، ربي دخيلك ولله تعبت تسمع ون روحي وزفرات همي ، مالي غيرك ،
من گد التعب گمت خليت راسي ونمت ، الصبح گعدت وبوجهي رحت لكرار لگيته يم اهله بالصاله متمدد وتليفونه بيده
صباح الخير
كلهم ردو هو لا ، ولا غسان رد
حوراء تنقل بالريوگ ، غسلت وجبت علاج كرار انطيته بدون مااحجي هو گعد اخذها مني
وجها شاحب ، گعدت تريگت وياهم بس كل گعدتي اني عيوني بوجها
عمتي گالت حوراء همي ايدج اليوم يجون علينا عمامج البارحه بالمستشفى كالو باجر نجي
- اي يمه
اني ساعدتها غسلت مواعين وعجنت وغسلت الطرمه
هي تنظف دنگت تمسح صاح بيها كرار ، لج شنو هاي
هي طفرت ، شكو
- ومرض ليش مدنگة وتمسحين ، ولي منا لا اكسر ضهرج
- اي راح اجيب ماسحه وامسح هو ما رد
فعلآ اجو بيت عمه وصارت هوسة خطار يمنا ،،
بس بهت لوني بهذا اليوم ، احس نفسي مو طبيعيه ، ودرار موتني ما لحگ
وجسمي كله يوجعني ، اعراض فجأة بدون سابق إنذار
متنا تعب للعصر يلا راحو ،، همزين اجت رشا وياهم ع الأقل تساعد بالبيت
واگفه بالمطبخ حوراء تنظف الخياط الفوگ عيني وحطتلي شاش وبلاستر جديد
اندگ الباب شفت كرار طلع من باب الاستقبال ،، سمعته يضحك واهلآ وسهلآ عفت حوراء وطلعت اشوف لگيتها ام فايز جيرانه ،، هاي المره حيل تحب كرار لان يشاقه وياها
بعد روحي يمه سمعت بيك مريض. باوسته وهو يگلها تره عيب ميصير هيج
- ياااا فدوه ونذر لهالوجه ، هنيالها التاخذك ههههههه
- راح انتظرج ، اذا ودع ابو فايز ، ندخل بالحلال
- خفت هالزول ، ما تعقل انت ؟ بعمر حبوبتك حتى مو بعمر أمك
ضاله بس الفجوج
هو يگلها بعد فجوجي ذني الفجوج ويضحك ، دفوتي جوه نشرب جاي نسولف
- لا تعال وصلني لبيتنا ابن ابني وصلني وطلع بالشارع ، بس صيح أمك اسلم عليها
دخل شافني بوجها بس مااهتم صاح يمممه
عمتي طلعت واني رجعت ،، للمطبخ ، شويه ودخلت گالت متقبِّل تفوت تكول مستعجله جهال ابني يمي وخاف يسوون مصيبه
