اكيد اني الخسران ،، دفعت ثمن من عمري واني اتحسر ع صوتها
شنو ذنبي اخسر ، كل اللي اگدرعليه سويته ، هي اللي باعت المفروض هيه اللي تتعذب مو اني
لحد هنا واني لسه اگول الله لينطي اللي جان السبب الا ان. بيوم بالصدفه عرفت حقيقه موتت شكوً احساس بيه وطبعآ بالصدفه
ابد ما جربت اتصل بيها وضايج منها ع الموقف الحطتني بي گدام هاشم ، ورفضها اليه
مرات اگول يمكن اكو ضغط عليها ،، احاول الگا الها عذر
16 يوم مرت واني اتعذب ما سامع صوتها ولا اعرف اخبارها
رحت للصيدليه ، وبطريق الرجعه بالليل اجت ويانا بنية صديقه دنيا وگدامي حجت
دنيا متخافين تجين وَيَا كرار وحدج بالليل وشلون اهلج يقبلون ؟
قبل لتحجي دنيا اني گتلها
لعد انتي ليش اجيتي وياي ، متخافين ؟ شلون اهلج يقبلون ؟
- لا اقصد يوميه ترجعون وحدكم
- ترة اني هم ابن عائلة وعندي اخت وبنات عم ، وهاي لان انتي بنيه مااكدر اتصرف وياج وراح اوصلج لبيتكم
سكتت ، واني انفخ ع أعصابي زين ما نزلتها بالشارع من أعصابي
من نزلت رحت أوصل دنيا ، خطيه بقت تعتذر ولتضوج متعرف تحجي وأهلي كلش يحبوك وثاقين بيك
بقت تحجي بس ماارد لان ضايج طالعه روحي ، وگفتني كلمتها
حتى اهلي مستغربين شلون ياسمين رفضتك ،
وگفت السياره ، شنو ؟
- شبيك كرار حجيت شي غلط اني ؟
- احجيلي الصدگ دنيا ، منو وگف بطريق زواجنا اني وياسمين
- محد ولله ، ولله هي رفضت وبابا وأبوها واهلنا تعجبو وتوسلو بيها بس هي رفضت
- مو هاي المره القبلها ؟
- اي مرتين هي ترفض
- يعني مو ابوج واخوج يريدها ؟
- لا ، كريم مريض مو مال زواج ، متشوفه يعالج صفحه تگوم صفحه
- دنيا لتخبليني ، اني وياها علاقه من 3 سنوات شنو هي الرفضت
بقت صافنه بوجهي ، وبتعجب ، انت تحب ياسمين !
سكتت
يعني اللي جنت تحجي عنها ياسمين ؟
- اي ياسمين ، بس هالشي مااريده يطلع لأحد أبد ، واساسآ انتهى
- شايف نفسك شلون صاير
- أتعود وأنسى وَيَا الزمن
هي استغربت من شافتني احجي بهالبرود بس متأكد من گد ما انقهرت هيج صرت وهاي عادتي شگد مااصير عصبي وانقهر ابرد ويسيطر عليه هدوء مو طبيعي
