Alpha Section

8. The School Director

Kinagabihan, habang nagmumukmok pa ako sa bagong bigay sa'king kwarto, 'di ko naman maiwasang isiping muli ang nangyari sa'min ni Andrew. Ilang beses na kaming nag-away no'n pero agad din naman kaming nagbabati. Pero ito lang ang pinakaunang beses na pinagsalitaan niya ako ng gano'n.

And for what? Dahil lang sa nalipat ako sa Alpha Section, gano'n?

Simula yata ng nalipat ako sa section na 'yan, nagkanda-letse letse na yata ang buhay ko.

*Bzztt bzztt*

Napaupo ako ng 'di oras sa kamang hinihigaan ko at kinuha 'yung cellphone ko na nasa aking side table. Nagtaka naman ako ng makita kong naka-add ako sa group chat ng Alpha Section.

"Guys, magmadali kayong pumunta rito sa com. lab." Kita kong si Kylie ang nagmessage.

Nagtaka naman ako pero agad ko namang sinunod ang sinabi ni Kylie. Lumabas ako sa'king dorm nang naka-plain white shirt at khaki pants at nagmadaling nagtungo sa com. lab.

***

Pagkarating ko sa nabanggit na com. lab sa fourth floor ay iniswipe ko sa may pinto ang bitbit kong ID. Nang magbukas na ito ay agad na akong pumasok. Nagulat naman ako nang makita kong lahat ng mga kaklase ko ay naririto na at nagtitipun-tipon sa tapat ng isang nakapatay na computer screen.

Well except kay Warren na parang may sariling mundo sa kanyang kinauupuan at abala sa pagtitipak sa kanyang laptop.

"Ano'ng meron?" pambungad kong tanong as soon as nakalapit na ako sa grupo.

"Well, ipinatawag ko kayo ngayon para pag-usapan natin ang tungkol sa nasaksihan natin kaninang umaga." sagot naman ni Kylie. Agad napukaw ang atensyon ko sa kanyang sinabi.

"Ang astig nga no'n eh. May kanya-kanya tayong powers." tuwang-tuwa pang sabi ng kambal kong kaklase sabay apir sa isa't-isa.

"They're right. We can actually use our powers in our own benefits. That makes us superior over others." mayabang namang sagot ng kaklase naming babae na may kulay blonde na buhok na inayos niya into a ponytail sa kasalukuyan.

"Pero don't you think hindi ito makakasama sa'tin? At ano ang aksyon ng school upon knowing our powers? Hindi ba sumagi sa isipan niyo na baka pag-e-eksperimentuhan tayo, gano'n?" nag-aalalang sabi ni Kylie.

"Ooohh! Magiging X-men na ba tayo? Or Teen Titans?" masigasig namang suhestyon ni Mitch. Kita ko namang napa-roll eyes 'yung maarte naming kaklase.

"Kakabasa niyo ng comics, kung anu-ano na 'yang pumapasok sa mga utak niyo." she sneered at them.

"Palibhasa boring ang childhood mo Sasha." sabat naman ni Mitch sabay labas ng kanyang dila dito while making a face sa kanyang harapan. Inirapan lang siya ng tinawag niyang Sasha.

"Hindi sa gano'n." Nalipat naman ang tingin namin dito kay Elise na hindi ko namalayang andito din pala.

Pero agad din namang nalipat ang aming atensyon sa mayabang kong kaklaseng si Warren ng bigla itong tumikhim.

"Ang ingay niyo. Panuorin niyo na lang ito." sabi niya sabay lapag sa bakanteng mesa ang kanyang laptop.

Nagtaka naman ako ng makita ko sa kanyang laptop screen ang nakatayong imahe ni Mr. Cruz sa isang malapad na kwarto habang kausap ang isang lalaki rin na, sa kasamaang palad, ay nakatalikod ang kanyang swivel chair mula sa camera kaya hindi namin kita ang kanyang pagmumukha.

"Teka, paano'ng--"

"Naglagay ako ng isang maliit na spy camera in a form of a sticker at idinikit ko kanina sa ballpen na parating gamit ni Mr. Cruz. So keep quiet at manuod ka na lang." Bago pa ako tuluyang makapagtanong ay agad naman itomg sinagot ni Warren.