❤️❤️❤️❤️❤️
- مشتاقتلك
تحسر وسألني متأكده
- ولله مشتاقتلك ، گلبي يوجعني عليك
- سلامة گلبج ،
- شنو ما مشتاقلي
- هواي ولله ، بس انتي بذاته ، لتخابرين ولتسألين وفوگاها تسألين ما مشتاقلي ،
- بس جنت نايم ، ما سهران مثلي
- اذا كثرن همومك توسدهن ونام ، المهم انتي شلونج شلون صرتي
- اذا شفتك ، كلش زينه أصير ،
- واذا اجيتج تنامين ع صدري؟ گولي اي و هسه اجي
خجلت منه ، عبالك اول مره هيج يحجي وياي ، ما حجيت
- ليش سكتي ، يلا براحتج ، راح يطلع الصبح ، واني محتاج ليل طويل وياج ، خليج بمكانج اليوم احسن والصبح اجي
- انتظرك ؟ لو اني اجي ؟
- هههههه انتظريني اني اجي اخذج
- ايي انت شلونك ؟
- مو بعد وكت
- نسيت اسألك شلونك
- شلوني وانتي بيه ، مشتاقلج بگد رحمة الله
- افتح كاميرا اشوفك
فتح كاميرا ع الجربايه بالغرفه ، گتله متغير
- من الراحه ، حيل مرتاح
- معناها حيل ضايج ومهموم
- ياسمين خاف أفز ويطلع هذا حلم
- حتى لو حلم يكفي حجيتلك شگد مشتاقتلك
- ما گلتي شگد
- بگد ، قاطعني لا لتحجين ، من احطج ع صدري راح اعرف شگد وبنفس الوقت اشوفج اني شگد مشتاقلج
- يلا نام ، گعدتك من نومك ،
- متعوده تشعلين عشيرتي وتولين
- خايفه ،
- لتخافين الغرفه دورتها كلها مابيها شي ، ويوميه اشغل بيها قرءان ، سورة البقره ، ونظفتها حوراء بالمي الجبناه ، وخلي ايمانج ب الله قوي ،
- شلون عرفتني خايفه من الغرفه حجيت قبل لا احجي
- ماكو احد يعرفج بگدي ، ولله افهم الكلام بعيونج وبنبرة صوتج .. بس انتي خبيثه ليش لسه مفاتحه كاميرا حتى اشوفج
فتحت واني اعدل بالكفشه ، هو مركز عيونه عليه ، شگد لازم احسب واحصل رگبتج ، كم ساعه
- كراااار
- عيونه
- تسلم عيونك ، لتحجي هيج
- ليش ولج لازم مو حلالي
- لا ، بس انت تدري بيه اخجل
- هو هذا المطلوب ، تخجلين واشوفج
