تفاجأ شافني بغرفته وتشيرته بأيدي ، شسوين هنا ؟
- باجي گالت نظفي غرفته واغسلي ملابسه ، گوة احجي لان الگدامي مو كرار الاعرفه لا بس شبه بينهم
ما رد فتح كنتوره اخذ ملابس ونزع القميص استحيت ابقى ، درت وجهي اطلع صار گدامي
- شنو تردين بالمقابل ويغمزلي
مفهمت ،
لزم ايدي ، اني افهمج ،، الحياة الزوجيه معادله متوازنة الله بكتابه يگول ولهن مثل اللذي عليهن
يعني الزوجه مثل ما عليها واجبات ، الها حقوق ، واتوقع وجودج بغرفتي نبهني ع هالشي
يحجي بشكل مستفز ، الكلام وگف بلساني مااعرف شحجي بلعت ريگ وتحركت امشي هم صار گدامي
بالحلال ولله ، لو الحلال مو حلو ؟ ، ناسيه لو اذكرج اني ايدج ما لمستها بالحرام
صفنت بوجها وأحس الدنيا افترت بيه ، صفرجت من الخوف
مد ايده يشيل شالي همس يم أذني ، ولو مااحب الأشياء المستعملة بس ما افشلج
انتفضت بكل قهر ضربته ع صدره لتسوي هيج ،
- تؤ تؤ شريفه مو بيدج ،، يحجي وابتسامه استفزازيه ع وجها
- اشرف منك ، اشرف منكم كلكم ، احجي ودموعي تنزل ، كل ذنبي بنيه لا حول ولا قوه
الله ياخذ حقي من كل شخص ظلمني
عصر ايدي حيل ، ااااااااخ
وجهج مااريد اشوفه بغرفتي ، وخلي ابالج كل مااشوفج انتي هيج رخيصه بنظري ، وحتى لينعاد هذا الموقف لتتقربين مني
ذبيت الملابس من ايدي وطلعت ركض من يمه ، نزلت لغرفة حوراء لگيتها تبدل
- حضرتج متگولين احد يبدل عنده خصوصيه شو طبيتي جفت
شافتني وجهي اصفر وابجي سكتت
ما طلعت ع الغده وياهم مااريد اشوفه ، اخير شي اتوقعه نضرته اليه بهالشكل
عقد عليه حتى يذلني ،
للعصر طلعت للحمام سمعت ازهار فاتحه موضوع وَيَا عمي تريد تجيب اختها تعيش يمنا ، وطبعآ هو وافق ، ميرفضلها طلب
يومين اني إتلافه شوفة كرار اسمع صوته بس ابد مااطلع گدامه حيل ضايجه من كلامه اليه
ازهار جابت اغراض لأختها وحطتهن بغرفة حوراء تشكلنا اني وحوراء بالتعزيل
