ياسمين
******
لسه بعدني عايشه الصدمه من اللي سمعته وشفته ، كرار ! ، شلون انطاه گلبه هيج يسوي بيه
ما عبالي يدگ بيه هيج دگة
راسلني شخص بس مگال اسمه واصلآ اني ماارد ع الرقم الغريب بس من دزلي صور محادثه حاجيتها اني وكرار ودزلي صورتي
اي صورتي اللي جان يگولي هاي اعز مااملك ومخليها بتليفون وحدها ، تليفونه القديم بس لذكرياتنا مخلي من اول رساله بينا واول اتصال لسه
صار سنتين تقريبآ بعلاقتنا
الولد گال ردي اني صديق كرار وحاب انصحج ، اني مااعرفج انتي منو بس كرار هواي يشهر بيج گدامنا وشوفي حتى الكلام بينكم يسويله سكرين ويدزه وهاي صورتج
وبعد اكو صور الج ، اني عندي اخوات ومااقبلها بس هاي نموذج اثبت كلامي گدامج
تخبلت ، اتصلت ع كرار ميجاوب بوقتها بالامتحان ،، دزيتله رسايل وقفلت تليفوني للأبد وضميته ، حسيت التليفون شيطان وراح يحطني بالتهلكه
اهلي گتلهم تليفوني ضاع ، بس لأن ضاع بالبيت ماانطو أهميه للموضوع ومحد اشترالي تليفون بقيت هيج مخلصتها ع التلفزيون وأساعد امي ع الفطور
بس بالليل ، اه من يجي الليل ، اخلصها حسرات ودموع ، مرات اطلع للحديقه اباوع ع بيتهم ما بينا بس الحايط
ودي الزمه واگطعه وما ارتاح ابد
ليش اني هيج حضي عاثر ، شرفي وسمعتي وأخلاقي ذني اعز شي عند الانسان
بس عندي برخص راحن
هواي استحقرت شعور الضعف ،، ان شاءالله كرار يشوفها بأخته
بس اشتاقله ،، حقدي عليه كله يتحول دموع ،،. اتمنا تصير معجزه واشوفه ، يا ترى شسويله اذا شفته
كرار
*******^
حسره بقت بگلبي اعرف ليش سوت هيج
مر شهر رمضان ما حسيت بي بشي حلو ع خلاف كل سنه
قبل العيد بدت الناس تسوي كليجه ،، ردت منها ، تمنيت اخذلها جيوبي مليانه كليجه ونضحك مثل العيد الفات
صار وياي موقف غريب ، قبل العيد رحت اتسوگ للعيد وأخذت وياي ليث
من رجعت للمنطقه ليث گال نزلني يم الحلاق وبعدني امشي والدنيا ضهر شفت غسان واگفين يمه اثنين ولد ويحجون وياه بنتر وهو يباوع عليهم
شفت واحد منهم لزم ياخة قميصه صرت قريب منهم عفت السياره مفتوحه ونزلت ركض
جريته من وره وبعدته عنه ، شتريدون منو انتو
- اطلبه 50 الف صار شهرين
درت وجهي اسأل غسان بس متفاجأ ، صحيح ؟
- مو گتلك بس يصير عندي انطيهن لماجد
- ولله دنعل ابوك لبو ماجد
