عمي فتح موضوع وَيَا اخوه ابو رشا وافق ، وهم اساسآ مترايدين فأتفقو ع يوم عقد سيد ويلبسوها الذهب
بيوم خطوبة ليث كالعاده يعزمون العمات والخالات ، والأقارب ، كلها اجت
انخبصنا اني وحوراء ورشا ، رغم متگدر والدكتوره وصتها تنام بس هاي خطوبة اختها ولحماها ، حلم اغلب البنات تصير هي واختها نفس البيت
اغلبهم شفتهم بزواجنا فيعرفوني واعرفهم ، بس بالشكل لان هواي هم
سألت كرار ، حبيبي تقبل اروح
باسني ، بس تبقين يم امي ماالمح طولج
- ماشي ، زين هم بيت عمك ماعدهم احد بس رشا وشوفة عينك متگدر ورغد عروسه ، مو لازم اني
قاطعني ، لا مو لازم ، بنات عمامي هواي ،
- ماشي حبيبي براحتك
- يلا لعد حضريلي ملابسي
- حضرتهم وَيَا ملابس ليث وكويتهن
- اي عاشت ايدج اني هم عريس
وگفت گباله ، ولله اموتك اذا سويتها بيوم ، احطلك سم انت وياها واسمكم
- منو هي ؟
- اي وحده تفكر تأخذك مني
-هههههههه مجنونه ،
- هاي هيه مدام تعرفني مجنونه ،
- ليش هو اني يحلالي غير هاي الجهره
- اي عفيه هيج اريدك
- هههههه تره جاي تحسسيني اني ابنج من تگولين عفيه
- فدوه لأبني الحلو ، صدگ كرار خلي اراجع دكتوره ليش لسه مصار عدنا بيبي
- گولي يالله حبيبي بعدنا اسم الله بالطبگ ، هسه تزوجنا
- شنو انت متريد اطفال
- شلون مااريد ، بس بعد وكت ع هذا الموضوع
سمعت عمتي تصيحني ، طفرت وهو يصيح وراي لتوگعين ع كيفج
- ها باجي
- تعالي هاي اختي وبناتها يسألون عليج
سلمت عليهن واهلا وسهلآ ، اني أعرفهن اجو بعرسنا ،
نزل كرار سلم عليهن ، ومثل عادته ابد ميرفع عينه ، اندار يطلع من الغرفه
تفاجأنه ورود بوجها ، سلمت عليه عادي ،
واني من يمي گبيت ، رغم هو جان مستعجل يطلع ،
سلمت عليه وگعدت ، الحقيره لسه اثر ضربتها بضهري ، اني طلعت وره كرار ، فات بغرفة امه طبيت وراه ، ليش تسلم عليها
هو اندار ، يا ستار يا ربي ، واذا سلمت ؟
- متسلم عليها هاي الحقيره ضربتني ولسه اثر دفعتها بضهري
مد ايده من خصري يلزم ضهري ، ع وجها ابتسامه ويحجي بهدوء ، بله خلي اشوفها ، مااعتقد باقيه لسه ،
