هاي سخريه قدر لو اني هيج
دمعي يوگف لو يضل بواهسه
.........................
- ليش حزينه
- انكسرت وهالشي جرحني وبحياتي ما راح أنساه ، هالشي راح يلازمني عمري كله ،
- ياسه انتي مرتي ، صح هسه وضعي ما مرتب بس مراح اخلي هالشي يدوم
- قابل راح أنسى اني ماعندي أهل ، تبرو مني ، لو أتغاضى عن نظرات الناس اليه ، من دخلت بيتكم لليوم مشايفه الشارع اليوم يلا طلعت ، اخاف من نظرات الناس الي
- لتهتمين للناس شوفيني مثل مااني اشوفج ، اشوفج كلشي حلو بحياتي
، ان شاءالله يصير عدنا اطفال ويتغير كلشي وكتها
- ههههه ولله أحلامك حلوه ، كرار اني انظلمت ومحتاجه اهلي يعرفون هالشي ، بمكان ما حاقدين عليه لازم هم يداون جروحي
- ياسه اللي اكدر عليه اسوي ومااقصر عليج بشي ، قابل ادفنين نفسج بالحياة ،
- ليش عندي احساس مكروه ؟
- مفهمت
- احسك تضحك عليه ، وتريد تأذيني
هالكلمه قلبت كيان كرار من انسان عطوف لكتلة بركان ، أعصابه ثارت
اني اكبر غبي وگو....، لج شوكت يصير براسي خير وانساج ، المثلج متستاهل كلمة حلوه ،
بعد كل الشفته منج واني متمسك بيج ، ع شنو ؟
ما شفت منج بس طيحان الحظ ،
يحجي بصوت عالي وعصبي يضرب ع الستيرن ، انضربت سيارته من وره هو تخبل ، وگف ونزل ، درت وجهي اباوع عليه ، الجو حيل بارد هو نزل بس بالقميص وأعصابه تفور ، خفت ليتعارك
صاحب السياره الضربنا هم نزل ، شفته رجال جبير تعبان
كرار يتفحص السياره ويفرك بوجها ويستغفر ،
- عمي شتأمرني اني حاضر
- روح عمي قدر وصار ، دفع الله ما كان اعظم ، عاف الرجال واجه صعد حرك السياره يمشي بكل سرعه ، خفت حيل من عصبيته وما نطق وياي ولا كلمه
دك تليفونه جاوب ليث يسأل انتو وين ؟
- بالگبور ، ليش ؟
- يا گبور شبيك كرار
- استغفر الله ، ليث اني راجع للبيت هسه اكو شي
- اگلك شي ، بس ولله خايف عليك ، هو انت لازم تعرف
- احجي شكو ؟
- ياسمين مو بالبيت ،
- ياسمين وياي ، مو تدرون طلعنا للطبيب
- يا طبيب هذا من البارحه لليوم
سد التليفون بوجها ، وشمره گدامه
- شفت شلون الناس تنظرلي ، اقرب الناس الك ، مگالو شعدها ؟ ميدرون عني اجيت من الطبيب لو لا
