وين بحياتك تلگا مثلي انسان ،،، من يشتم سكوتك يدري زعلان
********
لزمني وبقى يباوع بوجهي ، اكو بعيونه حجي بس ما حجا
فتح ايده گال باجر ارجع من وكت ، الگاج جاهزه حتى اخذج دكتور
هو صعد واني دخلت للغرفه ، ، عيني واذاني هاجت عليه عبالك يدگ الجرس من يجي الليل كلها المواجع تلتم
وهسه شنو لازم اتحمل
اخذت علاج ما فاد للأربعه الفجر الوجع موتني ، شاغت روحي ربي دخيلك ارحمني
حتى ورود گعدت وحوراء صافنه بوجهي عبالها ابجي من عيني بس الحقيقه ابجي من آذاني دمرتني
عفتهن وطلعت للطرمه الجو باااارد يگص گص ، واني دموعي تجري
شويه واجاني كرار ورود صايحته
- ها شعندج ،
- آذاني توجعني
- لا حول الله ، اخذتي علاج ، مهدئ ع الأقل للصبح واخذج للدكتور ليش ما رحتي البارحه مو وصيت امي تاخذج ،
مخليه اديه ع آذاني وابجي
گومي الجو بارد لتبقين هنا
- مااگدر عوفني هنا
سحبني من ايدي دخلني للمطبخ ، فتح الضوه وفتحلي صوبه خلاها يمي
حوراء ابد ما طلعت من غرفتها بس ورود يمنا
هو جابلي حبوب گال اخذي هاي منوم و هسه تنامين وترتاحين
بلعتها وهو يفحص عيني ، رفعت نضري عليه ، همسلي بيه ولا بيج ، ولله عيني متاخذ نوم ، دموعج زرفت گلبي منظرج هذا هد حيلي ، شبقيتي بيه
ما حجيت باوعت ع ورود ضاجت وراحت
ردت اگوم ، گعدني ، اگعدي ، ارتاحي وكافي بجي ،
بقيت نص ساعه ابجي بعدها نعست حيل ، طبيت نمت بفراشي هو غطاني وباس خدي وطلع
حسيت بي باسني بخدي وهاي اول مره يسويها ، بس النعاس سيطر عليه نمت ماادري
الصبح هو گعدني حسيت بي گاعد يم راسي وأصابع ايده تلامس خدي وهو يرفع شعري عن وجهي فتحت عيني صارت الساعه گدامي ب11
نهضت نفسي گعدت ، سألني شلونج اليوم
هزيت راسي زينه
- رحت امتحنت ورجعت ع مودج ،
- مااريد اهتمامك ، ولا عطفك
- ياسمين لتسويلي نفسج نبي ، ولله الشفته منج مو قليل ، وهسه گاعده تگليلي مااريد اهتمامك ، تره احاول أتناسى بس ما نسيت
- دامك منسيت ميحتاج تهتم ،
- يابه مااهتم ، گومي اكلي واخذي علاج حجزتلج يم الدكتور ب4 يگعد ، حتى ما گدرت اكمل دوامي
احنه نطلع ب2 حتى نلزم سره
