حاجة المرأة للأمان في علاقتها مع الرجل اكبر من حاجتها للحب
فالحب بلا أمان ، كالوطن بلا انتماء
باوعلي گال روحي صعدي وَيَا غسان وازهار
مجاي افتهم شي بقيت صافنه بوجها ،
مو احجي ويااج ، ترحين لو لا ؟
اي ، مشيت واني ما مفتهمه شي
الكل رگص وتونس وأغاني وضحك ، الا اني وجهي اصفر وأفكر شبي كرار بضرف ساعه هيج انقلب كيانه
عمتي هم ضايجه وتهدي بأختها، وبت اختها يسألنها ترد لأمها بعدين افهمج
خلصت الخطوبه حوراء ذبت لحم وفرحانه ، حيل ، دز عليها خطيبها شفته حجا وياها وعيونه تراقب نضراتها ، وصحيح انتبهت امه وأخته ما حاباتها
من عقدو وطب ليث يلبسها الذهب اجه وياه كرار ، وجها يضحك
ولله خبلني هذا الرجال ، شصاير ؟
نفضت تفكيري من ازهار ورورد يرگصون بالنص وحوراء وياهن
هو شافني اشرلي اجي يمه ، ها حبيبي شبي وجهج اصفر
- وجهي شبي لو وضعك المو طبيعي ،
- شبي وضعي
- مااعرف اليوم زعلت أمك منك ولسه صافنه معقوله انت تسويها !
- خليها تزعل ، هالشي بينا اني وامي ومو وكت حجي هسه ، اندار ع ليث اني راح اطلع اخذ راحتك يابه حلالك وغمزله ، بارك لرغد وطلع
ارتاحيت من طلع مااريده يشوف ورود ترگص
كملت الحفله ورجعنا للبيت والخطار طش كلمن لهله بس كرار ماكو ما رجع للبيت
سألتني عمتي هم تعرفين كرار شعنده ؟
- لا ولله باجي مو گدامج اني جوه هو صعد ونزل انگلب كيانه
بقت تبجي ، ابن بطني واعرفه ، ما يعلي صوته عليه بهالاثناء تحجي وهو فات
- ها يمه اختج ولت لو بعدها
- احجي كرار شصاير، حاسه اكو شي مو طبيعي
- ولله يمه حطيت عيونج بين عيوني وما فضحتها ، السحر اللي تهمنا بي ازهار طلعت اختج مسويته ودازه بتها اليوم اطلعه وتخلي بمكانه ،
انصدمنا ، ابد ولا ممكن تجي بالبال
شفتها بعيني واعترفت بتها بلسانها ، لو ما هوسه ومااريد تمسج حجايه جان خابرت ع خالي وع رجلها الشفيه
يمه ازهار تكرهني بس عينك عينك ما جاملتني يوم وضحكت بوجهي ، عكس خالتي ،
خطيه عمتي من الصدمه كامت تبجي بحرگة وخابرت عليها گدامنا ، وفهمت منها ، ذيج تبرر عاد ختمته وياها بعد لا اريد اشوفج ولا تخابرين لهنا وانتهت ، جايه بكل عين صلفه تخربين بيت ابني ،
