انه بنيه فقيره وحيل مظلومه
بحبال العشاير واهلي معدومه
شنو ذنبي انسجن ورده وره البيبان
حتى من الگمر يا دنيا محرومه
يلوموني إذا اضحك بوجه الريح
ويخنگوني اذا شافو دمعتي اطيح
ويكتلوني اذا يسمعون گلبي يصيح
ما ريدن غصب وأتزوج من انسان مااحبه ولا اعرف شنو رسومه
واذا واحد غصبني وسلب عفتي بليل ، لأن رجال محد يگدر يلومه
*********
گاعده يم الشباك واباوع ع الجدر يفور ، هذا الجدر مثلي بالضبط مثل البصدره بصدري نفس الغليان ،،
العبره بصدري تفور متطلع ، شگد بجيت ، شگد عانيت متطلع
محتاجه احجي ، اي احجي ، بس المن ؟
امي تروح تكول لأبويه وشيخلصني ساعتها بس ولله مالي ذنب
ذنبي الوحيد سكتت ويجي يوم ادفع ثمن سكتي غالي
يلا هو ربي سترها من يمه اني ليش افتح الموضوع ، الله اخذ حقي بنفس اليوم
احجيلكم عن ذاك اليوم الاگشر
جنت اول متوسط طبعآ اني بالسادس ابتدائي عايده سنه ، امي يم خوالي راحت هي واختي وتين وأخويه هاشم ، مارحت وياهم عندي امتحانات ، قبل الغده اجت علينا مرة عمي بيتهم بصفنه هي ارمله رجلها ميت
كاعدين بالبيت هي وابنها عمره 18 سنه اسمه رشيد
اهوو هم اجت ابويه يضوج منها حيل وزياده بقت يمنا ع الغده ، وتستغل فرصة اذا طلعت امي من البيت هي تجي
ابويه تغده ودخل لغرفته اني هم گعدت يمها بالهول اشو گامت يلا اني اروح
گمت وياها ما قبلت لا ابقي يمج اني ارد الباب من اطلع
گعدت ع التخم اتفرج ع التلفزيون شويه وسمعت صوت بالصاله فتحت الباب شفت ابويه عصبي ومرة عمي تبجي
اسمع ابويه يكولها هسه يجي اخوج ياخذج اذا عندج كرامه متبقين هنا دقيقه
عوفي بيت اخويه وابنه ولي لخيستج لأجيتي منها بقى بابا يرزل بيها واسمع منه الله اليعلم كم رجال عرضتيله نفسج قبلي واحنه مغفلين
شدني اكثر صوت رشيد ابنها اللي دخل فجأة ويكول شكو ؟
- بابا هاي أمك متستحي تحط راسك بالطين اذا بقت وياك اشمرها ع اخوتها عارها عليهم
- لك كلب شنو هيج تحجي ع امي
- أمك مو شريفه ، اللي تعرض نفسها لأخو رجلها ، شتترجا منها ، هالكلمه رجت البيت بما فيه راس رشيد اللي تسودن علينا الضهر
صارت العركه بيناتهم ابويه ضرب رشيد وخابر ع خواله يجون ياخذون أختهم ،
مااعرف شنو الصار يم بيت عمي وليش بيومها مااجو خوال رشيد
ثاني يوم الضهر اجانه رشيد اموت منه اكرها كره العمى وسكران يطوطح ،،،، وابويه البارحه طردهم شكو يتلزگون
سألني ع ابويه
- لحضه هسه اصيحله
دخلت لغرفته ما لگيته صحت بابااا
اجاني صوته القذر
ها حضرة الوالد ما موجود ؟
