ခေါင်းကိုဖြည်းညင်းစွာညိတ်ရင်းပင် Seokjin ပြောသမျှက်ုနားထောင်နေလေသည်။ သူ့၏အမှာအတိုင်းသောက်စရာရောက်လာတော့ Seokjin က ကောင်တာပေါ်သို့လက်တင်ရင်းမေးသည်။
"ပြောစမ်းပါဦး အဆက်အသွယ်ရော ရရဲ့လား?"
"ဪ hyung ရယ်။ ကျွန်တော်တို့အခုပြောနေတာ နတ်သားအကြီးအကဲ Raphael လေ။ သူကဆက်သွယ်လိမ့်မယ်ထင်နေတာလား?"
"သူကမဆက်သွယ်လည်း မင်းဘက်ကဆက်သွယ်ကြည့်လေ။။ ဘယ်နှနှစ်လောက်ထိနေနိုင်မှာမို့လို့လဲ မင်းက"
