Unicode
နွေဦးမနက်ခင်းရဲ့ အလှတရားတွေဟာ Jiminရဲ့တစ်နေ့တာကို ပြုံးပျော်စေဖို့လိုအပ်တဲ့အရာတွေပဲဖြစ်တယ်။
ငှက်ကလေးတွေရဲ့ ပိကျိပိကျိအသံလေးတွေ။ နွေးထွေးတဲ့ နေရောင်ဖျော့ဖျော့ရယ်။ လေပြည်သဲ့သဲ့လေးရယ်။ ပြီးတော့ အပင်ရေလောင်းနေတဲ့သူ့ကို အိမ်အောက်ကနေပြုံးပြီးကြည့်နေတဲ့ Taehyungရယ်။
ဟင်! Taehyung က ဘယ်ကဘယ်လိုရောက်လာတာလဲ??
အပင်ရေလောင်းနေရင်း ရေပုံးလေးကို ဘေးချပြီး ဝရန်တာကနေ အိမ်အောက်ကိုသေချာကြည့်လိုက်မိတယ်။ Taehyung က ခေါင်းလေးကို စောင်းပြီး သူ့ကို တာ့တာတောင်လုပ်ပြနေသေး။
"Tae ah! ဘယ်ကနေဘယ်လိုရောက်လာတာလဲ?"
"လာတွေ့မယ်ပြောထားတာကိုမေ့နေပြန်ပြီလား Jimin ssi?"
"ဘယ်ကသာ မေ့ရမှာလဲ။ တက်ခဲ့ နေပူမိလိမ့်မယ်"
အိမ်ပေါ်ကိုတက်လာမယ့် Taehyung ကိုစောင့်ရင်း Jimin အအေးဖျော်နေလိုက်တယ်။ ပျားရည်ထည့်ဖို့လုပ်နေတုန်းမှာပဲ အိမ်ရှေ့ကတံခါးခေါက်သံကြောင့် အပြေးလေးသွားပြီး တံခါးကိုဆွဲဖွင့်လိုက်တယ်။ အညိုရောင် တံခါးရဲ့ ဟိုဘက်ခြမ်းမှာတော့ ဆံပင်ပွပွနဲ့ နတ်ဆိုးတစ်ယောက်ရပ်ပြီး သွားဖြူဖြူလေးတွေပေါ်အောင်ရယ်ပြနေလေရဲ့။ အင်္ကျီအဖြူလက်ရှည်ပွပွကိုတံတောင်ဆစ်နားထိခေါက်တင်ထားပြီး လက်နှစ်ဖက်ကတော့ ကော်ဖီဖျော့ရောင်ဘောင်းဘီရှည်ရဲ့အိပ်ကပ်ထဲမှာပျောက်နေတယ်။ Taehyung ဟာအရမ်းကိုရိုးရိုးလေးနဲ့ ဆွဲဆောင်မှုရှိတဲ့ နတ်ဆိုးတစ်ကောင်ပဲ။
"ကဲ ဆိုပါဦး။ ဘယ်တုန်းတည်းက အသံမပေးပဲနေပူကြီးထဲရပ်နေတာလဲ?"
"အင်းးးး မင်းပြုံးပြီး ရေစ,လောင်းနေတည်းကပဲ။ အကြာကြီးမဟုတ်ပါဘူး နာရီဝက်လောက်ပေါ့"
"ဟင် နာရီဝက်ကအကြာကြီးမဟုတ်ဘူးလား? မှန်းစမ်း"
Jimin တစ်ယောက် Taehyung ရဲ့ ဆံပင်ပွပွထဲကိုလက်ထိုးထည့်ပြီး စမ်းလိုက်တယ်။ ပူကျစ်နေတာပဲကို ဘယ်နားက အကြာကြီးမဟုတ်ရမှာလဲ။
