كرار تفاجئ صاح وراي شكو ، اشرتله روح
- لا مااروح ، اوگفي
- هاي ساره جيرانه شافتني احجي وياك ،، وهاي ابد مو راحه تفضحني
- اشگ حلگها وحلگ الخلفوها اذا نطقت وياج كلمه يلا روحي انزلي لتخافين
نزلت بس اكو خوفه ورهبه بداخلي ،، هاي متستحي جانت باليه هاشم بلوه ومره اني حاجيتها برزالة وگتلها متستحين لان هو مل منها وماكو فايده هاشم ميحب يحجي وَيَا هيج بنات
هسه شيخلصني من لسانها
بقيت القلق ماكلني ، امي ع العشا سألتني شبيج ، مابيه شي بطني توجعني ع الشهريه
وفعلآ جانت هاي مشكلتي كل شهر اموت من تجيني
حجيت لوتين ، بقت تلوم بيه ليش تصعدين وليش كسرتي كلام امي وهاي مفضوحه
ثاني يوم داومت وبالمدرسه كل ما تشوفني تضحك بحقاره ، متت من الخوف احسها تستفزني
بالفرصة الثانيه سويت نفسي أفوت من يمها
گالت ياسمين ،، احجي وياج
- شتردين
- لتخافين ماگول لحد عليج ،، بس الله عليج شلون خليتي يحجي وياج ، كومة حاولت وياه ع الفيس يلا انطاني مجال
- شتحجين ، هيج صدفه شفته فوگ السطح وهو بس سلم الولد هم عباله امي واعتذر
- ههههههه صدگتج
- طبج مرض لتصدكين ،،
بقيت افكر شلون صلفه تكول كومة حاولت وياه ،، وهو ولا جابلي طاري والبارحه گال اشگ حلگها يعني يعرفها
زين اذا هي تگول حاولت وانطاني مجال ليش تسأل شلون خليته يحجي وياي
اجه ابالي اني هواي بقيت احبه من طرف واحد وما انطا مجال بسهوله،، بس هو هم يحبني
هالافكار عشعشت براسي
بقيت افور لحد ما رجعت للبيت وتغديت گوة حتى لا امي تشك بشي
وراها رأسآ خابرته
الو
- هلا فدوه لهالصوت مشتاقلج ولله
- كرار انت منين تعرف ساره
- ياستار ، مااعرفها ولله ،
- صرت ابجي بحرگة من الخوف والقلق المكبوت بيه من البارحه واليوم ، لتكذب البارحه گلت اشگ حلگها يعني تعرفها
- بابا ولله مااعرفها بعدين شنو لتكذب ،، طايحة الحظ ، شلون هيج تحجين وياي
- لتغلط عليه ، ومنو انت واذا حجيت وياك هيج ،، هاي السافله مالتك تگول كومة حاولت وياه ع الفيس يلا انطاني مجال
- السافله مالتي ؟ ، ولله اطلع اكبر سافل اذا ما طيحت حضج اني الج
سد التليفون بوجهي
