ما ردت احبك حاولت
من لفضة اسمك حاذرت
كلمة وشلتها من الحجي ومن اللسان إخفيتها
وبيبان روحي مقفله عن لا احب سديتها
صلفة امنياتي إلرادتك ، سألتني عنك بس صمت كلش ولا حاجيتها
*********
صح اني انسان شقي واضحك ومآخذ الدنيا بكل بساطه بس الحب غير نضرتي للحياة
خلاني افكر باجر شنو ممكن يصير ،، هاي البنيه يوم بعد يوم تتربع بگلبي وبعقلي
ونبهة كلش ، تحترم وأحسها قويه مو انسانه فارغه وانهزامية
صح لحد الان ما گلت الها كلمه احبج بس يمكن تگدر تشوفها بعيوني
هواي تمرني لحضات تأنيب الضمير ع هاشم وخاصه من يسألني شبيك شو متغير وصاير مشغول اكثر وكتك
احس نفسي ضايع واني شنو سويت بنفسي ، هسه المفروض شسوي ابتعد عن هاشم لو عن ياسمين
اثنينهم مستحيل
هو صديقي وهي اشوفها جزء مني ،،،
بالصدفه تعرفت ع سجاد أبن خالة هاشم وصرنا اصدقاء قريبين كلش من بعضنا صار موقف ودافعت عنه رغم اني مااعرفه ابد وهو دخلي ع الفيس منها عرفت هو ابن خالة هاشم وهيج اطورت علاقتنا
قررت أكون نفسي حتى لو بأبلغ المشقه وادخل وياها بالحلال وبهالحاله اني ما خسران احد
بس منا لذاك الوكت شلون تفض ،،، اني هسه وأحس كلبي طاگ عليها تعلقت بيها كلش
من اشوفها احس گلبي القوي يرجف
اول ما عرفت هاشم وبعدين قوت علاقتنا جنت اگله لسه گلبي ما تعلق ببنيه ولا راح يتعلق اني گلبي لأمي وبس
هسه لا صرت مدمن صوتها بس ما بينت هالشي الها ،، رغم اهتمامي الزايد بيها
تعودت اشوف وجها الصبح ، وبالعطله مرات العصر اطلب منها تصعد فوگ بس حتى اشوفها
كل الطلاب تفرح اذا بيوم صادف عطله بس اني عكسهم اضوج ، متلهف الها الصبح بس اريد اشوفها
بالعطله هي تگعد بالسطح واني اگعد بسطحنه حتى لا احد يشوفنه ونحجي ع الواتساب
كل شويه اگوم اشوفها
ماادري شبيها ترتبك مني وتخجل ،،
هي ضايعه وياي و ضيعتني وياها حتى مستواي تراجع بالدراسه بعد نص السنه ومن سمعت زرفت راسي ليش متقره يوميه
- مااحب احد يلح عليه شنو جاهل اني ليش متقره كل مااحجي وياج ليش متقره ، شنو كفرت گتلج تراجع مستواي ع اساس انتي فطحل دراسه
صارت تبجي وزعلت اول مرة اشوف زعل حقيقي منها دزتلي براحتك وسدت النت
بقيت اراسل واخابر ماكو
اخير شي دزيتلها ، ابقي زعلانه بس لتبجين
ياسمين
-*********
هواي قهرني بكلامه يعني فوگ ما خايفه ع مستقبله ، هو سادس ومصيري حتى لو اني ما اقره اني عايده السنه واول مو مثل دراسته
اجتني رساله ع الخط ابقي زعلانه بس لتبجين
هذا شبي شنو زعلانه شنو لتبجين ،، فتحت النت لگيت كومه رسايل منه وينج
ليش متردين
شنو زعلتي
