Unicode
Asmodeusကဘယ်တုန်းကမှသူများရှေ့ခေါင်းငုံ့ဒူးထောက်ခဲ့တဲ့သူတစ်ယောက်မဟုတ်ဘူး။ ကောင်းကင်ဘုံကနေဆင်းလာခဲ့တာတောင်မှ Satan ကိုဒူးထောက်ဖို့မပြောနဲ့ ဦးညွတ်ပြီးတောင်မကြည့်ခဲ့ဖူးဘူး။ သူကောင်းကင်ဘုံကဆင်းပြီး Satan ရဲ့အနောက်ကိုလိုက်ခဲ့တာက ကောင်းကင်ဘုံကိုအယုံအကြည်မရှိတော့တာကြောင့်အပြင် ဘာမှပိုမနေခဲ့ပေ။
ဒါပေမယ့်…………. ငါ့ကိုဒူးထောက်တောင်းပန်စမ်းလို့ Raphaelကပြောမယ်ဆိုရင်တော့ သူ့သဘောအတိုင်းဒူးထောက်ဖို့အဆင်သင့်ဖြစ်နေခဲ့တယ်။ Namjoonအပေါ်မှာ Hoseok ရဲ့လွှမ်းမိုးမှုက အဲ့လောက်ထိကိုကြီးမားပါတယ်။
အခုတော့ နတ်သားအကြီးအကဲက သူ့နဲ့နတ်ဆိုးကလေးလေးကို စူးစမ်းတဲ့အကြည့်တွေနဲ့ကြည့်နေလေရဲ့။ ထွက်သွားလို့ တစ်ခွန်းမှမဟသေးသလို ဓားရှည်ကိုလည်းမထုတ်သေးဘူး။ ဒီအတိုင်း…. ဒီအတိုင်းလေးကြည့်နေခဲ့တာ။
တစ်ခါမှ စေ့စေ့စပ်စပ်မကြည့်ခဲ့ဖူးတဲ့ Hoseok ရဲ့အသွင်အပြင်ဟာ နေ့လည်ခင်းနေရောင်ကြောင့်ပိုပြီးတောက်ပနေသယောင်။ မဟာနဖူးဟာမျက်မှောင်ကျုံ့မထားတာကြောင့်ပြေပြစ်ပြီးကြည်လင်နေလေရဲ့။ မျက်ခုံးပြေပြေနဲ့ မျက်လုံးဝိုင်းစက်စက်ကလေးတွေ။ ပြီးတော့ နှာခေါင်းချွန်ချွန်လေး။ ရီလိုက်ရင်မြင်ရမှာဖြစ်တဲ့ ပါးခွက်ကလေးကတော့ အခုသူမမြင်အောင် ပုန်းကွယ်နေသတဲ့။ နတ်သားအကြီးအကဲ Hoseok ကိုတင်စားရမယ်ဆို စကားလုံးတစ်လုံးပဲလိုတယ်။ အဆုံးစွန်သော ပြီးပြည့်စုံခြင်း။ဒါပေမယ့်အဲ့လိုသွားပြောရင် Namjoon ခုချိန်အသက်ရှိနေဦးမယ်မထင်။
"Taehyunggie"
နတ်သားလေး Jimin ဟာ သူငယ်ချင်းဖြစ်သူဆီကို ပြေးလာနေတယ်။Namjoon ဘေးမှာရပ်နေတဲ့ နတ်ဆိုးငယ်လေးဟာလည်း နတ်သားလေးဆီကိုအလျင်အမြန်ပြေးသွားတယ်။ ကလေးငယ်နှစ်ယောက်ရဲ့အနောက်မှာတော့ နတ်သားအကြီးအကဲ Hoseok နဲ့ နတ်ဆိုး Namjoon တို့တစ်ယောက်နဲ့တစ်ယောက်ကြည့်နေကြတယ်။ စကားတစ်ခွန်းမှမပြောကြသေးပဲနဲ့ပေါ့။
"Tae ah… ဒီကိုဘယ်လိုဖြစ်လို့ရောက်လာတာလဲ။ ပြီးတော့ အဲ့လူကြီး မင်းနဲ့တူတူလာတဲ့လူကြီးကဆရာနဲ့ရန်ဖြစ်ထားတာ"
