New World (Completed Book 1 and 2)

New World 1

Selene Caz

Ang Simula

Normal day in my ordinary life.

Isang studyanteng pinipilit magsumikap, pero gaya ng ibang kabataan... Ayoko na din mag-aral.

Nakakapagod bilang isang studyante ih.

Pero dahil pinapahalagahan ko ang lahat ng ginagastos ng mga magulang ko para lang makapag-aral ako ay hindi ako humihinto.

Santiago Senior highschool ang paaralang pinapasukan ko. Hindi ganoon kalaki pero kilala ang school namin pagdating sa usaping art.

Kilala ako sa school bilang president ng section na ICT at bilang SSG Vice President. Isang responsibilidad na kaylan man ay di ko gugustuhing gampanan. Sadyang no choice lang ako.

At sa mga oras na to dapat nasa classroom na ko. Pero male-late ako ngayon sa first subject ko dahil nagka-meeting kami ng mga SSG officers.

Kilala ako bilang isang responsable at mabait na studyante sa school namin. Pero hindi naman talaga ako mabait, maganda lang. Chos.

Siguro kaya lang ako natawag na mabait ay dahil sa responsable ako.

Bilang isang officer ng room at ng SSG ay tinuring ko ng responsibilidad ang lahat ng studyante sa paaralan namin.

Nung una ayoko ng role ko sa school na'to, bukod kasi sa matutulog akong puyat ay gigising pa akong bangag.

Pero simula ng maging officer ako at nakilala ng maraming studyante ay nakaramdam ako ng saya. At dahil sa responsibilidad na yon, tingin ko na sa lahat ng studyante dito ay importante.

Tingin ko naging responsibilidad ko na rin sila.

"Selene, nakita mo ba si Chara?"

"Mukha ba kong hanapan ng nawawalang studyante? Mukha ba kong guard? Ha? Chester? Tsk!" Mataray na sambit ko sa kanya.

Meet Chester Zapiro. My dear ex boyfriend.

Sya ang Vice President ng klase namin. Ang ICT. 

Pero simula ng maghiwalay kami, hindi na nya inisip yung tungkulin at responsibilidad nya sa klase namin. Kaya heto, ako ang taga-bitbit ng lahat ng tungkulin nya. Hindi namin sya tinatanggal bilang vice kasi matalino at magaling talaga syang mamuno sa klase, sadyang matigas lang talaga ang ulo nya.

Ako ang nakipaghiwalay sa kanya.

Actually sinunod ko lang naman yung isang qoute na 'Kapag hindi mo na mahal ang isang tao, pakawalan mo na lang nang hindi na sya masaktan pa.'

Malay ko bang masasaktan pa rin sya kahit pinakawalan ko na sya.

Ewan, siguro nga na-out of love na ko. Or na-realize ko lang talaga na wala naman talaga akong nararamdaman sa kanya. I mean, iniisip ko lang pala na gusto ko sya pero hindi ko naman pala yon nararamdaman. Hindi ko alam.

Pero kasi, pareho din kaming busy. Lalo na ko, andami kong gampanin sa school at sa bahay bilang panganay saming magkapatid. And I have a deeper reason.

Naisip ko na baka hindi to yung tamang oras para isipin ko yung sarili ko.

Atsaka hindi naman sya yung first boyfriend ko kaya may experience na rin ako about sa mga ganyang bagay.

"Ang sungit mo talaga, pero sabagay baka late na naman yon." Pagtutukoy nya kay Chara.

Simula ng maghiwalay kami lagi na syang dumidikit sa kaibigan kong si Chara.