كرار
******
أنساها ، هاي اكبر كذبه كذبتها بحياتي ،، شلون أنساها
طيورها عايشات ويانا بالصاله مخليهن وطول الوقت اللي اني بالبيت هُن طالعات بس قبل لا اروح ادخلهم للبرج اللي مخلي جوه الدرج
لا اگدر أنساها ولا أنسى جروحها
بقيت مستمر ع علاج ومراجعه للدكتور تحسنت هواي ونصحني اهم شي نفسيتي لان من الكبت معدتي تهيج عليه ، اتحمل واني عصبي
بديت أتعود ع الوضع واطلع وَيَا هاشم بقت صداقتنا مثل ما هي
بيوم خطوبة غسان ابويه طلب مني اروح وياهم ، طبعآ ما رفضت رحت ووگفت وياه وگفة اخ لأخو
من رجعنا من الحفله من بيت عمي شفت وتين طالعه ، دنگت ودرت اسد الجام مال السياره سمعتها سلمت
- شلونك كرار
- هلا خويه الحمدالله انتي شلونج
- زينه
عبرتني لبيتهم اني هم قفلت السياره وفتت للبيت بدلت دگ تليفوني رقم غريب
الو
- هلو كرار
- منو ؟ وتين ؟
- اي
- گولي ، خو ما عندج شي ؟
- لا بس اخر مرة سمعت عنك مريض بس ردت اسأل عليك استحيت اسأل بالشارع
- تسأل عنج العافيه لا الحمدالله هواي احسن
- الحمدالله ، مبروك خطوبة غسان
- الله يبارك بيج
- يوم الألك
- ههههه وانتي الحاضره
- اسفه اخذت من وقتك ، هذا تليفون امي اخذته حتى اتصل بيك راح امسحه رقمك
- ماشي خويه براحتج
هذا التليفون رجعني للمربع الاول ، عصفت بيه ذكريات ، يا ترى هسه انتي شنو وضعج
هم تشتاقيلي ؟
طلعت صورتها اللي كل يوم اصفن بيها قبل لا انام ،، بعدها محبتها بگلبي مثل ما هيه
مسامحها بس صوت بداخلي يرفض هالشي
مر يومين ع اتصال وتين واجاني مسج ع الواتساب من رقم دولي غريب
مشتاقتلك ، ولله مذبوحه بدونك
- وهسه شنو التردي
