من گد ما ضگت من ايدك جروح
احس روحين ماتت بيه مو روح
************
خزرني وصاح يااااااسمين ،
- سكتت درت وجهي ابجي ، هو طلع بدون ميحجي شي ، ورگع الباب وراه
ورود گعدن هي وحوراء يغردون فوگ راسي ، سوالف وضحك
لوجه الصبح واني نومتي معلعله من الوجع ،
الصبح اجتني عمتي ، يلا اگعدي اخذج طبيب ،
مااروح
- مو بكيفج يجي كرار يبقى يحجي عليه ، وصاني من الليل
- عود گليله هي متقبِّل تروح
-اي يطبج مرض
حوراء تردها عوفيها يمه شنو تتوسلين بيها وجه البوم ، شفتها وشافتني تبجي
يمه ورود وأزهار راح يرحون للسوگ خلي اروح وياهن ؟
- وهاي مريضه ونايمه واني الخدامه الزغيرونه مالتكم مو
- جذابه لا مريضه ولا شي معليج بالبيت هي تگوم وَيَا رشا
، ولت للسوگ بقينا اني وعمتي ورشا بالبيت ، يلا گومي حطي ايدج ويانا
انجبرت گمت نظفت وغسلت ملابس ، شفت كرار رجع من وكت بس ما اهتميتله ، هو كلش يضوج من اشوفه وأدير وجهي ، خلي لعد بس هو هيج يعاملني
عدنا حاويه زغيره بالمطبخ وگفت فرغتها بيها جيس نايلون شديته ودرت وجهي اريد اطلعه ترادمنا اني وكرار ، صار العفو جيس الزبل ع صدره
ثول حتى ثول ، شبيج
- ليش تغلط محاجيتك اني ؟ ما متعمده عليك
- شلون بلسانج مو أكصه
- كل هذا لان طخيتك بدون قصد
- منو يگول بدون قصد ؟ زين ما شمرتي نفسج بحضني ، وتگولين ع ورود تتلزگ ، شوفي نفسج بالبدايه
- تره طوختها هواي
- قابل مجذب اني
اعرفه يستفزني بكلامه ويضوجني ومرات حتى يجرحني من يحجي هيج
غصيت بكلامه ما ينبلع ،، طلعت منه واني احس بلعومي يحرگني عبالك جمره عارضه بي
ل2 واجن حوراء وأزهار واختها ، شو هاي هلاو كرار شعجب اليوم راجع من وكت خاف يوميه اني اللي مأخرتك
