ياسمين
*******
نمت نومة معلعله عندي حقيقه مرة تنغص عليه كل فرحه تصير تمر عليه
ومااگدر أتجاهلها
الصبح گعدنا من وكت ، حضرنا كلشي حتى الغده ، بابا راح يطلع اليوم
قبل الغده بساعه اجو للبيت
من شباك المطبخ شفت كرار لابس بدي اخضر وشعره عالي وگف غسل بالطرمه بالصونده
طلعت امي تسلم عليه ، هو كلش يخجل منها وعينه بالگاع من تحجي وياه
كريم ما قبل كرار يروح الا يتغده ويانا
كريم ابن عمي حباب ، بس هو خطيه مريض عنده ابو صفار بالكبد وحصوه بالطحال
وشلون صاير من العلاج ،،
اني متأكده هو لو ما صحته مو تمام مستحيل يخلي احد غيره وَيَا بابا بالمستشفى
المهم تغدو يمنا وامي انطتهم جاي
كعدو بالصاله ، وهاي اول مره كرار يگعد بالصاله مالتنا بس لا اني ولا وتين طلعنا من المطبخ وحتى امي اذا تريد تفوت تلبس عبايتها
اسمع كرار گال لكريم خلي نحول للاستقبال ، بس ابويه ما قبل
واجه عمي حاتم وره الغده
بس كرار خجل لان كاعد بالصاله ما طول شويه وراح
هاشم باقي يومين ع رجعته بس من سمع بأبويه رجع اجانه بالليل
محد يگدر يتصور الفرحه البداخلي ، من ابويه يحجي لعمي وآبن عمي عن كرار
سبع وشهم وصاحب غيره ، وعساك تنخاه ابد ميگول لا
امي تردهم اي ولله عيونه بالگاع من احجي وياه ، هاي واني بگد امه
عمي حاتم ،، اي ولله حتى دنيا تمدح بأخلاقه وصاحب غيره الولد الله يخلي لأهله
من سمعت دنيا نعصرت معدتي ،، تذكرت هي وياه يشتغلون سوه
قبل ماانام اخذت نضره ع التليفون ، شفت رساله منه
متعود هيج وقت احجي وياج ،
قبل ساعه داز الرساله ،
دزيتله ،، گعدة اهلي وبيها سيرتك متنمل
- هاشم نايم لو گاعد ؟
- گاعد يم ابويه ، شمدريك بي اجه ؟
- هههه خابرني واجاني للبيت قبل لا يطب عليكم
- اي عيني هاي شمسوي لأهلي هيج يحبوك ، فوگ ما معذب بتهم
- لا ولله هي بتهم شالعه گلبي
- ولا تنگدر ، اهلي كومه حجو بيك
- وين ولله فقير ، بس طيب عشره لهذا يذكروني بالخير
- ولله مو فقير ،
