Unicode
Black Sheep Bar ဟာဒီနေ့မှာတိတ်ဆိတ်နေတယ်။ Bar ထဲမှာရှိတာဆိုလို့ Black Sheep Coven ကစုန်းတွေရယ်, Asmodeus နဲ့ Raphael ရယ် ပြီးတော့ Jimin နဲ့ Taehyung ရယ်ပါပဲ။
"တကယ်ကြီးသွားမလို့လား Jimin?"
Yoongi ဟာ အထုပ်တွေကိုကူသယ်ပေးရင်းပြောတယ်။
"Black Sheep Coven နဲ့နေပါလား။ အဝေးကြီးထိထွက်သွားစရာမှမလိုပဲ"
Jimin ဟာ Yoongi ကိုကြည့်ရင်းပြုံးတယ်။ နေသားကျနေပြီဖြစ်တဲ့ ဒီနေရာကနေမသွားချင်ပေမယ့်လည်း သူ့ရဲ့အနာဂတ်ကသတ်မှတ်ပြီးသား။
"နွေရာသီတိုင်းလာလည်မှာပါ Hyung ရဲ့။ Taehyung မလိုက်လည်းကျွန်တော်ကသူမသိအောင်ခိုးထွက်လာမယ်"
ရယ်ရယ်မောမောနဲ့ပြောတဲ့ ကလေးရဲ့စကားကြောင့် Yoongi ရဲ့မျက်နှာမှာ အပြုံးနုနုလေးဖြစ်တည်လာတယ်။
"လာလည်ရင် အဲ့နတ်ဆိုးကိုမခေါ်လာနဲ့...ပေါက်စတည်းကမြင်နေရတာရိုးနေပြီ"
"ဪ ဪ အခုတော့ Taehyung မပါရင်ကိုတော်တော်ပျော်နေကြပြီကိုး!"
နတ်ဆိုးဟာ Jimin ရဲ့ အနောက်ကနေခါးကိုဖက်ရင်းဆိုတယ်။ Yoongi ကိုတော့ မျက်မှောင်ကြုတ်ကြည့်ရင်းနဲ့ပေါ့။
"အင်း ဟုတ်တယ်။ နွေရာသီတိုင်းလာလည်ရင် မလိုက်လာနဲ့။ ငါက Jimin ကိုပဲ တွေ့ချင်တာ"
"Seokjin hyung ရေ...ဒီမှာကျွန်တော့ကိုအနိုင်ကျင့်နေတယ်...hyung ရဲ့ ဟိုဒင်း အမျိုးသားက"
Taehyung ရဲ့အပြောကြောင့် Yoongi တစ်ယောက်မျက်နှာနီမြန်းလို့ အနောက်ခန်းထဲဝင်သွားပါတော့တယ်။ ပါးစပ်ကလည်း ပွစိ ပွစိပြောရင်းပေါ့။
"Yoongi hyung ကိုသွားသွားမစပါနဲ့လို့ဆို!"
"သူကကျွန်တော့်ကောင်လေးကိုတစ်ယောက်တည်းအပိုင်စီးချင်နေတာလေ!"
"Tae ရေ...တော်ပါတော့!"
ရယ်သံတွေဟာ Bar ထဲမှာပျံ့လွင့်လို့။
